Levítico 22:6 - Q'eqchi Bible

⁶ li winq a'an taakanaaq chi muxb'il ru toj reetal taa'ok li q'oqyink, ut ink'a' taaruuq chi xtzekankil li loq'laj mayej wi ink'a' taa'atinq.

Li Santil hu

⁶ Cui junak laj tij tixchꞌeꞌ li cꞌaꞌru muxbil ru, li jun aꞌan muxbil ru ta̱cana̱k toj ta̱oc li kꞌojyi̱n. Ut incꞌaꞌ naru tixtzaca li mayejanbil tzacae̱mk toj ta̱ati̱nk.

Levítico 22:6 ပူးပေါင်းရင်းမြစ်များ

Hebreos 10:22

Jiloqo b'i' chi xk'atq chi anchal qach'ool, chi anchal qapaab'aal, ch'ajob'resinb'ilaq li qach'ool chiru li ink'a' us ut ch'ajb'ilaqo rik'in saq ru ha'.

Levítico 15:5

“Yalaq ani taach'e'oq re li na'ajej b'arwi' xyoklaak li winq yaj, tento tixpuch' li raq' ut taa'atinq, ut muxb'il ru taakanaaq toj reetal taa'ok li q'oqyink.

1 Corintios 6:11

Jo'ka'in naq xe'wank junjunq sa' eeyanq. Ab'anan xexch'ajob'resiik, xexsantob'resiik ut tiikob'resinb'il chik leech'ool sa' xk'ab'a' li Qaawa' Jesukriist ut rik'in xMusiq' li qaYos.

Hageo 2:13

Toja' naq laj Hageo kixye wi' chik: “Wi junaq muxb'il ru xb'aan xch'e'b'al junaq kamenaq, ut tixch'e' junaq reheb' li tzekemq a'in, ma muxb'il ru tkanaaq li tzekemq?”. Ut eb' laj tij ke'xye: “Muxb'il ru tkanaaq”.

Levítico 22:5

malaj ani tixmux rib' yal sa' xk'ab'a' xch'e'b'al junaq xul li naxjukuki rib' chiru ch'och' malaj ut junaq winq muxb'il ut naxmux ru li ani nach'e'ok re,

Levítico 22:7

Sa' rokik li saq'e taakanaaq chi ch'ajob'resinb'il; toja' naq taaruuq chi xtzekankil li santob'resinb'il mayej, xb'aan naq a'an li xtzekemq.

Números 19:22

Ut chixjunil li taach'e'eq xb'aan junaq muxb'il ru, muxb'ilaq chik ru taakanaaq; ut li ani taach'e'oq re li muxb'il ru, muxb'ilaq ru chalen toj ewu”.

Levítico 11:27

“A' yaal k'aru chi xulil kaahib'eb' roq nahilank raalal sa' xb'een li roq, a'an jun yib' aj xul cho'q eere. Yalaq ani taach'e'oq re junaq kamenaq xul xkomoneb' a'an, taakanaaq chi muxb'il toj reetal taa'ok li q'oqyink.

Levítico 11:28

Ani tixwaklesi junaq kamenaq xul xkomoneb' a'an, tento tixpuch' li raq' ut taakanaaq chi muxb'il toj reetal taa'ok li q'oqyink: a'an yib' aj xuleb' cho'q eere.

Levítico 11:31

“Sa' xyanqeb' li k'iila xul wankeb' sa' ruuchich'och', a'anaqeb' yib' aj xul cho'q eere. Yalaq ani taach'e'oq re junaq kamenaq xul xkomoneb' a'an, taakanaaq chi muxb'il toj reetal taa'ok li q'oqyink.

Levítico 11:32

“Taakanaaq ajwi' chi muxb'il li k'a'aq re ru b'arwi' taat'ane'q junaq kamenaq xul xkomoneb' a'an: mare sa' xb'een junaq che', junaq aq'ej, k'a'aq re ru yiib'anb'il rik'in tz'uum, junaq koxtal malaj junaq k'anjelob'aal. Tento xk'eeb'al sa' ha' ut taakanaaq chi muxb'il toj reetal taa'ok li q'oqyink; chirix chik a'an taakanaaq wi' chik chi saq ru.

Levítico 11:39

“Wi taakamq junaq xul xkomoneb' li neketiw, ani taach'e'oq re li kamenaq xul a'an, taakanaaq chi muxb'il toj reetal taa'ok li q'oqyink.

Levítico 11:40

Ani taatiwoq xtib'el li kamenaq xul, tento tixpuch' li raq' ut taakanaaq chi muxb'il toj reetal taa'ok li q'oqyink; ut ani taa'isinq re li kamenaq xul, tento ajwi' tixpuch' li raq', ut taakanaaq chi muxb'il toj reetal taa'ok li q'oqyink.