Levítico 19:13 - Q'eqchi Bible

¹³ “Maarahob'tesi laawas aawiitz'in chi moko chamaq' li k'aru wank re. “Chatoj laj k'anjel chawu tz'aqal sa' xq'ehil, ut maakanab' toj re wulaj.

Li Santil hu

¹³ Me̱rahobtesiheb le̱ ras e̱ri̱tzꞌin, chi moco te̱relkꞌa li cꞌaꞌru reheb. Ut te̱toj le̱ mo̱s saꞌ xkꞌehil. Me̱canab chokꞌ re cuulaj.

Levítico 19:13 ပူးပေါင်းရင်းမြစ်များ

Santiago 5:4

K'ehomaq reetal: li xtojb'aleb' laj k'anjel li kerelq'a chiruheb' naq ke'q'olok eerik'in, a'an yo chi q'oqonk; ut li xyaab' xkuxeb' laj q'olonel xwulak toj rik'in li xQaawa' eb' li k'iila o'q'ob' chi ánjel.

Malaquías 3:5

Li Nimajwal Yos kixye chi jo'ka'in: “Tinchalq re raqok aatin sa' eeb'een ut sa' junpaat tinjiteb' laj tuul, eb' laj muxul sumlaak, eb' li neke'yehok jurament sa' tik'ti', eb' li neke'numtaak sa' xb'eeneb' laj k'anjel, eb' li neke'rahob'tesink reheb' li xmalka'an ut eb' li neb'a'yox, eb' li ra neke'xb'aanu reheb' laj ab'l tenamit, ut ink'a' neke'xxiwa b'ayaq wu, chan li Nimajwal Yos.

Jeremías 22:13

“Ra chaalel sa' aab'een li nakatkab'lak rik'in maa'usilal ut nakayiib' laawochoch rik'in b'alaq'ik; nakatawasiheb' laawas aawiitz'in chi k'anjelak ut ink'a' nakatoj li xk'anjeleb'.

Proverbios 20:10

Rajom li Yos naq tiikaq laach'ool: li Qaawa' xik' narileb' li neke'b'isok chi ink'a' tz'aqal.

San Marcos 10:19

Laa'at nakanaw li chaq'rab': «Matkamsink, matmuxuk sumlaak, mat-elq'ak, matyoob'ank tik'ti', matb'alaq'ik, chawoxloq'i laana' laayuwa'».

Ezequiel 22:29

Eb' li poyanam junes raaxiik' ut elq'ak neke'raj; neke'xrahob'tesi li neb'a' ut li maak'a' wank re, ut ink'a' neke'xk'e li xk'ulub' laj ab'l tenamit.

Jeremías 22:3

B'aanuhomaq li tiikilal ut li k'ulub'ej, kolomaqeb' li yookeb' chi rahob'tesiik, meemajewa chi moko cherahob'tesi laj ab'l tenamit, li neb'a'yox ut li xmalka'an. Meekamsi li maak'a'eb' xmaak, sa' li na'ajej a'in.

Éxodo 22:21

“Maahob' li jalan xtenamit chi moko taarahob'tesi, xb'aan naq ab'lex ajwi' laa'ex naq kexwank chaq sa' li tenamit Ejiipt.

Éxodo 22:15

Ab'an, wi wanq laj eechal re, maak'a' tixtoj. Ut wi xk'ehom chi to', laj eechal re tixk'ul xtz'aq li xto'oninkil.

1 Ts 4:6

Maa'ani chimaakob'q chiru li ras riitz'in rik'in li na'leb' a'in chi moko chinumtaaq sa' xb'een, xb'aan naq li Yos aj eeqajunel re chixjunil a'in, jo' ak yeeb'il ut ch'olob'anb'il cheru qab'aan.

San Lucas 3:13

Ut a'an kixye reheb': —Meepatz' xb'een li taqlanb'ilex wi'.

Proverbios 22:22

Maawelq'a li k'aru re li neb'a' yal xb'aan naq neb'a', chi moko chateneb' maak sa' xb'een li toq'ob'aal ru, sa' li raqleb'aal aatin.

Li xHu LAJ JOB 31:39

Ab'an wi wank ta ani xwelq'a li k'aru re, malaj xintawasiheb' laj k'anjel chiwu,

Levítico 6:3

malaj xtaw k'a'aq re ru tz'eqb'il ut xtik'ti'ik, malaj ut xye jurament sa' b'alaq'il chirix li k'a'aq re ru li junelik namaakob'k wi' junaq,

Éxodo 22:13

Ut wi li xul xt'upiik, tixk'am chaq cho'q reetalil li k'aru xkanaak ut chi jo'kan maak'a' tixtoj.

San Mateo 20:8

“Naq ki'ewuuk, laj eechal awimq kixye re li xmertoom: «B'oqeb' chaq laj k'anjel ut tojeb' li xkutan: xb'enwa taatojeb' li toje' xe'ok, toja' naq taatojeb' li xe'ok xb'enwa».

1 Timoteo 5:18

xb'aan naq naxye li Santil Hu: “Maatz'ap ru'uj li b'ooyx naq yo chi k'anjelak”, ut naxye ajwi': “Xk'ulub' naq laj k'anjel tixk'ul xtojb'al”.

Éxodo 20:15

“Mat-elq'ak.

Éxodo 22:7

“Naq junaq winq tixk'e chi k'uulaak tumin malaj k'a'aq chik re ru xb'aan jalan chik, wi a'an taa'elq'aaq sa' kab'l, tento naq laj elq' (wi taatawmanq) tixtoj ka' sut xk'ihal a'an.

Li xHu LAJ JOB 17:5

Li ani naxq'axtesi li ramiiw sa' ruq'eb' li xik' neke'ilok re, ra te'xk'ul eb' li ralal xk'ajol.

Proverbios 3:28

Maaye re laawas aawiitz'in: “Toj wulaj tatintenq'a”, naq wan chawu xtenq'ankil anaqwan.

Ezequiel 18:7

maajun naxrahob'tesi, naxq'axtesi b'an li k'aru xkanab'ahom ut xyehom cho'q ruuchil li xk'as; ink'a' na'elq'ak, naxk'e b'an chi wa'ak li yo xtz'okajik ut naxk'e xb'aatal li maak'a' raq';

Ezequiel 22:12

Wankeb' neke'tuminaak ru chi xkamsinkileb' li poyanam, ut numtajenaq ral li to' tumin neke'xpatz'; neke'xtawasi eb' li ras riitz'ineb' ut neke'xmaq' sa' josq'il li k'a'aq ru reheb', ut xine'xtz'ek laa'in chirix xch'ooleb' -chan li Qaawa'-.

Levítico 25:14

Maajun eere tixb'alaq'i li ras riitz'in naq tixk'ayi malaj tixloq' junaq ch'och'.

Levítico 25:17

“Meerahob'tesi leeras eeriitz'in. Chexiwaaq ru leeYos, xb'aan naq laa'in li Qaawa', leeYos.

Li xHu LAJ JOB 7:2

kama' xyu'am junaq aj mun li naroyb'eni naq taachalq li q'oqyink; jo'ko junaq aj k'anjel li naxjiq' xch'ool chirix li xtojb'al.