Levítico 19:15 - Q'eqchi Bible

¹⁵ “Tiikaq ru laach'ool, naq tatraqoq aatin: ma yal aatoq'ob'a ru li neb'a' chi moko taaxiwa ru li wank xwankil. Sa' xyaalal b'an tatraqoq aatin sa' xb'eeneb' chixjunileb'.

Li Santil hu

¹⁵ Nak texrakok a̱tin, cheba̱nu saꞌ xya̱lal. Me̱col rix li nebaꞌ, chi moco checol rix li biom. Saꞌ xya̱lal ban texrakok a̱tin saꞌ xbe̱neb chixjunileb.

Levítico 19:15 ပူးပေါင်းရင်းမြစ်များ

Deuteronomio 1:17

Sa' li raqok aatin, maajun teeti ruheb', juntaq'eet b'an teerab'iheb': li maak'a'eb' xwankil ut li wankeb' xwankil, chi maak'a'aq eexiw, xb'aan naq li raqok aatin a'an re li Yos. Ut wi teetaw junaq nimla ch'a'ajkilal, chenumsi we ut laa'in tink'uub'anq re», chankin.

Proverbios 24:23

Eb' li aatin a'in yeeb'il ajwi' xb'aaneb' li wankeb' xna'leb': Moko us ta xtiib'al ru eb' li poyanam sa' li raqleb'aal aatin.

Deuteronomio 27:19

«Tz'eqtaananb'ilaq li ani tixq'et li xk'ulub' laj ab'l tenamit, li neb'a'yox ut li xmalka'an». Ut chixjunil li tenamit te'xye: «Jo'kan».

Levítico 19:35

“Mexb'alaq'ik sa' li b'isok chi k'aam, chi peex ut rik'in metz'ew.

Proverbios 18:5

Moko us ta naq laj raqol aatin narach'ab' li wank xmaak ut naxteneb' maak sa' xb'een li tiik xch'ool.

Deuteronomio 16:19

Ink'a' taajal ru li k'ulub'ej, ink'a' taati ruheb' li poyanam, maak'ulub'a naq te'xtumina aawu, xb'aan naq li tuminaak naxmutz'o'b'resi li ani wank xna'leb' ut naxjal ru li raatineb' li tiikeb' xch'ool.

Salmos 82:2

“Jo' najtil chik texraqoq aatin sa' b'alaq'il, jo' najtil chik yooqex chi xtenq'ankil eb' li ink'a' useb' xna'leb'?

Éxodo 18:21

Ab'an sik'eb' ru li winq seeb'eb' xch'ool sa' xyanq li tenamit, li neke'xxiwa ru li Yos, tiikeb' xch'ool ut aj tz'eqtaanahom re tuminaak, ut k'eheb' xwankil sa' xb'een li tenamit: wan te'xjolomi lajeetqk'aal rox o'q'ob' (1,000), wan o'taqk'aal (100), wan lajeetq roxk'aal (50) ut wan chik lajeetq.

San Juan 7:24

Mexraqok aatin a' yaal chanru nekeril, chexraqoq b'an aatin sa' tiikilal.

Hechos 23:3

Toja' naq laj Pablo kixye re: —Li Yos taasak'oq aawe, at saqob'resinb'il tz'ak! K'ojk'ookat chi raqok aatin chiwix jo' naxye li Chaq'rab', ut laa'at nakaq'et li Chaq'rab' rik'in xtaqlankil insak'b'al.

Deuteronomio 10:17

Li Qaawa' leeYos a'an li Nimajwal Yos, Qaawa' sa' xb'een chixjunileb' li awab'ej; a'an li Yos nim xwankil, q'axal kaw rib' ut xiwajel ru, li juntaq'eet narileb' chixjunil ut ink'a' naxk'ul ru tuminaak.

Li xHu LAJ JOB 13:8

Laa'ex xex'okenk chirix li Yos; ab'an ink'a' yookex chi xkolb'al rix.

Li xHu LAJ JOB 32:21

Ink'a' tin'okenq chirix anihaq, juntaq'eet texwil chejunilex.

Li xHu LAJ JOB 34:19

A'an juntaq'eet naril chixjunileb': jo' eb' li ninqeb' xwankil ut eb' li b'ihom, jo'kan ajwi' eb' li neb'a'. Xb'aan naq A'an kiyoob'tesink reheb' chixjunileb'.

Proverbios 31:9

Aatinan chirixeb' ut raqon aatin sa' xb'eeneb' rik'in tiikilal; chakoleb' li neb'a' ut li kub'enaqeb' xwankil.