Levítico 19:5 - Q'eqchi Bible

⁵ “Naq teeq'axtesi re li Qaawa' leemayej re k'amok ib' sa' usilal, b'aanuhomaq jo' chanru tixk'ulub'an li Yos.

Li Santil hu

⁵ Nak te̱qꞌue le̱ mayej re xcꞌambal e̱rib saꞌ usilal cuiqꞌuin, te̱ba̱nu joꞌ xinye e̱re re nak tincꞌul le̱ mayej.

Levítico 19:5 ပူးပေါင်းရင်းမြစ်များ

Levítico 22:29

“Naq taaq'axtesi junaq aamayej re b'anyoxink chiru li Qaawa', chab'aanuuq re naq k'ulb'ilaq chi chaab'il.

Levítico 7:16

Wi li xul taaq'axtesimanq yal re xpaab'ankil junaq yeechi'om re li Qaawa', malaj ut xb'aan naq x'alaak sa' xch'ool junaq poyanam xk'eeb'al, tento xtzekankil sa' xkutankil li mayejak, ut li taa'ela'anq, naru xtzekankil wulajaq.

Levítico 22:19

tento tixq'axtesi junaq xul teelom, li maak'a' junaq xyajel re naq k'ulb'ilaq chiru. Naru junaq teelom wakax, junaq karneer malaj ut junaq chib'aat,

Levítico 1:3

“Wi li xul li tixyeechi'i cho'q xk'atb'il mayej, a'an isinb'il chaq sa' xyanqeb' li xwakax, tento naq a'anaq jun teelom wakax li maak'a' reek'. Ut tento tixyeechi'i sa' rokeb'aal li Loq'laj Muheb'aal, re naq k'ulb'ilaq xb'aan li Qaawa',

Ezequiel 46:12

“Naq laj jolominel tixyeechi'i re li Qaawa' li k'aru x'alaak sa' xch'ool malaj junaq k'atb'il xmayej, malaj li taamayejaq chirix li k'amok ib' sa' usilal, taateemanq li okeb'aal li wank sa' xjayal releb'l saq'e; ut laj jolominel taamayejaq jo' na'uxmank sa' xwuq li kutan. Ut naq taa'elq a'an, taatz'apmanq li okeb'aal.

Ezequiel 46:2

Laj jolominel taa'elq chaq sa' li neb'aal wank chirix, taa'ok sa' xmu li kab'l ut taakanaaq chi xaqxo chire li okeb'aal. Toja' naq eb' laj tij yooqeb' chi xyeechi'inkil li xk'atb'il mayej ut te'ok chi mayejak chirix li k'amok ib' sa' tuqtuukil usilal. Laj jolominel taawiq'laaq, tixhupub' rib' chiru ch'och' ut chirix chik a'an taa'elq. Ab'an li okeb'aal taatz'apmanq toj ewu.

2 Crónicas 31:2

Moqon laj Esekías kixk'eheb' chi ch'uut eb' laj tij ut eb' laj Leví, a' yaal chanru xk'anjel li junjunq, ma chirix k'atok mayej malaj mayejak re li k'amok ib' sa' usilal rik'in li Yos, ma re loq'onink malaj b'anyoxink, malaj ut re b'ichank sa'eb' rokeb'aal li xloq'laj muheb'aal li Qaawa'.

Levítico 22:23

Cho'q mayej li yal taa'alaaq sa' aach'ool xk'eeb'al, truuq taayeechi'i junaq teelom wakax malaj junaq karneer li yeq roq; ab'an wi taayeechi'i a'an re xpaab'ankil junaq yeechi'inb'il aatin, moko taak'ulmanq ta chawu.

Levítico 22:21

“Yalaq ani tixq'axtesi junaq mayej chiru li Qaawa' re k'amok ib' sa' usilal, us ta yal re xpaab'ankil junaq yeechi'inb'il aatin malaj ut yal x'alajik sa' xch'ool, tento tixq'axtesi junaq teelom wakax malaj ut karneer li tz'aqal re ru, re naq k'ulb'ilaqeb' chiru li Yos.

Éxodo 24:5

Chirix chik a'an wankeb' saaj al sa' xyanqeb' laj Israel li ke'taqlaak chi xyeechi'inkil k'atb'il xul ut xkamsinkil saaj wakax jo' loq'laj mayej cho'q re li Qaawa'.

Levítico 19:4

“Mexxik rik'ineb' li jalanil yos chi moko teeyiib' eeyos rik'in ha'lesinb'il ch'iich'. Laa'in li Qaawa' leeYos.

Levítico 19:6

Li xul xq'axtesimank tento xtzekankil sa' ajwi' li kutan a'an, ut naru ajwi' xtzekankil sa' li kutan jun chik; ab'an li toj taa'ela'anq sa' rox li kutan tento taak'atmanq.

Levítico 7:18

Ut wi ani tixtzeka sa' rox li kutan xtib'el li mayej re k'amok ib' sa' usilal, li mayej a'an ink'a' k'ulb'ilaq chi moko k'eeb'ilaq sa' ajl, ut li tib' a'an tz'eqtaananb'ilaq chi junajwa. Ani taatzekanq re, taakanaaq li maak sa' xb'een.