Levítico 19:28 - Q'eqchi Bible

²⁸ “Meelet'exi leetib'el sa' xk'ab'a' junaq kamenaq chi moko chek'e junaq eetalil chiru leetib'el. Laa'in li Qaawa'.

Li Santil hu

²⁸ Me̱set le̱ tibel xban xrahil e̱chꞌo̱l chirix junak camenak. Ut incꞌaꞌ te̱qꞌue e̱retalil saꞌ le̱ tibel. La̱in li Ka̱cuaꞌ le̱ Dios xinyehoc re aꞌin.

Levítico 19:28 ပူးပေါင်းရင်းမြစ်များ

Deuteronomio 14:1

“Laa'ex ralal xk'ajol li Qaawa' leeYos. Ink'a' teelet'exi leetib'el chi moko teejo b'ayaq leepekem yal sa' xk'ab'a' junaq kamenaq.

1 Reyes 18:28

Eb' a'an q'axal kaw wi' chik ke'xjap re chi xpatz'b'al li xk'ab'a'; ke'xjisihatq li xtib'eleb' chi ch'iich' ut chi jutz' che' jo' k'aynaqeb' xb'aanunkil, toj reetal ke'nujak chi kik'.

Levítico 21:5

“Ink'a' naru te'xb'es rismaleb' li xjolom, chi moko te'xk'os li xmacheb', chi moko te'xlet'exi xcha'aleb' li xjunxaqalil,

Jeremías 16:6

Sa' li tenamit a'in te'kamq eb' li kok' ut ninqi poyanam, ut maajun reheb' taamuqe'q. Ink'a' taawanq rahil ch'oolejil; maajun taayaab'aq chirixeb' chi moko te'xjo li xjolomeb'.

Levítico 21:1

Li Qaawa' kixye re laj Moisés: “Aatinan rik'ineb' laj tij ralal xk'ajoleb' laj Aharón ut ye reheb' naq me'xmux rib'eb' rik'in xch'e'b'al junaq kamenaq sa' li xkomoneb'.

San Marcos 5:5

Ut rajlal, chi q'eq ut chi kutan, nawank chaq sa'atqeb' li muqleb'aal kamenaq ut chiruheb' li tzuul, naxjap chaq re ut naxtiq'ihatq rib' chiru pek.

Jeremías 48:37

Chixjunileb' xe'xjo li xjolomeb' ut li xmacheb'; xe'xsetatq xsa' li ruq'eb' ut xe'xk'e q'es ruhil t'ikr chirixeb'.

Apocalipsis 20:4

Moqon kiwileb' li k'ojarib'aal, b'arwi' ke'k'ojlaak eb' li ke'k'ehe'k xwankil chi raqok aatin. Kiwil li raanmeb' li ke'ch'ote'k xjolom sa' xk'ab'a' Raatin li Yos jo'wi' xb'aan naq ke'xch'olob' resil li Jesus, ut kiwil chixjunileb' li ink'a' ke'xloq'oni li josq' aj xul chi moko li xjalam u: eb' li ink'a' xk'ulumeb' li reetalil chi xpeekemeb' malaj chi ruq'eb'. Eb' a'in ke'wakliik wi' chik chi yo'yo ut ke'awab'ejink rochb'een li Kriist chiru jun mil chihab'.

Apocalipsis 19:20

Ab'an li josq' aj xul kichape'k rochb'een li propeet aj b'alaq', a' li kib'aanunk chaq re sachb'ach'oolej chiru li josq' aj xul, ut sa' xk'ab'a' a'an kixb'alaq'iheb' li xk'ulumeb' reetalil li josq' aj xul ut ke'xloq'oni li xjalam u. Eb' li wiib' a'in ke'kute'k chi xkab'ichaleb' chi yo'yo sa' xxamlel li palaw li yo chi k'atk rik'in asuupr.

Apocalipsis 16:2

Toja' naq koho li xb'een ánjel ut kixhoy li xsek' sa' xb'een li ruuchich'och'; ut kichalk jun yiib' aj xox, q'axal ra, sa' xb'eeneb' li winq li wankeb' reetalil li josq' aj xul rik'in ut neke'xloq'oni li xjalam u.

Apocalipsis 15:2

Kiwil ajwi' jo' jun li palaw nalemtz'unk ru, yuub'il rik'in xam; ut eb' li ke'xq'ax ru li josq' aj xul jo' ajwi' li ink'a' ke'xk'e xwankil li xjalam u ut li rajlil li xk'ab'a', xaqxookeb' chire li palaw nalemtz'unk ru, wankeb' li aarp k'eeb'il xb'aan li Yos sa' ruq'eb'

Apocalipsis 14:11

Li xsib'el li xrahilaleb' taataqe'q chi junelik q'e kutan ut maak'a'aq hilank chi q'eq chi kutan cho'q reheb' li te'loq'oninq re li josq' aj xul ut li xjalam u jo'wi' cho'q reheb' li te'xk'ul li reetalil li xk'ab'a'”.

Apocalipsis 14:9

Moqon jun chik li ánjel, a' li rox, kitaaqenk reheb' ut kixye chi kaw xyaab' xkux: “Wi junaq tixloq'oni li josq' aj xul jo'wi' li xjalam u, ut tixk'ul li reetalil chi xpeekem malaj chi ruq',

San Juan 20:25

a'an kixye reheb': —Wi ink'a' twil sa' ruq' li reetalil li klawx, wi ink'a' tinch'ik li ru'uj wuq' sa' xna'aj li klawx ut wi ink'a' tinch'ik li wuq' sa' li xk'atq xsa', ink'a' tinpaab'.

Levítico 19:27

“Meeb'es leerismal chi sursu chi moko cheset ru'uj leemach.

Levítico 19:29

“Maasach xloq'al laarab'in rik'in xminb'al ru chi yumb'eetak, re naq ink'a' taanumtaaq li maa'usilal sa' xb'een li na'ajej ut ink'a' te'xq'axtesi rib' li poyanam chi xb'aanunkil li maa'usilal.

Levítico 21:11

chi moko naru taa'ok b'arwi' wanq junaq kamenaq: us ta xna' xyuwa', ink'a' naru tixmux rib' sa' xk'ab'a'eb' a'an.