Levítico 18:27 - Q'eqchi Bible

²⁷ xb'aan naq chixjunil li yib'eetal aj b'aanuhom a'in ke'xb'aanu li poyanam li ke'wank sa' li tenamit xb'enwa cheru laa'ex. Ut muxb'il chik ru kikanaak li xna'ajeb'.

Li Santil hu

²⁷ Chixjunil li ma̱usilal aꞌan queꞌxba̱nu li tenamit li queꞌcuan saꞌ li naꞌajej. Ut muxbil chic ru li chꞌochꞌ quicana xbaneb li cuanqueb aran nak toj ma̱jiꞌ nequex-oc.

Levítico 18:27 ပူးပေါင်းရင်းမြစ်များ

Ezequiel 22:11

Wankeb' neke'xmux li rixaqil li ras riitz'in, wankeb' neke'xmux li ralib'eb' ut wankeb' chik neke'xmaakoni li ranab'eb', a' li xrab'in li xyuwa'eb'.

Ezequiel 16:50

Ke'xnimob'resi rib' ut ke'xb'aanu li maa'usilal li ink'a' nawulak chiwu. Jo'kan naq kinsach ruheb', jo' xak'e reetal rik'ineb' laawu.

2 Crónicas 36:14

Jo'kaneb' ajwi' chixjunileb' li xyuwa'ileb' laj tij ut eb' li poyanam: numtajenaq li maa'usilal ke'xb'aanu, jo' chanru k'aynaqeb' xb'aanunkil eb' li jalanil tenamit, ut ke'xmux li rochoch li Yos, li ak q'axtesinb'il chi xloq'oninkil ru li Qaawa' aran Jerusalén.

2 Reyes 21:2

Ab'an laj Manasés ink'a' kixb'aanu li us chiru li Qaawa', kixb'aanu b'an chik li tz'i'b'eetalil, jo' neke'xb'aanu eb' li tenamit li ke'aanilasiik xb'aan li Qaawa' chiruheb' laj Israel.

2 Reyes 16:3

kixb'aanu b'an jo' ke'xb'aanu eb' li awab'ej re Israel, ut kixq'axtesi li ralal chi k'ate'k, jo' li tz'i'b'eetalil neke'xb'aanu eb' li tenamit li ke'sache'k ru xb'aan li Qaawa' chiruheb' laj Israel.

1 Reyes 14:24

Sa' li tenamit ke'wank ajwi' li ke'xq'axtesi rib' sa' li tz'i'b'eetal aj b'aanuhom: a' li ko'b'eetak yumb'eetak re loq'onink. A' ajwi' li tz'i'b'eetalil uxb'il xb'aaneb' li tenamit li ke'aanilasiik xb'aan li Qaawa' chiruheb' laj Israel ke'xk'e rib' chi xb'aanunkil.

Deuteronomio 27:15

«Tz'eqtaananb'ilaq li winq li taayiib'anq junaq jalam u rik'in che' malaj rik'in ha'lesinb'il ch'iich' re naq te'xloq'oni sa' muqmu. A'an ink'a' nawulak chiru li Qaawa': yal xyiib'ahom winq rik'in ruq'». Ut chixjunil li tenamit te'chaq'oq ut te'xye: «Jo'kan».

Deuteronomio 25:16

Xb'aan naq li Qaawa' laaYos xik' naril eb' li neke'b'aanunk re a'in ut ink'a' neke'wank chi tiikeb' ru li xch'ool.

Deuteronomio 23:18

Maak'am sa' rochoch li Qaawa' laaYos li tumin neke'xk'ul li neke'xk'ayi rib'eb', a' yaal chanru xayeechi'i re li Qaawa'. Xb'aan naq li na'leb' a'an tz'i'b'eetal chiru li Qaawa' laaYos.

Deuteronomio 20:18

re naq ink'a' te'xk'ut cheru xb'aanunkil chixjunil li tz'eqb'eetalil neke'xb'aanu eb' a'an sa' xk'ab'a' li xyoseb': texmaakob'q raj chiru li Qaawa' leeYos!

Levítico 18:24

“Meetz'ajni eerib' rik'in xb'aanunkil a k'a'aq re ru a'in. Sa' xk'ab'a' a'an xe'xtz'ajni rib' li tenamit li te'wisi laa'in cheru laa'ex.

Oseas 9:10

Jo'ka'in xye li Qaawa': “Naq kintaw laj Israel, kisaho'k linch'ool jo' naq natawmank li uub' sa' li chaqich'och'. Kisaho'k linch'ool rik'ineb' leena' leeyuwa' jo' naq natawmank li xb'een ru li ki'il q'een. Ab'an naq ke'wulak aran Bahal-Pehor, ke'xq'axtesi rib' reheb' li yal k'oxlanb'il yos, ut q'axal tz'eqtaananb'ileb' chik ke'kanaak jo'eb' li pek che' raarookeb' xb'aaneb'.

Levítico 18:26

A'ut laa'ex aj Israel ut eb' laj ab'l tenamit li wankeb' sa' eeyanq, paab'omaq linchaq'rab' ut lintaqlahom ut meeb'aanu junaq li yib' aj b'aanuhom a'in,

Levítico 18:28

Chi jo'kan ink'a' tex'isiiq sa' li tenamit xb'aan xmuxb'al ru, kama' naq ke'isiik li ke'wank xb'enwa cheru laa'ex.