Levítico 21:15 - Q'eqchi Bible

¹⁵ re naq ink'a' tixmux ruheb' li ralal xk'ajol sa' li xtenamiteb', xb'aan naq laa'in li Qaawa', li ninsantob'resink re”.

Li Santil hu

¹⁵ Tento nak tixba̱nu chi joꞌcan re nak incꞌaꞌ tixmux ruheb li ralal xcꞌajol saꞌ lix tenamiteb. La̱in li Ka̱cuaꞌ li ninsantobresin re, chan li Dios.

Levítico 21:15 ပူးပေါင်းရင်းမြစ်များ

1 Corintios 7:14

Xb'aan naq li b'eelomej maak'a' xpaab'aal a'an santob'resinb'il sa' xk'ab'a' li rixaqil, ut li ixaqilb'ej maak'a' xpaab'aal a'an santob'resinb'il sa' xk'ab'a' li xb'eelom aj paab'anel. Wi ta ink'a' jo'kan, eb' leeralal eek'ajol tz'aj raj ru li xyu'ameb', a'ut anaqwan santeb'.

Romanos 11:16

Ut wi sant li xb'een ru li awimq, sant ajwi' chixjunil. Jo'wi' anchal wi sant li xxe' li che', santeb' ajwi' li ruq'.

Malaquías 2:15

Ma ink'a' tab'i' jun ajwi' chi Yos xyoob'tesink re li ixq, li xtz'ejwal ut li xmusiq'? Ut k'aru naxsik' li Yos rik'in li junjunq? Naxsik' naq te'wanq ralal xk'ajol q'axtesinb'ilaqeb' re A'an. Cherahaq b'i' eerib' chiru leeyu'am ut meeb'alaq'i leesum'aatin li xexsumlaak wi' sa' leesaajilal.

Malaquías 2:11

Eb' laj Judá xe'xb'alaq'i li Qaawa', ut junes tz'i'b'eetalil b'aanuhom na'uxmank Israel ut Jerusalén. Xb'aan naq eb' laj Judá xe'xmux xloq'al li ochoch jwal raaro xb'aan li Yos, naq xe'sumlaak rik'ineb' li ixq neke'loq'onink ru jalanil yos.

Esdras 9:2

Xe'sumlaak rik'ineb' li xrab'in li tenamit a'an, ut jo'kan ajwi' xe'xb'aanu eb' li ralal. Li xtenamit li Yos xe'xmux rib' rik'ineb' li jalaneb' xtenamit. Ut eb' laj k'amol b'e jo'wi' eb' laj jolominel, a'aneb' xb'een chi q'etok aatin”, chankeb'.

Esdras 2:62

Eb' a'in ke'xtz'ili rix sa' xhuhil li xyo'lajikeb', ab'an ink'a' ke'tawe'k xk'ab'a'. Jo'kan naq ink'a' ke'ruuk ok cho'q aj tij.

Levítico 21:8

A'anaq sant cho'q aawe, xb'aan naq laj tij naq'axtesink li xmayej wa laaYos. A'anaq sant cho'q aawe, xb'aan naq laa'in, li Qaawa', santin ut laa'in ninsantob'resink eere.

Génesis 18:19

Sik'b'il chaq ru inb'aan re naq tixk'ut li b'eek jo' naraj li Qaawa' chiruheb' li ralal xk'ajol jo'wi' chiruheb' li te'wanq moqon, re naq te'wanq sa' tiikilal ut sa' chaab'ilal. Chi jo'kan tink'e re laj Abrahán li b'arwan xinyeechi'i re”.

San Mateo 23:17

Maak'a' eena'leb' ut mutz'ex, xb'aan naq b'ar wank li q'axal nim xwankil: ma li oor malaj li rochoch li Yos li nasantob'resink re li oor?

Levítico 21:14

Maajun wa taasumlaaq rik'in junaq ixq xmalka'an chi moko rik'in junaq ixq kanab'anb'il, chi moko rik'in junaq ixq maakoninb'il malaj ut rik'in junaq aj yumb'eet. Li rixaqil tento naq tuq'ixqaq ut xkomonaq li ralal xk'ajol laj Leví,

Levítico 21:16

Li Qaawa' kiraatina wi' chik laj Moisés ut kixye re:

Éxodo 34:16

Jo'kan ajwi', mare anchal taak'e li xrab'ineb' cho'q rixaqileb' laawalal ut, naq te'xmux rib' li ixaqilb'ej chi xloq'oninkil li xyoseb', te'xk'am ajwi' eb' laawalal chi xb'aanunkil maa'usilal chirix li xyoseb'.

Levítico 19:2

“Ye re chixjunil li xkomonileb' laj Israel: “Santaqex, xb'aan naq laa'in, li Qaawa' leeYos, santin.

Levítico 20:7

“Santob'resihomaq eerib' ut santaqex, xb'aan naq laa'in li Qaawa' leeYos.

Levítico 22:16

chi moko te'xk'e chiriiqani li xmaa'usilaleb' sa' xk'ab'a' xtzekankil li k'a'aq re ru osob'tesinb'il. Laa'in li Qaawa', li ninsantob'resink reheb'”.