Levítico 22:16 - Q'eqchi Bible

¹⁶ chi moko te'xk'e chiriiqani li xmaa'usilaleb' sa' xk'ab'a' xtzekankil li k'a'aq re ru osob'tesinb'il. Laa'in li Qaawa', li ninsantob'resink reheb'”.

Li Santil hu

¹⁶ Teꞌxqꞌue chi xtojbal xma̱c li cristian cui teꞌxqꞌue chixtzaca li tzacae̱mk santobresinbil. La̱in li Ka̱cuaꞌ. La̱in ninsantobresin reheb li tzacae̱mk aꞌan.

Levítico 22:16 ပူးပေါင်းရင်းမြစ်များ

Levítico 22:9

“Ye reheb' naq xpaab'aqeb' linchaq'rab'; chi jo'kan ink'a' te'riiqani junaq maak chi moko te'kamq yal sa' xk'ab'a' naq xe'xq'etq'eti rib'eb'. Laa'in li Qaawa', li ninsantob'resink reheb'.

1 Pedro 2:24

A'an ajwi' li kik'amok re li qamaak sa' xjunxaqalil chiru li krus re naq kamenaqaqo chiru li maak ut yo'yooqo cho'q re li tiikilal: rik'in li xtiq'ilal xexk'irtasiik laa'ex.

Salmos 38:4

maak'a' chik rusil lintib'el xb'aan laajosq'il, maak'a' chik xkawilal linb'aqel xb'aaneb' linmaak.

Levítico 20:8

Paab'omaq ut k'anjelahomaq ru linchaq'rab'. Laa'in li Qaawa' li nasantob'resink eere.

Levítico 7:18

Ut wi ani tixtzeka sa' rox li kutan xtib'el li mayej re k'amok ib' sa' usilal, li mayej a'an ink'a' k'ulb'ilaq chi moko k'eeb'ilaq sa' ajl, ut li tib' a'an tz'eqtaananb'ilaq chi junajwa. Ani taatzekanq re, taakanaaq li maak sa' xb'een.

San Mateo 23:17

Maak'a' eena'leb' ut mutz'ex, xb'aan naq b'ar wank li q'axal nim xwankil: ma li oor malaj li rochoch li Yos li nasantob'resink re li oor?

Éxodo 28:38

Taakanaaq sa' xb'een xpeekem laj Aharón, xb'aan naq laj Aharón taa'iiqaninq reheb' li maak li te'xb'aanu eb' laj Israel sa' xyeechi'inkil chixjunileb' li loq'laj mayej. Tento naq junelik wanq sa' xb'een xpeekem, re naq eb' laj Israel te'xtaw usilal chiru li Qaawa'.

Levítico 10:17

—K'a'ut naq ink'a' xetzeka li mayej chirix li maak sa' junaq osob'tesinb'il na'ajej? Q'axal loq' li mayej a'an, ut li Qaawa' kixk'e eere re naq laa'ex tex'iiqaninq re xmaakeb' li komonil ut teetoj rix xmaakeb' chiru li Qaawa'.

Levítico 22:17

Li Qaawa' kiraatina laj Moisés ut kixye re:

Números 18:1

Toja' naq li Qaawa' kixye re laj Aharón: “Wi junaq tixmux ru li Loq'laj Muheb'aal, li maak a'an taakanaaq sa' aab'een laa'at, sa' xb'eeneb' laawalal, aawochb'eeneb' li xjunkab'al laayuwa'. Ab'an sa' aab'een ut sa' xb'eeneb' laawalal taakanaaq li xmaak junaq aj tij.

Números 18:32

Rik'in a'an maak'a' junaq maak sa' eeb'een, xb'aan naq ak xeq'axtesi cho'q re li Qaawa' li jwal chaab'il. Chi jo'kan ink'a' teemux ru li xloq'laj yeechi'omeb' laj Israel, ut ink'a' texkamq”, chan li Qaawa'.

Levítico 21:8

A'anaq sant cho'q aawe, xb'aan naq laj tij naq'axtesink li xmayej wa laaYos. A'anaq sant cho'q aawe, xb'aan naq laa'in, li Qaawa', santin ut laa'in ninsantob'resink eere.

Levítico 21:15

re naq ink'a' tixmux ruheb' li ralal xk'ajol sa' li xtenamiteb', xb'aan naq laa'in li Qaawa', li ninsantob'resink re”.

Levítico 21:23

ab'anan ink'a' naru taa'ok junpak'al li t'ilkem chi moko chinach'oq rik'in li artal, re naq ink'a' tixmux ru li Loq'laj Na'ajej. Laa'in li Qaawa', li ninsantob'resink reheb'”.