Levítico 18:21 - Q'eqchi Bible

²¹ “Maajun laawalal aak'ajol taamayeja chiru li yos Molok. Maatz'eqtaana li xk'ab'a' laaYos chi kama' a'an. Laa'in li Qaawa'.

Li Santil hu

²¹ Junak cui̱nk incꞌaꞌ naru tixqꞌue li ralal xcꞌajol chokꞌ xcꞌatbil mayej chiru li yi̱banbil dios Moloc. Incꞌaꞌ ta̱risi xlokꞌal lin cꞌabaꞌ la̱in li Ka̱cuaꞌ le̱ Dios riqꞌuin xba̱nunquil aꞌin. La̱in li Ka̱cuaꞌ li yo̱quin chi yehoc re aꞌin.

Levítico 18:21 ပူးပေါင်းရင်းမြစ်များ

Deuteronomio 12:31

Maab'aanu chi jo'kan re li Qaawa' laaYos. Xb'aan naq chixjunil li tz'i'b'eetal chiru li Qaawa', chixjunil li tz'eqtaananb'il xb'aan, neke'xb'aanu eb' a'an re xloq'oninkil li xyoseb': a' ajwi' eb' li ralal ut xrab'ineb' neke'xk'at sa' xk'ab'a'eb' li xyos!

Levítico 19:12

“Meeye eejurament sa' ink'ab'a' chi yal tik'ti', xb'aan naq chi jo'kan taatz'eqtaana li xk'ab'a' laaYos. Laa'in li Qaawa'.

Deuteronomio 18:10

Miwank junaq sa' eeyanq li tixnumsi li ralal malaj li xrab'in sa' xam, malaj tixb'aanu li q'ehib'k ut li rilb'al li yu'am chaalel rik'in xka'yankil eb' li chahim. Maajun eere tixb'aanu li tuulak malaj xmoyb'al xsa' li uhej.

Levítico 22:32

“Meemux ru linloq'laj k'ab'a' re naq chi jo'kan santob'resinb'ilaqin sa' xyanqeb' laj Israel. Laa'in li Qaawa', li ninsantob'resink eere laa'ex

Hechos 7:43

Ink'a', a' chik li xmuheb'aal laj Molok ut li xchahimal li yos Refán xek'am cherix, eb' li xjalam u li xeyiib' re xloq'oninkileb' ru. Jo'kan naq laa'in texink'am toj junpak'al Babilonia».

Malaquías 1:12

“A'ut laa'ex aj tij nekesach inloq'al naq nekeye: «Li xmeex li Qaawa' naru xmuxb'al xloq'al, ut li tzekemq wank aran naru xtz'eqtaanankil».

Jeremías 19:5

Xe'xyiib'atq li tijob'aal cho'q re laj Bahal re xk'atb'aleb' li ralal xk'ajoleb' cho'q mayej sa' xk'ab'a' laj Bahal, ut laa'in ink'a' xintaqlaheb' xb'aanunkil li na'leb' a'in, ink'a' inyehom reheb' chi moko ink'oxlahom kach'inaq.

1 Reyes 11:33

Xb'aan naq laj Salomón xinxtz'eqtaana ut x'ok chi xloq'oninkil ru lix Astarté, xyoseb' laj Sidón, laj Kamós, xyoseb' laj Mohab, ut laj Milkón, xyoseb' laj Amón, ut ink'a' chik nab'eek sa' tiikilal chiwu, ink'a' chik naxpaab' li waatin ut linchaq'rab', jo' kixb'aanu laj David li xyuwa'.

1 Reyes 11:7

Chiruheb' li kutan a'an, laj Salomón kixk'e chi yiib'aak x'artalil laj Kamós, xtz'eqb'eetalil yos eb' laj Mohab, aran sa' xb'een li tzuul li wank chi xk'atq Jerusalén. Kixk'e ajwi' chi yiib'aak x'artalil laj Milkón, xtz'eqb'eetalil yos eb' laj Amón.

Levítico 22:2

“Ye re laj Aharón ut reheb' li ralal xk'ajol naq tento te'roxloq'i li k'a'aq re ru neke'xmayeja chiwu eb' laj Israel, re naq ink'a' te'xmux linloq'laj k'ab'a'. Laa'in li Qaawa'.

Amós 5:26

Ab'an anaqwan yookex chi xk'amb'al eb' li jalam u eeyiib'ahom laa'ex: laj Sikut, lee'awab'ej, ut laj Kebán, li chahim li xek'e cho'q eeyos.

Ezequiel 23:37

Eb' a'an ke'xmux xsumlajikeb' ut oso'jenaqeb' li ruq' sa' kik'. Kine'xtz'eqtaana naq ke'xloq'oni ruheb' li jalanil yos ut ke'xk'at sa' xam cho'q mayej eb' li walal ink'ajol.

Ezequiel 20:31

Naq nekeyeechi'i leemayej ut nekek'at sa' xam eb' leeralal eek'ajol, toj yookex chi xtz'ajninkil eerib' chiruheb' li jalanil yos chalen toj anaqwan. Ma tinkanab' tab'i' naq texpatz'oq wik'in, ex ralal xk'ajol laj Israel? Sa' xk'ab'a' linloq'al ninye li waatin naq ink'a' tinkanab' wib' re texpatz'oq wik'in -chan li Qaawa'-.

Jeremías 7:31

Sa' xTaq'ahil Ben-Hinón xe'xyiib' li tijob'aal re Tófet, re xyeechi'inkileb' li ralal xk'ajol cho'q k'atb'il mayej, li maajun wa inyehom reheb' chi moko xink'oxla b'ayaq a'an.

2 Reyes 23:10

Kixmux ru li na'ajej na'uxk wi' mayejak sa' xtaq'ahil Ben-Hinón, re naq maajun chik tixq'axtesi chi k'ate'k li ralal xk'ajol sa' xk'ab'a' laj Molok.

2 Reyes 21:6

Kixk'at li ralal cho'q xmayej; kixtzol li q'ehink ut li nawalink, kipatz'okatq rik'ineb' laj q'e ut rik'ineb' li musiq'ej. Xikenaq wi' chik xb'een li maa'usilal kixb'aanu toj reetal kixpoq' xjosq'il li Qaawa'.

2 Reyes 16:3

kixb'aanu b'an jo' ke'xb'aanu eb' li awab'ej re Israel, ut kixq'axtesi li ralal chi k'ate'k, jo' li tz'i'b'eetalil neke'xb'aanu eb' li tenamit li ke'sache'k ru xb'aan li Qaawa' chiruheb' laj Israel.

Levítico 21:6

te'xq'axtesi b'an rib' chi junajwa re li xYoseb' ut ink'a' te'xmux li xk'ab'a', xb'aan naq a'aneb' neke'q'axtesink li k'atb'il mayej ut li xmayej wa li xYoseb'; jo'kan naq tento santaqeb'.

Romanos 2:24

Relik chi yaal, jo' naxye li Santil Hu, “eemaak laa'ex majewanb'il xk'ab'a' li Yos sa' xyanqeb' li junch'ol chik”.

Romanos 1:23

ut ke'xjal li xnimal xloq'al li Yos ink'a' nalajk na'oso'k rik'in xjalam u winq na'oso'k, rik'in xjalam uheb' li xik'anel xul, eb' li xul kaahib'eb' roq ut eb' li neke'xjukuki rib' chiru ch'och'.

2 Crónicas 28:3

Kik'atok pom sa' xtaq'ahil Ben-Hinón, ut kixq'axtesi li ralal chi k'ate'k, jo' li tz'i'b'eetalil neke'xb'aanu eb' li tenamit li ke'sache'k ruheb' xb'aan li Qaawa' chiruheb' laj Israel.

Jeremías 32:35

Xe'xyiib'atq ajwi' x'artal laj Bahal sa' xtaq'ahil Ben-Hinón, re xk'atb'al li ralal xk'ajoleb' cho'q xmayejeb' chiru laj Molok. Chi jo'kan xe'xk'e chi maakob'k eb' laj Judá, li maajun wa inyehom reheb' chi moko xnume'k b'ayaq sa' inch'ool naq jo'kan te'xb'aanu.

Ezequiel 20:26

Kinkanab'eb' chi xtz'ajninkil rib'eb' rik'in li xmayejeb', naq ke'xyeechi'i eb' li xb'een ralaleb' cho'q k'atb'il mayej chiruheb' li jalanil yos, re raj naq te'xiwaq ut te'xnaw naq laa'in li Qaawa' Yos».

Miqueas 6:7

Ma tixk'ul tab'i' li Qaawa' jun milaq chi karneer malaj k'iila o'q'ob' kuk chi aseeyt? Malaj ut tinmayeja li xb'een walal xb'aan naq xinq'etq'eti wib' chiru? Ma tinmayeja tab'i' li walal re xtojb'al rix linmaak?”.

Levítico 24:15

Ut ye a'in reheb' laj Israel: Ani tixmajewa xk'ab'a' li Qaawa' li xYos, wank xmaak chi junelik.

2 Reyes 17:31

eb' laj Abá ke'xyiib' laj Nibjás ut laj Tartak; ut eb' laj Separbáhin ke'xk'at eb' li ralal xk'ajol sa' xk'ab'a'eb' li xyoseb', a'aneb' laj Adremélek ut Anamélek.

Amós 2:7

Neke'xyeq'i chiru ch'och' eb' li neb'a' ut neke'xsachb'esi xna'leb'eb' li kub'enaqeb' xwankil. Li alalb'ej ut li yuwa'b'ej neke'wank rik'in jun chi ixq, ut chi jo'kan neke'xmux linsantil k'ab'a'.