Levítico 19:23 - Q'eqchi Bible

²³ “Naq ak xex'ok sa' li tenamit ut teeraw li che' na'uuchink, ink'a' naru teetzeka li ru chiru oxib' chihab'.

Li Santil hu

²³ Nak tex-oc chi cua̱nc saꞌ li naꞌajej Canaán ut te̱rau li cheꞌ li nau̱chin, muxbilak ru li ru li cheꞌ chiru oxib chihab. Chiru li oxib chihab aꞌan incꞌaꞌ naru te̱tzaca li ru nak ta̱u̱chi̱nk.

Levítico 19:23 ပူးပေါင်းရင်းမြစ်များ

Hechos 7:51

“Q'axal kaw leejolom, xjipo'k leech'ool jo'wi' leexik -chan laj Esteban-. Laa'ex junelik nekeq'etq'eti eerib' chiru li Santil Musiq'ej! Jo'eb' leena' leeyuwa', jo'kanex ajwi' laa'ex!

Levítico 22:27

“Naq taayo'laaq junaq ral li wakax, ral li karneer malaj ut ral chib'aat, tento taakanaaq wuqub'aq kutan chi xk'atq li xna', ab'an chalen sa' xwaqxaq li kutan naru taak'ule'q re naq taak'atmanq cho'q mayej chiru li Qaawa'.

Jeremías 6:10

Ut laa'in kinye: “Ani taa'ab'inq we, at Qaawa'? Ani twaatinaheb' re xyeeb'al li esilal a'in? Tz'aptz'ookeb' li xxik ut ink'a' neke'ab'ink; neke'xse'e laawaatin ut ink'a' nawulak chiruheb'.

Levítico 14:34

“Naq akaq xex'ok sa' xteepal Kanahán, sa' li ch'och' tink'e cho'q eereechanihom, wi laa'in tintaqla li saqlep sa' junaq ochoch sa' leetenamit,

Levítico 12:3

Waqxaqib' kutan chik xyo'lajik, naq li k'uula'al tixk'ul li sirkunsisyon.

Éxodo 6:12

Kichaq'ok laj Moisés chiru li Qaawa': “Toq'ob' wu! -chan-. Wi eb' laj Israel ink'a' nikine'rab'i, ma toja' ta chik tinrab'i laj Parahón? Xb'aan naq ch'a'aj li aatinak chiwu”.

Éxodo 6:30

Ab'an laj Moisés kichaq'ok chiru li Qaawa': “Toq'ob' wu! -chan-. Ch'a'aj li aatinak chiwu. Chan put ru naq tinrab'i laj Parahón?”.

Levítico 19:22

Rik'in li karneer a'in jo' mayej sa' xk'ab'a' li maak, laj tij tixtz'aama chiru li Qaawa' li xkuyb'al xmaak li winq a'an, ut relik chi yaal naq taakuymanq taasachmanq li maak.

Levítico 19:24

Ut sa' xka li chihab' chixjunil ru li che' taaq'axtesimanq re li Qaawa' sa' junaq mayejak;

Levítico 23:14

Toj taawulaq xkutankil naq teek'am leemayej chiru li Qaawa', ink'a' naru texwa'oq wa, chi moko k'ilenb'il triiw chi moko q'unil triiw. A'in jun chaq'rab' xaqxooq xwankil chi junelik cho'q eere laa'ex ut cho'q reheb' leeralal eek'ajol, yalaq ta b'ar wanqex.