Levítico 19:14 - Q'eqchi Bible

¹⁴ “Maahob' li mem. “Maak'e xtichk'ob'aal li mutz'. Chawoxloq'i laaYos. Laa'in li Qaawa'.

Li Santil hu

¹⁴ Me̱hob li tzꞌaptzꞌo̱queb xic, chi moco te̱qꞌue chixtichbaleb li rok li mutzꞌeb ru. Te̱xucua cuu xban nak la̱in li Ka̱cuaꞌ le̱ Dios.

Levítico 19:14 ပူးပေါင်းရင်းမြစ်များ

Deuteronomio 27:18

«Tz'eqtaananb'ilaq li ani tixjal xb'e junaq mutz'». Ut chixjunil li tenamit te'xye: «Jo'kan».

Levítico 19:32

“Chatxaqliiq re xk'eeb'al xloq'al eb' li cheekel poyanam. Chaxiwa ru laaYos. Laa'in li Qaawa'.

1 Pedro 2:17

Cheroxloq'i chixjunileb', cherahaq leeras eeriitz'in, chexiwa ru li Yos ut cheroxloq'i li awab'ej.

Romanos 14:13

Jo'kan naq miqawech'i chik qib' chiqib'il qib'; a'in b'an chek'oxla: naq meek'e xtichk'ob'aaleb' malaj xt'anleb'aaleb' leeras eeriitz'in.

Levítico 25:17

“Meerahob'tesi leeras eeriitz'in. Chexiwaaq ru leeYos, xb'aan naq laa'in li Qaawa', leeYos.

Apocalipsis 2:14

Ab'anan wank k'aru tatinq'us wi': wank wankeb' aawik'in li neke'xpaab' li xk'utum laj Balaham. A'an kik'utuk chiru laj Balak xq'unb'esinkileb' chi maakob'k eb' li ralal xk'ajol laj Israel re naq te'xtzeka li tib' mayejanb'il chiru li xyoseb' ut te'xmux rib'eb'.

Nehemías 5:15

Ab'anan eb' laj taqlanel li ke'wank xb'een chiwu laa'in, ke'numtaak chi taqlank sa' xb'een li tenamit: rajlal kutan neke'xpatz' reheb' ka'k'aal chi tumin plaat jo' xkub'siil cho'q re li xwa ruk'a'eb'. Jo'kan ajwi' ke'xb'aanu eb' laj k'anjel chiruheb'. A'ut laa'in maajun wa kinb'aanu a'an xb'aan naq ninxiwa ru li Yos.

1 Pedro 1:17

“QaYuwa'” nekeye re li Yos li naraqok aatin sa' xb'een li junjunq jo' chanru li xb'aanuhom chi ink'a' tiitooq ru. Jo'kan utan, chexiwaaq ru li Yos jo' najtil leenumik sa' li ruuchich'och' a'in.

Romanos 12:14

Chetz'aama rusilal li Yos sa' xb'eeneb' li xik' neke'ilok eere; cherusilaheb' ut meemajewaheb'.

Génesis 42:18

Sa' rox li kutan laj José kixye reheb': “Laa'in ajwi' ninxiwa ru li Yos. B'aanuhomaq li tinye ut texkole'q.

1 Corintios 10:32

Meeluktesi xch'ooleb' laj Judiiy chi moko eb' laj Griego malaj li x'Iklees li Yos,

Levítico 19:15

“Tiikaq ru laach'ool, naq tatraqoq aatin: ma yal aatoq'ob'a ru li neb'a' chi moko taaxiwa ru li wank xwankil. Sa' xyaalal b'an tatraqoq aatin sa' xb'eeneb' chixjunileb'.

Salmos 111:10

Li xtiklajik li choxahil na'leb' a'an roxloq'inkil li Qaawa'; q'axal wankeb' xna'leb' li neke'k'anjelank re a'an. Li Qaawa' a'an xk'ulub' naq taanimaaq ru chi junelik.