Levítico 22:20 - Q'eqchi Bible

²⁰ ab'an moko k'ulb'ilaq ta chiru wi li xul wanq xyajel.

Li Santil hu

²⁰ Abanan incꞌaꞌ ta̱cꞌulekꞌ li mayej cui te̱mayeja junak li xul li cuan re̱cꞌ.

Levítico 22:20 ပူးပေါင်းရင်းမြစ်များ

Deuteronomio 17:1

“Ink'a' taamayeja chiru li Qaawa' laaYos junaq wakax malaj karneer li wank xyajel malaj k'a' chik reek', xb'aan naq a'an tz'i'b'eetal chiru li Qaawa' laaYos.

Malaquías 1:8

ut maak'a' eemaak xb'aan xmayejankil li mutz'eb' aj xul, yeq ra'eb' malaj yajeb'. Ayuqex ut sihomaq chaq a'an re lee'awab'ej! Ma taawulaq tab'i' chiru? Ma tixk'ul tab'i' xch'ool leemaatan? -chan li Nimajwal Yos-.

Deuteronomio 15:21

Ut wi wank junaq xyajel, wi yeq roq malaj mutz' malaj wank junaq chik xyib'al ru, ink'a' taamayeja re li Qaara' laaYos.

1 Pedro 1:19

xexkole'k b'an rik'in li xloq'laj kik'el li karneer maak'a' reek' ut maak'a' xmuxul, a'an li Kriist.

Hebreos 9:14

ma toja' ta chik li xkik'el li Kriist li kixyeechi'i rib' chiru li Yos chi maak'a' xmuxul sa' xk'ab'a' li junelik Musiq'ej? Relik chi yaal naq li xkik'el li Kriist tixch'ajob'resi li qak'a'uxl chiru li qakamenaqil k'anjel, re naq took'anjelaq chiru li yo'yookil Yos!

Levítico 22:25

Chi moko teek'ul chiru junaq aj ab'l tenamit eb' li xul a'in jo' tzekemq cho'q re leeYos, xb'aan naq wankeb' xyajel ut ink'a' te'k'ulmanq eeb'aan”.

Levítico 1:3

“Wi li xul li tixyeechi'i cho'q xk'atb'il mayej, a'an isinb'il chaq sa' xyanqeb' li xwakax, tento naq a'anaq jun teelom wakax li maak'a' reek'. Ut tento tixyeechi'i sa' rokeb'aal li Loq'laj Muheb'aal, re naq k'ulb'ilaq xb'aan li Qaawa',

Levítico 3:1

“Wi ani tixchap chaq sa' xyanqeb' li xketomq junaq ixqi wakax malaj ut teelom wakax re xyeechi'inkil chiru li Qaawa' jun li mayej re k'amok ib' sa' usilal rik'in li Yos, li xul taayeechi'imanq tento naq maak'a'aq reek'.

Levítico 3:6

“Wi ani tixyeechi'i re li Qaawa' junaq xkarneer, jo' mayej re k'amok ib' sa' usilal rik'in li Yos, tento tixyeechi'i junaq teelom malaj ixqi karneer li maak'a'aq reek'.

Números 19:2

“A'an a'in jun chaq'rab' xaqab'anb'il xwankil xb'aan li Qaawa'. Naxye chi jo'ka'in: Ye reheb' laj Israel naq te'xk'am chaq aawik'in jun li wakax kaq rix, maak'a'aq reek', maak'a'aq xmuxul ut toj maji' na'iiqank.

Números 29:8

Cho'q k'atb'il mayej sununk xb'ook chiru li Qaawa', teemayeja jun saaj wakax, jun chib'aat ut wuqub' chi karneer aj junq chihab', chi maak'a'aq reek'eb'.

Ezequiel 45:18

“Laa'in, li Qaawa', ninye chi jo'ka'in: Sa' xtiklajik li xb'een po teemayeja junaq saaj wakax li maak'a' reek', re xch'ajob'resinkil li santil ochoch.

Levítico 22:24

Chi moko naru teeq'axtesi chiru li Qaawa' eb' li xul tiq'ilkeb' xnaq' rit, malaj tenelkeb', kapuneb' malaj ut setb'ileb' xnaq' riteb'.Meeb'aanu a'in sa' leetenamit.