Levítico 19:3 - Q'eqchi Bible

³ “Li junjunq chiroxloq'i li xna' xyuwa'. “Cheroxloq'i ajwi' linkutan sábado. Laa'in li Qaawa' leeYos.

Li Santil hu

³ Chexucua̱k ru le̱ naꞌ e̱yucuaꞌ. Ut te̱oxlokꞌi li hiloba̱l cutan. La̱in li Ka̱cuaꞌ le̱ Dios xinyehoc re aꞌin.

Levítico 19:3 ပူးပေါင်းရင်းမြစ်များ

Éxodo 20:12

“Chawoxloq'i laana' laayuwa' re naq najtaq roq laayu'am sa' li na'ajej tixk'e aawe li Qaawa' laaYos.

Éxodo 20:8

“Jultikaq aawe li sábado re naq taasantob'resi.

Hebreos 12:9

Jun chik. Eb' li qana' qayuwa' ke'wank chaq cho'q aj tijol qe sa' ruuchich'och', ut laa'o kiqoxloq'iheb' chaq. Ma toja' ta chik ink'a' tqapaab' li qachoxahil Yuwa', re naq yo'yooqo?

Proverbios 30:17

Li naxtz'eqtaana li xyuwa' ut ink'a' naxpaab' li xna', taa'isiiq xsa'eb' li ru xb'aaneb' li so'sol ut taat'upiiq li xtib'el xb'aaneb' li t'iw.

Levítico 11:44

xb'aan naq laa'in li Qaawa' leeYos. Ch'ajob'resihomaq eerib' ut santaqex, xb'aan naq santin laa'in. Meetz'ajni eerib' rik'in junaq xul li naxjuku rib' chiru ch'och'.

Isaías 58:13

“Chawoxloq'i li kutan sábado ut matyakok sa' linsantil kutan. Chaye re li kutan a'an: «sahil kutan», «loq'laj kutan», cha'qat re li xsantil kutankil li Qaawa'; chawoxloq'i ut matxik chik b'araq, matyakok sa' li sábado chi moko taab'aanu li nakawaj aajunes aawib'.

Proverbios 30:11

Wankeb' poyanam neke'xmajewa li xyuwa' ut ink'a' neke'xk'e xloq'al li xna'.

Proverbios 23:22

Chat-ab'inq chiru laayuwa', li xsiyank aawe, ut maatz'eqtaana laana' sa' li xtiixilal.

Deuteronomio 27:16

«Tz'eqtaananb'ilaq li ani tixtz'eqtaana li xna' xyuwa'». Ut chixjunil li tenamit te'xye: «Jo'kan».

Éxodo 21:17

“Li tixmajewa li xna' xyuwa', tento taakamq.

Éxodo 21:15

“Li tixsak' li xna' xyuwa' tento taakamq.

Éxodo 16:29

K'ehomaq reetal, laa'in li Qaawa' kinxaqab' li sábado cho'q eere; jo'kan naq sa' li xwaq li kutan tink'e eewa re wiib' kutan. Li junjunq sa' eeyanq chikanaaq sa' li rochoch ut maajun chixkanab' li xna'aj sa' li xwuq li kutan”.

Malaquías 1:6

Li Qaawa', li Nimajwal Yos, kixye reheb' laj tij: “Li alalb'ej naroxloq'i li xyuwa' ut laj k'anjel naxk'e xloq'al laj eechal re. Wi laa'in leeyuwa', k'a'ut naq ink'a' nikineeroxloq'i? Wi aj eechalin eere, k'a'ut naq ink'a' nekek'e inloq'al? Laa'ex nikineetz'eqtaana ut nekeye: «K'aru xatqatz'eqtaana wi'?», chankex.

Ezequiel 20:12

Kink'e ajwi' chi xloq'oniheb' li xwuq li kutan, ut a'an kikanaak jo' eetalil rik'ineb' a'an ut laa'in, re raj te'xjultika naq laa'in, li Qaawa', insantob'resihomeb' cho'q intenamit.

Levítico 26:2

“Cheroxloq'i linkutan sábado ut chek'e xloq'al linSantil Na'aj: laa'in li Qaawa'.

Proverbios 1:8

At walal ink'ajol, ab'i laaq'usb'al xb'aan laayuwa' ut maatz'eq chirix laach'ool laatijb'al xb'aan laana',

Levítico 19:30

“Cheroxloq'iiq li kutan sábado ut chek'e xloq'al linLoq'laj Na'aj. Laa'in li Qaawa'.

Levítico 23:3

“Waqib' kutan tatk'anjelaq, ab'an sa' xwuq li kutan tathilanq, a'an hilob'aal kutan re jun loq'laj ch'utam. Yalaq b'ar wanqat, a'anaq hilob'aal kutan sa' xk'ab'a' li Qaawa'.

Deuteronomio 5:16

«Chawoxloq'i laana' laayuwa' jo' chanru xatxchaq'rab'i wi' li Qaawa' laaYos, re naq najtaq roq laayu'am ut sahaq laach'ool sa' li na'ajej tixk'e aawe li Qaawa' laaYos.

Génesis 48:12

Laj José kirisiheb' li kok'al chiru ra' li xyuwa' ut kixhupub' rib' chiru.

Levítico 19:25

ut sa' ro' li chihab' naru chik teetzeka ru li che' a'an. Chi jo'kan li che' q'axal chik taa'uuchinq. Laa'in li Qaawa' leeYos.

Levítico 19:31

“Meerula'aniheb' li neke'aatinak rik'ineb' li musiq'ej chi moko eb' laj q'e. Meetz'ajni eerib' yal sa' xk'ab'a' patz'ok rik'ineb'. Laa'in li Qaawa' leeYos.

Levítico 19:34

Laj ab'l tenamit li wank sa' eeyanq, cherilaq jo' junaq leerech tenamitul. Cheraheb' jo' naq nekera eerib' laa'ex, xb'aan naq laa'ex ajwi' kex'ab'lo'k chaq aran Ejiipt.

Nehemías 9:14

Kak'e chixnaweb' laaloq'laj sábado ut kachaq'rab'i laj Moisés aj k'anjel chawu xk'utb'al laataqlahom, laawaatin ut laachaq'rab' chiruheb' laj Israel.