Levítico 21:6 - Q'eqchi Bible

⁶ te'xq'axtesi b'an rib' chi junajwa re li xYoseb' ut ink'a' te'xmux li xk'ab'a', xb'aan naq a'aneb' neke'q'axtesink li k'atb'il mayej ut li xmayej wa li xYoseb'; jo'kan naq tento santaqeb'.

Li Santil hu

⁶ Tento nak santakeb laj tij re nak incꞌaꞌ teꞌxcꞌut xxuta̱n lin cꞌabaꞌ xban nak aꞌaneb li nequeꞌxqꞌue li cꞌatbil mayej ut nequeꞌmayejac li caxlan cua chicuu la̱in lix Dioseb. Joꞌcan nak tento nak santakeb.

Levítico 21:6 ပူးပေါင်းရင်းမြစ်များ

Levítico 18:21

“Maajun laawalal aak'ajol taamayeja chiru li yos Molok. Maatz'eqtaana li xk'ab'a' laaYos chi kama' a'an. Laa'in li Qaawa'.

Levítico 3:11

Chirix chik a'an laj tij tixk'at chixjunil a'in sa' xb'een li artal, jo' tzekemq, k'atb'il mayej sa' xk'ab'a' li Qaawa'.

1 Pedro 2:9

A'ut laa'ex sik'b'il eeru cho'q loq'laj iyaj, laa'ex aj tij sa' xk'anjel li nimajwal Rey, santil tenamitex; laa'ex jun tenamit b'oqb'il chi ok sa' li reechanihom li Yos re naq teepuktesi li xninqal ru xb'aanuhom Li kib'oqok chaq eere chi xkanab'ankil li aak'ab' re ok sa' li xchaq'alil ru saqenk.

Ezequiel 44:7

Laa'ex nekeroksi eb' laj ab'l tenamit, li ink'a' xb'aanuhomeb' li sirkunsisyon, li maak'a' reetalil linsumwank sa' li xch'ooleb' chi moko sa' li xtz'ejwaleb', re naq te'wanq sa' linsantil ochoch. Laa'ex nekemux xloq'al naq nekeyeechi'i we lintzekemq, a' li xxeeb'ul ut li xkik'el li mayej, ut nekesach xwankil linsumwank rik'in xb'aanunkil chixjunil li maa'usilal a'in.

Isaías 52:11

Jo'kan naq elenqex, elenqex ut kanab'omaq Babilonia! Meech'e' li k'a'aq re ru tz'ajn ru. Elenqex chaq sa' li tenamit a'an! Ch'ajob'resiiq eerib' laa'ex li nekexk'amok li xsahil eechej li Qaawa'.

Esdras 8:28

Chirix chik a'an kinye reheb': “Laa'ex q'axtesinb'ilex re li Qaawa'; jo'kan ajwi' eb' li k'anjelob'aal a'in. Li plaat ut li oor, a'aneb' jun li loq'laj mayej cho'q re li Qaawa', xYos eb' li qana' qayuwa'.

Levítico 21:8

A'anaq sant cho'q aawe, xb'aan naq laj tij naq'axtesink li xmayej wa laaYos. A'anaq sant cho'q aawe, xb'aan naq laa'in, li Qaawa', santin ut laa'in ninsantob'resink eere.

Levítico 19:12

“Meeye eejurament sa' ink'ab'a' chi yal tik'ti', xb'aan naq chi jo'kan taatz'eqtaana li xk'ab'a' laaYos. Laa'in li Qaawa'.

Levítico 10:3

Chirix chik a'an laj Moisés kixye re laj Aharón: “A'an a'in li kixye li Qaawa': «Eb' li te'jiloq chaq wik'in tink'ut chiruheb' linsantilal, ut chiruheb' chixjunil laj Israel tink'ut linloq'al»”. Ut laj Aharón kikanaak chi maak'a' chik kixye.

Éxodo 29:44

Tinsantob'resi li xMuheb'aal li ch'utam ut li artal, ut tinsantob'resi ajwi' laj Aharón ut eb' li ralal re naq te'k'anjelaq chiwu cho'q aj tij.

Éxodo 28:36

“Taayiib' ajwi' jun ch'ina perel rik'in tz'aqal oor, ut chiru a'an taatz'iib'a kama' naq nalet'exiik li kaaxt: «Q'axtesinb'il cho'q re li Qaawa'».

Éxodo 19:22

Jo'kanaqeb' ajwi' laj tij: wi te'nach'oq wik'in, tento xb'enwa te'xsantob'resi rib'. Mare anchal taachalq linjosq'il sa' xb'eeneb'”.

Levítico 21:17

“Ye re laj Aharón naq, chalen anaqwan ut chi junelik, wi wankeb' ralal xk'ajol ink'a' tz'aqaleb' re ru, ink'a' naru te'xyeechi'i li xmayej wa li xYos.

Levítico 21:21

Maajun li ralal xk'ajol laj Aharón laj tij li ink'a' tz'aqal li xjunxaqalil naru taaq'axtesinq k'atb'il mayej chiru li Qaawa': a'an ink'a' tz'aqal re ru; jo'kan naq moko naru ta tixq'axtesi li xmayej wa li xYos.

Levítico 20:3

Laa'in tinjosq'o'q sa' xb'een li winq a'an ut twisi sa' xyanqeb' li rech tenamitul, xb'aan naq xmux linLoq'laj Na'ajej ut xtz'eqtaana linsantil k'ab'a' rik'in xq'axtesinkil li ralal re laj Molok.

Levítico 21:23

ab'anan ink'a' naru taa'ok junpak'al li t'ilkem chi moko chinach'oq rik'in li artal, re naq ink'a' tixmux ru li Loq'laj Na'ajej. Laa'in li Qaawa', li ninsantob'resink reheb'”.

Números 16:5

ut kixye re laj Koré ut chixjunileb' li rochb'een: “Wulaj eq'la li Qaawa' tixk'e chi nawe'k ani li sik'b'il ru, ani li xsantob'resihom, li taaruhanq chi nach'ok rik'in. Li sik'b'il ru xb'aan li Qaawa', a'an truuq taanach'oq rik'in.

Números 28:2

“Ye reheb' laj Israel naq wanq sa' xch'ooleb' xk'eeb'al we, tz'aqal sa' xq'ehil, linmayej ut lintzekemq jo' ajwi' link'atb'il mayej li jwal sununk xb'ook.