Levítico 19:30 - Q'eqchi Bible

³⁰ “Cheroxloq'iiq li kutan sábado ut chek'e xloq'al linLoq'laj Na'aj. Laa'in li Qaawa'.

Li Santil hu

³⁰ Che-oxlokꞌi li hiloba̱l cutan ut te̱qꞌue xlokꞌal li naꞌajej li ninlokꞌoni̱c cuiꞌ. La̱in li Ka̱cuaꞌ ninyehoc re aꞌin.

Levítico 19:30 ပူးပေါင်းရင်းမြစ်များ

Levítico 26:2

“Cheroxloq'i linkutan sábado ut chek'e xloq'al linSantil Na'aj: laa'in li Qaawa'.

Eclesiastés 5:1

Naq tatxik sa' rochoch li Yos, chak'e reetal li k'aru taab'aanu. Wankeb' maak'a'eb' xna'leb' li neke'xik aran chi mayejak, ab'anan ink'a' neke'xk'e reetal naq ink'a' us yookeb'. A'ut laa'at jilon chiru li Qaawa' chi kub'enaq aawankil ut sa' q'unil ch'oolej.

Levítico 19:3

“Li junjunq chiroxloq'i li xna' xyuwa'. “Cheroxloq'i ajwi' linkutan sábado. Laa'in li Qaawa' leeYos.

2 Corintios 6:16

K'aru wank re li rochoch li Yos rik'ineb' li yal k'oxlanb'il yos? Xb'aan naq laa'o tz'aqal rochoch li yo'yookil Yos, jo' yeeb'il chaq xb'aan: “Tinwanq rik'ineb' ut tinb'eeq sa' xyanqeb'; laa'inaq li xYoseb' ut a'anaqeb' lintenamit”.

San Mateo 21:13

Ut kixye reheb': —Tz'iib'anb'il sa' li Santil Hu naq li wochoch rochochil li tijok tixk'ab'a'in; ut laa'ex yookex chi xk'eeb'al cho'q xna'ajeb' laj elq'.

Salmos 89:7

Aran taqe'q, ani taajuntaq'eetaaq wi' li Qaawa'? Ma wank tab'i' junaq jo' li Qaawa' sa' xyanqeb' li yos?

Levítico 16:2

Ut li Qaawa' kixye re laj Moisés: “Ye re laj Aharón laawas naq ink'a' chi'ok yalaq jo'q'e sa' li tijob'aal li wank junpak'al li t'ilkem, chi moko chiru li xtz'apb'al xb'een li Loq'laj Kaax, re naq ink'a' taakamq; xb'aan naq laa'in tink'utb'esi wib' sa' jun li choql sa' xb'een li artal.

Éxodo 20:8

“Jultikaq aawe li sábado re naq taasantob'resi.

1 Pedro 4:17

Xb'aan naq xwulak xq'ehil li raqb'a aatin, ut taatiklaaq sa' xjunkab'al li Yos. Ut wi qik'in taatiklaaq rik'in qarahob'tesinkil, k'aru te'oso'q wi' eb' li ink'a' neke'xpaab' li xChaab'il Esil li Yos?

2 Crónicas 36:14

Jo'kaneb' ajwi' chixjunileb' li xyuwa'ileb' laj tij ut eb' li poyanam: numtajenaq li maa'usilal ke'xb'aanu, jo' chanru k'aynaqeb' xb'aanunkil eb' li jalanil tenamit, ut ke'xmux li rochoch li Yos, li ak q'axtesinb'il chi xloq'oninkil ru li Qaawa' aran Jerusalén.

2 Crónicas 33:7

Kixk'e ajwi' li xjalam u li yiib'anb'il yos sa' li loq'laj ochoch, li kixye wi' li Yos re laj David ut laj Salomón li ralal: “Sa' li wochoch a'in ut arin Jerusalén, li insik'om ru sa' xyanqeb' chixjunil li xteepal laj Israel, tink'ojob' link'ab'a' chi junajwa.

Levítico 15:31

ut chi jo'kan laa'ex teerisiheb' laj Israel rik'in li xtz'ajnileb', re naq ink'a' te'kamq chi xtz'ajninkil li na'ajej b'arwi' wankin sa' xyanqeb'”.

Levítico 10:3

Chirix chik a'an laj Moisés kixye re laj Aharón: “A'an a'in li kixye li Qaawa': «Eb' li te'jiloq chaq wik'in tink'ut chiruheb' linsantilal, ut chiruheb' chixjunil laj Israel tink'ut linloq'al»”. Ut laj Aharón kikanaak chi maak'a' chik kixye.

Ezequiel 9:6

Kamsihomaqeb' li cheekel winq, eb' li saaj al, eb' li tuq'ixq, eb' li kok'al ut eb' li ixq, toj reetal naq maajun chik taakanaaq. Ab'anan meekamsiheb' li wankeb' reetalil chi xpeekemeb', ut tikib'omaq wan wi' linsantil ochoch”. Toja' naq eb' li winq ke'xtikib' xkamsinkileb' li cheekel winq li wankeb' chiru li rochoch li Yos.