Levítico 18:25 - Q'eqchi Bible

²⁵ Jo'kan naq xkanaak chi muxb'il ru li xna'ajeb' a'an. Ab'an laa'in xink'eheb' chi xtojb'al rix li xmaa'usilaleb', ut li tenamit xrisiheb' li wankeb' sa' li na'ajej a'an.

Li Santil hu

²⁵ Xban li ma̱usilal li queꞌxba̱nu, queꞌxmux ru li naꞌajej. Joꞌcan nak la̱in tinqꞌueheb chixtojbal rix lix ma̱queb nak teꞌisi̱k saꞌ lix naꞌajeb.

Levítico 18:25 ပူးပေါင်းရင်းမြစ်များ

Levítico 18:28

Chi jo'kan ink'a' tex'isiiq sa' li tenamit xb'aan xmuxb'al ru, kama' naq ke'isiik li ke'wank xb'enwa cheru laa'ex.

Jeremías 2:7

Laa'in kexink'am chaq sa' li xq'emal ch'och' a'in re xtzekankil li chaab'il ruhil awimq na'elk chiru. A'ut naq kolex'okaq laa'ex, kemux ru linch'och' ut xa'b'eetal kekanab' li weechanihom.

Jeremías 9:9

Ma ink'a' tab'i' tink'eheb' chi xtojb'al rix li maak a'an? Ma ink'a' tab'i' tink'ajtesi ruheb' li tenamit jo'ka'aneb'? -chan li Qaawa'-.

Salmos 106:38

Ke'xhoy li kik' li maak'a' xmuxul, a' li xkik'el li ralal xk'ajoleb' mayejanb'il chiruheb' li xyoseb' laj Kanahán. Jo'kan naq kimuxmank li na'ajej rik'in kik',

Oseas 2:13

Tolinrahob'tesi li ixq a'an xb'aan naq xk'atok k'ajpom chiruheb' laj Bahal, xtiqib' rib' chi chaab'il rik'in matq'ab' ut q'ol ut xkoho chirixeb' li neke'rahink re, chi ink'a' chik nikinxk'oxla laa'in li Qaawa' -chan li Yos-.

Jeremías 23:2

Jo'ka'in kixye li Qaawa', li xYos laj Israel, chirixeb' li neke'ilok re li xtenamit: “Laa'ex xexcha'cha'ink reheb' linkarneer, xek'eheb' chi elelik ut ink'a' xerileb'. Jo'kan naq laa'in texink'e chi xtojb'al rix leemaak -chan li Qaawa'-.

Jeremías 16:18

Ka'sut te'xtoj rix li xmaakeb' ut li maa'usilal xe'xb'aanu, xb'aan naq xe'xmux ru linna'aj rik'in xtz'i'b'eetal aj jalanil yos ut xe'xnujob'resi li ch'och' chi jo'maajo'il b'aanuhom”.

Jeremías 14:10

Jo'ka'in kixye li Qaawa' chirix li tenamit Israel: “Li tenamit a'in q'axal nawulak chiru xb'eeninkil rib' yalaq b'ar; ink'a' neke'hilank junpaataq. Jo'kan naq moko sa ta sa' inch'ool chirixeb'. Anaqwan ok we chi xjultikankil li xmaakeb' ut tink'eheb' chi xtojb'al rix a'an”.

Jeremías 5:29

Ma ink'a' tab'i' tinraqoq aatin chirix chixjunil a'an? Ma ink'a' tink'e reeqaj a'an re li tenamit a'in li jo'kan neke'xb'aanu?

Jeremías 5:9

Ma ink'a' tab'i' tink'eheb' chi xtojb'al rix li maak a'an? Ma ink'a' tink'ajtesi ru li tenamit li jo'kan naxb'aanu? -chan li Qaawa'-.

Isaías 26:21

Xb'aan naq elk re li Qaawa' sa' li xmuheb'aal re eeqajunk chirix li maa'usilal li xe'xb'aanu chixjunileb' li poyanam sa' ruuchich'och'; li ch'och' taarisi chaq chi kutankil li xkik'eleb' li xe'kamsiik, ut ink'a' chik tixmuq li kamsink xb'aanuhatq.

Deuteronomio 18:12

Xb'aan naq chixjunileb' li neke'b'aanunk re a'in, yib'eetal chiru li Qaawa' laaYos neke'xb'aanu ut, xmaak eb' li yib' aj b'aanuhom a'in, li Qaawa' laaYos traanilasiheb' li tenamit a'an chawu.

Romanos 8:22

Naqanaw naq chixjunil li wank junsut junrub'el choxa na'ayaynak chaq ut wank sa' rahilal jo' jun li ixq ok re chi alank.

Oseas 9:9

Q'axal xnumtaak leemaa'usilal, jo' keb'aanu chaq aran Kibehá. A'ut li Qaawa' junelik wank sa' xch'ool leemaa'usilal, ut texk'e chi xtojb'al rix leemaak.

Isaías 24:5

Xmuxe'k ru li ch'och' xb'aaneb' li poyanam, xb'aan naq ink'a' xe'xpaab' li chaq'rab', xe'xq'et b'an raatin li Qaawa' ut xe'xsach xwankil li loq'laj Sumwank.

Salmos 89:32

wi te'xmux xyaalal lintaqlahom ut ink'a' te'xpaab' li chaq'rab'inb'ileb' wi',

Deuteronomio 9:5

Moko xb'aan ta naq aak'ulub', chi moko xb'aan xtiikilal laach'ool toxaaweechani li xch'och'eb'. Li Qaawa' taa'isinq reheb' chawu, xb'aan naq moko us ta li xb'aanuhomeb' li tenamit a'an. Chi jo'kan tixpaab' li aatin xyehom reheb' laaxe'toonil yuwa', a' laj Abrahán, laj Isahak ut laj Jakob.

Oseas 8:13

Nawulak chiruheb' li mayejak: mayejaqeb' ut xtzekaaqeb' li tib' mayejanb'il! Ab'an laa'in li Qaawa' ink'a' sa inch'ool rik'ineb': jultik we li maa'usilal xe'xb'aanu, ut tinrahob'tesiheb' xb'aaneb' li maak xe'xb'aanu rik'in xtaqlankileb' wi' chik Ejiipt.

Levítico 18:26

A'ut laa'ex aj Israel ut eb' laj ab'l tenamit li wankeb' sa' eeyanq, paab'omaq linchaq'rab' ut lintaqlahom ut meeb'aanu junaq li yib' aj b'aanuhom a'in,

Deuteronomio 21:23

Ab'an maakanab' jun q'oqyinaq li xtib'el chiru li che'; taamuq b'an sa' ajwi' li kutan a'an, xb'aan naq junaq winq t'uyt'u, a'an majewanb'il xb'aan li Qaawa'. Chi jo'kan ink'a' taamux ru li ch'och' li tixk'e chaweechani li Qaawa' laaYos.

1 Reyes 21:26

Kixb'aanu li tz'i'b'eetalil naq kixloq'oniheb' li yiib'anb'il yos, jo' ke'xb'aanu eb' laj Amor li ke'sache'k ruheb' xb'aan li Qaawa' chiruheb' laj Israel.

Esdras 9:11

aak'ehom chaq qe chi xtz'uumal reheb' laapropeet aj k'anjeleb' chawu naq xaye chi kama'in: «Li ch'och' li toxeereechani, a'an muxb'il ch'och', nujenaq chi xmaa'usilaleb' li tenamit wankeb' aran, xb'aan li tz'i'b'eetalil xe'xb'aanu yalaq b'ar.