Levítico 20:2 - Q'eqchi Bible

² “Ye reheb' laj Israel: “Wi junaq aj Israel malaj aj ab'l tenamit li wanq Israel tixq'axtesi junaq ralal re li yos Molok, tento taakamsiiq chi pek xb'aaneb' li tenamit.

Li Santil hu

² —Ta̱ye ajcuiꞌ reheb laj Israel chi joꞌcaꞌin. Yalak ani li cui̱nk aj Israel tixyechiꞌi li ralal xcꞌajol chokꞌ xmayej chiru li yi̱banbil dios Moloc, li cui̱nk aꞌan ta̱camsi̱k chi pec xbaneb li tenamit. Relic chi ya̱l ta̱camsi̱k usta aj Israel, usta jalan xtenamit li cuan arin Israel.

Levítico 20:2 ပူးပေါင်းရင်းမြစ်များ

Deuteronomio 21:21

Ut chixjunileb' li winq li wankeb' sa' tenamit te'xteni chi pek toj reetal taakamq. Chi kama'an taawisi li maa'usilal sa' eeyanq, ut naq chixjunileb' laj Israel te'xnaw a'in, te'ok xxiw.

Levítico 24:23

Laj Moisés ki'aatinak rik'ineb' laj Israel, ut eb' a'in ke'risi chaq sa' li xmuheb'aaleb' li ani xmajewank re li Yos ut ke'xkamsi chi pek. Eb' laj Israel ke'xb'aanu jo' tz'aqal kiyehe'k re laj Moisés xb'aan li Qaawa'.

Levítico 24:14

“Isihomaq sa' leena'aj li xmajewank we. Xk'ehaqeb' li ruq' sa' xb'een xjolom chixjunileb' li xe'ab'ink re ut xkamsiiqeb' chi pek xb'aaneb' li komonil.

Levítico 20:27

“Wi junaq winq malaj ixq taa'aatinaq rik'ineb' li musiq'ej malaj ut taaq'ehib'k, taakamsiiq chi pek, ut a'aneb' ajwi' wanqeb' wi' naq te'kamsiiq”.

Levítico 18:21

“Maajun laawalal aak'ajol taamayeja chiru li yos Molok. Maatz'eqtaana li xk'ab'a' laaYos chi kama' a'an. Laa'in li Qaawa'.

Hechos 7:43

Ink'a', a' chik li xmuheb'aal laj Molok ut li xchahimal li yos Refán xek'am cherix, eb' li xjalam u li xeyiib' re xloq'oninkileb' ru. Jo'kan naq laa'in texink'am toj junpak'al Babilonia».

Ezequiel 23:39

Ut chiru ajwi' li kutan a'an, naq ke'xmayeja eb' li ralal xk'ajol chiruheb' li jalanil yos, ke'chalk ajwi' sa' linloq'laj ochoch ut ke'xsach xwankil. A'an a'in li ke'xb'aanu sa' linloq'laj ochoch.

Ezequiel 23:37

Eb' a'an ke'xmux xsumlajikeb' ut oso'jenaqeb' li ruq' sa' kik'. Kine'xtz'eqtaana naq ke'xloq'oni ruheb' li jalanil yos ut ke'xk'at sa' xam cho'q mayej eb' li walal ink'ajol.

Ezequiel 20:31

Naq nekeyeechi'i leemayej ut nekek'at sa' xam eb' leeralal eek'ajol, toj yookex chi xtz'ajninkil eerib' chiruheb' li jalanil yos chalen toj anaqwan. Ma tinkanab' tab'i' naq texpatz'oq wik'in, ex ralal xk'ajol laj Israel? Sa' xk'ab'a' linloq'al ninye li waatin naq ink'a' tinkanab' wib' re texpatz'oq wik'in -chan li Qaawa'-.

Ezequiel 20:26

Kinkanab'eb' chi xtz'ajninkil rib'eb' rik'in li xmayejeb', naq ke'xyeechi'i eb' li xb'een ralaleb' cho'q k'atb'il mayej chiruheb' li jalanil yos, re raj naq te'xiwaq ut te'xnaw naq laa'in li Qaawa' Yos».

Jeremías 32:35

Xe'xyiib'atq ajwi' x'artal laj Bahal sa' xtaq'ahil Ben-Hinón, re xk'atb'al li ralal xk'ajoleb' cho'q xmayejeb' chiru laj Molok. Chi jo'kan xe'xk'e chi maakob'k eb' laj Judá, li maajun wa inyehom reheb' chi moko xnume'k b'ayaq sa' inch'ool naq jo'kan te'xb'aanu.

Jeremías 7:31

Sa' xTaq'ahil Ben-Hinón xe'xyiib' li tijob'aal re Tófet, re xyeechi'inkileb' li ralal xk'ajol cho'q k'atb'il mayej, li maajun wa inyehom reheb' chi moko xink'oxla b'ayaq a'an.

Salmos 106:38

Ke'xhoy li kik' li maak'a' xmuxul, a' li xkik'el li ralal xk'ajoleb' mayejanb'il chiruheb' li xyoseb' laj Kanahán. Jo'kan naq kimuxmank li na'ajej rik'in kik',

2 Crónicas 33:6

Kixk'ateb' li ralal cho'q xmayej sa' xtaq'ahil Ben-Hinón ut kixtzol li q'ehink, li nawalink ut li tuulak. Kipatz'okatq rik'ineb' laj q'e ut rik'ineb' li musiq'ej; xikenaq wi' chik xb'een li maa'usilal kixb'aanu toj reetal kixpoq' xjosq'il li Qaawa'.

2 Crónicas 28:3

Kik'atok pom sa' xtaq'ahil Ben-Hinón, ut kixq'axtesi li ralal chi k'ate'k, jo' li tz'i'b'eetalil neke'xb'aanu eb' li tenamit li ke'sache'k ruheb' xb'aan li Qaawa' chiruheb' laj Israel.

2 Reyes 23:10

Kixmux ru li na'ajej na'uxk wi' mayejak sa' xtaq'ahil Ben-Hinón, re naq maajun chik tixq'axtesi chi k'ate'k li ralal xk'ajol sa' xk'ab'a' laj Molok.

2 Reyes 17:17

Ke'xk'ehatq chi k'ate'k eb' li ralal xk'ajoleb' cho'q mayej, ke'patz'okje'k rik'ineb' laj q'e ut ke'xtzolatq li nawalink. Ke'xk'e xch'ooleb' chi xb'aanunkil li maa'usilal xb'aan li tumin, toj reetal ke'xchiq' xjosq'il li Qaawa'.

Deuteronomio 18:10

Miwank junaq sa' eeyanq li tixnumsi li ralal malaj li xrab'in sa' xam, malaj tixb'aanu li q'ehib'k ut li rilb'al li yu'am chaalel rik'in xka'yankil eb' li chahim. Maajun eere tixb'aanu li tuulak malaj xmoyb'al xsa' li uhej.

Deuteronomio 12:31

Maab'aanu chi jo'kan re li Qaawa' laaYos. Xb'aan naq chixjunil li tz'i'b'eetal chiru li Qaawa', chixjunil li tz'eqtaananb'il xb'aan, neke'xb'aanu eb' a'an re xloq'oninkil li xyoseb': a' ajwi' eb' li ralal ut xrab'ineb' neke'xk'at sa' xk'ab'a'eb' li xyos!

Levítico 17:15

“Yalaq ani sa' xyanqeb' laj Israel malaj aj ab'l tenamit taatzekanq re xtib'el kamenaqil xul malaj ut t'upinb'il xb'aan junaq josq' aj xul, tento tixpuch' li raq' ut taa'atinq. Ut taayeemanq naq tz'ajn ru toj reetal taa'ok li q'oqyink. Toj moqon chik taakanaaq chi ch'ajob'resinb'il.

Levítico 17:13

Yalaq ani sa' xyanqeb' laj Israel malaj aj ab'l tenamit wanq sa' xyanqeb', wi tixchap chaq junaq xul malaj junaq xik'anel xul xkomoneb' li naru xtzekankil, xb'enwa tento tixhoy chaq li xkik'el ut tixk'e ch'och' sa' xb'een,

Levítico 17:8

“Taaye ajwi' reheb' naq yalaq ani sa' xyanqeb' laj Israel malaj aj ab'l tenamit wanq sa' eeyanq, wi tixq'axtesi junaq xk'atb'il mayej malaj yalaq k'a' chi mayejil,

Levítico 20:1

Li Qaawa' kiraatina laj Moisés ut kixye re:

1 Reyes 11:7

Chiruheb' li kutan a'an, laj Salomón kixk'e chi yiib'aak x'artalil laj Kamós, xtz'eqb'eetalil yos eb' laj Mohab, aran sa' xb'een li tzuul li wank chi xk'atq Jerusalén. Kixk'e ajwi' chi yiib'aak x'artalil laj Milkón, xtz'eqb'eetalil yos eb' laj Amón.

Levítico 24:16

Wi junaq tixtz'eqtaana xk'ab'a' li Qaawa', taakamsiiq chi pek xb'aaneb' li komonil. Us ta aj ab'l tenamit us ta aj ralch'och', ab'an wi xmajewa xk'ab'a' li Qaawa', taakamsiiq.

Deuteronomio 17:2

“Mare wanq junaq winq malaj ixq sa'eb' li tenamit tixk'e aawe li Qaawa' laaYos, li tixb'aanu li ink'a' nawulak chiru li Qaawa', tixq'et li Sumwank,

Deuteronomio 22:21

taa'isiiq li ixq chire rochoch li xyuwa' ut taateniiq chi pek xb'aaneb' li winq wankeb' sa' li tenamit, toj reetal taakamq, xb'aan naq xutaanal li xb'aanu arin Israel: xb'aanu li maa'usilal sa' rochoch li xyuwa'. Chi jo'ka'in taawisi li ink'a' us sa' eeyanq.