Levítico 19:18 - Q'eqchi Bible

¹⁸ “Mat-eeqajunk raaxiik' chi moko chak'e sa' aach'ool li rahilal xb'aanuhomeb' laawech tenamitul. Chara laawas aawiitz'in, jo' naq nakara aawib' laa'at. Laa'in li Qaawa'.

Li Santil hu

¹⁸ Me̱qꞌue re̱kaj li ra xi̱cꞌ riqꞌuin raylal. Ut me̱qꞌue saꞌ e̱chꞌo̱l li raylal ta̱uxk e̱re. Te̱ra ban le̱ ras e̱ri̱tzꞌin joꞌ nak nequera e̱rib. La̱in li Ka̱cuaꞌ xinyehoc re aꞌin.

Levítico 19:18 ပူးပေါင်းရင်းမြစ်များ

Romanos 13:9

Tz'iib'anb'il sa' li Santil Hu: “Chara laawas aawiitz'in jo' naq nakara aawib' laa'at”. Sa' li chaq'rab' a'in neke'tz'aqlok ru chixjunileb' li xkomon, qayehaq: “Matmuxuk sumlaak, matkamsink, mat-elq'ak, matrahink ab'i e”.

Gálatas 5:14

Xb'aan naq chixjunil li Chaq'rab' natz'aqlok ru rik'in jun chi aatin: “Chara laawas aawiitz'in jo' naq nakara aawib' laa'at”.

Santiago 2:8

Us nekeb'aanu wi relik chi yaal nekepaab' li Chaq'rab' nim xwankil jo' naxye li Santil Hu: “Taara laawas aawiitz'in jo' naq nakara aawib' laa'at”.

San Mateo 19:19

chawoxloq'i laana' laayuwa' ut chara laawas aawiitz'in jo' naq nakara aawib' laa'at.

Romanos 12:19

Ex was wiitz'in raarookex inb'aan, mex'eeqajunk, kanab'omaq b'an naq li Yos taaraqoq aatin, xb'aan naq tz'iib'anb'il sa' li Santil Hu: “We li eeqajunk; laa'in tinq'ajkamunq, chan li Qaawa'”.

Romanos 12:17

Maa'ani chereeqajun wi' li raaxiik' rik'in raaxiik'; chek'ehaq eech'ool chi xb'aanunkil li us chiruheb' chixjunil.

Colosenses 3:8

A'ut anaqwan kanab'omaq chirix leech'ool chixjunil a'in: li josq'il, li k'ahij ib', li maa'usilal, li majewank ut li yib' aj aatin!

Efesios 4:31

Chixjunil li k'ahink, josq'il, po'ok ch'oolej, choqink, majewank isinb'ilaq taxaq eerik'in, jo' ajwi' chixjunil li maa'usilal.

Proverbios 20:22

Maak'oxla reeqajunkil li rahilal xak'ul. K'ojob' aach'ool rik'in li Yos, ut A'an taakoloq aawe.

1 Pedro 2:1

Jo'kan utan, tz'eqtaanahomaq chixjunil li maa'usilal, chixjunil li b'alaq'il, ka'pak'al uhil, kaqalink ut chixjunil li majewank.

Hebreos 10:30

Xb'aan naq naqanaw ru li kiyehok: “We li eeqajunk; laa'in tink'e reheb' li xk'ulub'eb'”. Kixye ajwi': “Li Qaawa' taaraqoq aatin sa' xb'een li xtenamit”.

San Mateo 19:16

Sa' jun li kutan kinach'ok rik'in li Jesus jun li winq ut kixye re: —At Tzolonel, k'aru li chaab'ilal tinb'aanu re naq tweechani li junelik yu'am?

Romanos 13:4

xb'aan naq aj k'anjeleb' chiru li Yos re aatenq'ankil chi xb'aanunkil li us. Ab'an wi nakab'aanu li ink'a' us, chatxiwaq xb'aan naq moko maak'a' ta rajb'al naq wankeb' xjutz' ch'iich': aj k'anjeleb' chiru li Yos, aj q'ajkamuneleb' re xrahob'tesinkil li nab'aanunk re li ink'a' us.

2 Samuel 13:28

ut kixye reheb' laj k'anjel chiru: “Kawal wanqex. Naq sahaq xch'ool laj Amnón xb'aan li b'iin ut laa'in tinye eere: «Teekamsi», kamsihomaq chi maak'a'aq eexiw, xb'aan naq a'an eetaqlankil inb'aan. Kawaq b'i' eech'ool ut yo'oon wanqex”.

2 Samuel 13:22

Laj Absalón maajun aatin kixye re laj Amnón, ab'anan xik' naril xb'aan naq kixsach xtuq'ixqilal lix Tamar li ranab'.

Deuteronomio 32:25

Sa'eb' li b'e talaje'kamsiiq li ralal xk'ajol rik'in ch'iich', ut k'ajo'aq li xiwak sa' li rochocheb'. Jun kamikaqeb' chixjunileb', jo' saaj winq jo' saaj ixq, jo' k'uula'al jo' cheekel winq.

Gálatas 5:20

xloq'oninkil li yal k'oxlanb'il yos, tuulak, xik'il uuchink, po'ok ru junajil, kaqalik, josq'ink, yoob'ank raaxiik', wech'ij ib', jachok ib',

Salmos 103:9

Ink'a' nokooxq'us chi junelik, chi moko najosq'o'k chi junajwa.

San Juan 13:34

Jun ak' chaq'rab' nink'e eere: naq chera eerib' cherib'il eerib'. Jo' naq xexinra laa'in, jo'kan ajwi' naq chera eerib' cherib'il eerib'.

1 Juan 4:21

Ut a'an a'in li chaq'rab' qak'ulum rik'in: li narahok re li Yos chixrahaq ajwi' li ras riitz'in.

Génesis 4:23

Sa' jun kutan kixye laj Lámek reheb' li rixaqil: “Adá ut Silá, chineerab'i; rixaqilex laj Lámek, cherab'i li waatin. Kinkamsi jun li winq xb'aan naq kinxtiq'; kinkamsi jun saaj al xb'aan naq kinxsak'.

Éxodo 20:16

“Matyoob'ank aatin chirix laawas aawiitz'in.

Levítico 19:34

Laj ab'l tenamit li wank sa' eeyanq, cherilaq jo' junaq leerech tenamitul. Cheraheb' jo' naq nekera eerib' laa'ex, xb'aan naq laa'ex ajwi' kex'ab'lo'k chaq aran Ejiipt.

Deuteronomio 32:35

cho'q re xkutankil li tojb'amaak, naq laa'in tink'e reeqaj li xb'aanuhomeb' ut taachalq xq'ehil li xt'anikeb'? Chalk re xkutankil li xsachikeb', chi seeb' taachalq li roso'jikeb'.

Hechos 16:28

A'ut laj Pablo kixye re chi kaw xyaab' xkux: —Maarahob'tesi aawib', wanko chiqajunil arin.