Levítico 2:13 - Q'eqchi Bible

¹³ “Chixjunil laamayej k'aj, tento naq taak'e ratz'amil ut maak'ulub'a naq sa' laamayej k'aj triiw maak'a'aq li atz'am. Sa' chixjunil laamayej tento naq taayeechi'i li atz'am, xb'aan naq li atz'am a'an reetalil li xSumwank laaYos.

Li Santil hu

¹³ Chixjunil li ru le̱ racui̱mk li te̱mayeja, tento nak te̱qꞌue ratzꞌamil. Incꞌaꞌ te̱qꞌue le̱ mayej chi ma̱cꞌaꞌ ratzꞌamil xban nak aꞌan retalil li contrato li quixba̱nu li Dios e̱riqꞌuin. Nak te̱qꞌue le̱ mayej, junelic te̱qꞌue ratzꞌamil.

Levítico 2:13 ပူးပေါင်းရင်းမြစ်များ

Ezequiel 43:24

ut taamayejaheb' chiwu. Eb' laj tij te'ratz'ami ut te'xyeechi'i cho'q k'atb'il mayej sa' ink'ab'a'.

San Mateo 5:13

“Laa'ex li ratz'amil li ruuchich'och'. Ab'an wi li atz'am taasachq xsahil, k'a' chik ru taa'atz'amiiq wi'? Maak'a' chik na'ok wi', yal re aj chik tz'eqe'k ut yeq'iik xb'aaneb' li tenamit.

Colosenses 4:6

Junelik chex'aatinaq sa' usilal, chiwanq xyaalal leeraatin re naq teenaw xsumenkil chixjunileb' jo' chanru xk'ulub'.

2 Crónicas 13:5

Ma ink'a' nekenaw naq li Qaawa', xYos laj Israel, kixk'e xwankil laj David sa' xb'een Israel chi junelik? Kixb'aanu jun sumwank rik'in a'an ut rik'ineb' li ralal xk'ajol, ut kixxaqab' xwankil li sumwank rik'in atz'am.

Números 18:19

Chixjunil li loq'laj mayej te'xyeechi'i we eb' laj Israel, tink'e aawe laa'at, eb' laawalal ut eb' laarab'in. A'an a'in jun chaq'rab' chi junajwa. A'an jun sumwank chi junelik li xink'ojob' rik'in atz'am aawik'in ut rik'ineb' laawalal aak'ajol”, chan li Qaawa'.

Esdras 7:22

us ta kab'laju xkaak'aal kintal chi plaat, o'k'aal iiq chi triiw, o'k'aal b'iis chi b'iin ut o'k'aal b'iis chi aseeyt. Li atz'am taak'eemanq chi ink'a' b'isb'ilaq.

Éxodo 30:35

Rik'ineb' a'an taayiib' sununkil ensens, q'axal chaab'il ut loq', jo' naxb'aanu laj yiib'ahom re; taatz'aqob'resi a'an rik'in atz'am.