Levítico 22:13 - Q'eqchi Bible

¹³ Ab'an wi a'an junaq xmalka'an malaj ut kanab'anb'il ixq, ut maak'a' ralal xk'ajol ut taasutq'iiq wi' chik sa' rochoch li xyuwa' kama' naq xwank chaq xjunes, naru tixtzeka li naxtzeka li xyuwa'. Ab'an li ani maawa' xkomoneb' laj tij moko naru ta tixtzeka.

Li Santil hu

¹³ Abanan cui lix rabin laj tij xma̱lcaꞌan, malaj ut xjachom rib riqꞌuin lix be̱lom ut ma̱cꞌaꞌ xcocꞌal, li ixk aꞌan ta̱sukꞌi̱k saꞌ rochoch lix yucuaꞌ joꞌ nak quicuan saꞌ xsa̱jilal ut naru tixtzaca lix tzacae̱mk lix yucuaꞌ. Abanan ma̱ jun junak jalan naru natzacan re li santobresinbil tzacae̱mk.

Levítico 22:13 ပူးပေါင်းရင်းမြစ်များ

Levítico 10:14

Ut li re xmaqab', li chaab'il mayej, ut li ra' (a'an li tenq'aal) tento naq teetzeka sa' junaq saab'esinb'il na'ajej, laa'at ut eb' laawalal aak'ajol malaj laarab'in, xb'aan naq a'an li textz'aq xkomon li mayej re k'amok ib' sa' usilal, xmayejeb' laj Israel.

Génesis 38:11

Toja' naq laj Judá kixye re lix Tamar, li ralib': “Kanaaqat jo' xmalka'an sa' rochoch laayuwa' toj taawinqilo'q laj Selá li walal”. Xb'aan naq kixye sa' xch'ool: “Mare anchal taakamq ajwi' a'an jo' naq xe'kamk li ras”. Jo'kan naq lix Tamar koxkanaaq sa' rochoch li xyuwa'.

Éxodo 29:33

Te'xtzeka li k'aru xk'anjelak re xtz'aamankil xkuyb'aleb' li xmaak, naq xe'xaqab'aak cho'q aj tij ut xe'q'axtesiik re li Qaawa'; ab'an maajun chik truuq tixtzeka a'an, xb'aan naq loq'laj mayej.

Levítico 22:10

“Maajun li maawa' xkomoneb' laj tij, naru tixtzeka li loq'laj mayej. “Maajun rula' laj tij chi moko junaq xtojb'il moos naru tixtzeka li loq'laj mayej.

Levítico 22:12

“Wi li xrab'in laj tij sumsu rik'in junaq winq li maawa' xkomoneb' laj tij, ink'a' naru tixtzeka li mayej nak'eemank reheb' laj tij.

Éxodo 12:43

Kixye li Qaawa' re laj Moisés ut re laj Aharón: “A'an a'in leetaqlankil chirix li Paswa: Maajun jalan xtenamit taatzekanq re li tzekemq a'in.

Deuteronomio 24:2

Ut chirix naq ak x'elk li ixq sa' rochoch li winq, naru taasumlaaq rik'in jalan chik winq.

1 Samuel 21:7

Sa' li kutan a'an wank aran jun aj k'anjel chiru laj Saúl; kikanaak aran chi xb'aanunkil jun li xtaqlankil chiru li Qaawa'. Li winq a'an aj Dohek xk'ab'a', aj Edom, xjolomileb' laj k'aak'alenel xketomq laj Saúl.

Esdras 2:63

Ut laj taqlanel sa' xb'een li tenamit kixram chiruheb' xtzekankil li k'aru jwal loq' toj reetal junaq aj tij taapatz'oq chirixeb' rik'in li Urim ut li Tumim.

Ezequiel 44:8

Ink'a' xeraj xb'aanunkil li loq'laj k'anjel chiwu, xeq'axtesi b'an chik sa' ruq'eb' li jalaneb' xtenamit».