Levítico 20:23 - Q'eqchi Bible

²³ Meeb'aanu jo' neke'xb'aanu eb' li poyanam li te'wisi cheru laa'ex. Eb' a'an xe'xb'aanu li maa'usilal, jo'kan naq ink'a' xinkuyeb' xmaak.

Li Santil hu

²³ Me̱tzol e̱rib chixba̱nunquil li cꞌaꞌru nequeꞌxba̱nu li jalan xtenamiteb. La̱in tincuisiheb aꞌan saꞌ li naꞌajej li tex-oc cuiꞌ la̱ex. Eb aꞌan queꞌxba̱nu li ma̱usilal aꞌin. Joꞌcan nak xebintzꞌekta̱na.

Levítico 20:23 ပူးပေါင်းရင်းမြစ်များ

Deuteronomio 9:5

Moko xb'aan ta naq aak'ulub', chi moko xb'aan xtiikilal laach'ool toxaaweechani li xch'och'eb'. Li Qaawa' taa'isinq reheb' chawu, xb'aan naq moko us ta li xb'aanuhomeb' li tenamit a'an. Chi jo'kan tixpaab' li aatin xyehom reheb' laaxe'toonil yuwa', a' laj Abrahán, laj Isahak ut laj Jakob.

Levítico 18:24

“Meetz'ajni eerib' rik'in xb'aanunkil a k'a'aq re ru a'in. Sa' xk'ab'a' a'an xe'xtz'ajni rib' li tenamit li te'wisi laa'in cheru laa'ex.

Levítico 18:30

Jo'kan b'i' paab'omaq linchaq'rab' ut mext'ane'k sa' li yib' aj b'aanuhom li xb'aanumank xb'enwa cheru laa'ex, chi moko chetz'ajni eerib' rik'in a'an. Laa'in li Qaawa' leeYos”.

Levítico 18:3

“Meeb'aanu jo' k'aynaqeb' xb'aanunkil laj Ejiipt, b'arwi' kexwank chaq. “Meeb'aanu jo' na'uxmank sa' li tenamit Kanahán, b'arwi' texink'am, chi moko chexwanq jo' naxye li xchaq'rab'eb' a'an.

Levítico 18:27

xb'aan naq chixjunil li yib'eetal aj b'aanuhom a'in ke'xb'aanu li poyanam li ke'wank sa' li tenamit xb'enwa cheru laa'ex. Ut muxb'il chik ru kikanaak li xna'ajeb'.

Zacarías 11:8

Ut yal chiru jun po kiwisiheb' oxib' laj ilol ketomq, li ink'a' sa wankin xb'aaneb' ut xik' ajwi' nikine'ril.

Salmos 78:59

Naq li Yos kirab'i a'an, k'ajo' naq kijosq'o'k, ut kixtz'eqtaana laj Israel chi junajwa;

Levítico 18:25

Jo'kan naq xkanaak chi muxb'il ru li xna'ajeb' a'an. Ab'an laa'in xink'eheb' chi xtojb'al rix li xmaa'usilaleb', ut li tenamit xrisiheb' li wankeb' sa' li na'ajej a'an.

Levítico 18:2

“Ye reheb' laj Israel naq laa'in li Qaawa' leeYos.