Levítico 20:13 - Q'eqchi Bible

¹³ “Wi junaq winq taawanq rik'in junaq winq chanchan tawi' naq taayoklaaq rik'in junaq ixq, te'kamsiiq chi xkab'ichaleb', ut a'aneb' wankeb' wi' naq te'kamsiiq, xb'aan naq xutaanal li xe'xb'aanu.

Li Santil hu

¹³ Cui junak li cui̱nk tixchꞌic rib riqꞌuin li rech cui̱nkilal, nimla ma̱c li queꞌxba̱nu. Chixcabichaleb teꞌcamsi̱k. Ut eb aꞌan cuanqueb xma̱c nak teꞌcamsi̱k.

Levítico 20:13 ပူးပေါင်းရင်းမြစ်များ

1 Corintios 6:9

Ma ink'a' nekenaw naq li ink'a' tiikeb' xch'ool ink'a' te'reechani li xnimajwal awab'ejihom li Yos? Meeb'alaq'i eerib'! Eb' laj ko'b'eet aj yumb'eet, eb' laj loq'oninel li yal k'oxlanb'il yos, eb' laj muxul sumlaak, eb' li ixqiwinq, eb' li neke'xb'aanu li maa'usilal rik'ineb' li rech winqilal rech ixqilal,

Levítico 18:22

“Matyoklaak chi xk'atq junaq winq jo' tawi' naq xatyoklaak chi xk'atq junaq ixq. A'an jun yib' aj na'leb'.

1 Timoteo 1:10

eb' laj ko'b'eet laj yumb'eet, eb' li neke'maakob'k rik'in rech winqilal rech ixqilal ut neke'xk'ayi ras riitz'ineb', eb' laj tik'ti' ut eb' li neke'xpatz' li Yos rik'in yoob'anb'il aatin; naraj naxye, reheb' chixjunil li xik' neke'ril li qachaab'il k'utum,

San Judas 1:7

Jo'kan ajwi' Sodoom, Gomoor ut eb' li tenamit li ke'wank chi xk'atq, ke'kanaak cho'q xnimal eetalil cho'q qe laa'o: anaqwan neke'xkuy li xtojb'al rix li xmaakeb' sa' li xam chi junelik xb'aan naq, kama'eb' li ánjel, ke'xmux rib' ut ke'xq'axtesi rib' chi xb'aanunkil li jo'maajo'il na'leb'.

Deuteronomio 23:17

“Ink'a' te'wanq ixq malaj ut winq sa' xyanqeb' laj Israel li te'xk'ayi li xtib'eleb' sa' rochoch li Qaawa'.

Génesis 19:5

ut ke'xjap re chi xb'oqb'al laj Lot: “B'ar wankeb' li winq li xe'ok sa' laawochoch chiru li q'oqyink a'in? Isiheb' chaq re naq toomaakob'q rik'ineb'”, chankeb'.

Jueces 19:22

Naq yook xsahilal sa' xch'ooleb', wankeb' winq ink'a' useb' xna'leb', ke'xsut li ochoch, ke'xtenteni re li okeb'aal ut ke'xye re li cheekel winq, laj eechal ochoch: “Isi chaq li winq li x'ok sa' laawochoch. Tqaj toowarq rik'in!”, chankeb'.

Deuteronomio 23:18

Maak'am sa' rochoch li Qaawa' laaYos li tumin neke'xk'ul li neke'xk'ayi rib'eb', a' yaal chanru xayeechi'i re li Qaawa'. Xb'aan naq li na'leb' a'an tz'i'b'eetal chiru li Qaawa' laaYos.