Levítico 18:20 - Q'eqchi Bible

²⁰ “Matyoklaak chi xk'atq li rixaqil laawas aawiitz'in, chi moko tatwanq rik'in li ixq a'an, re naq ink'a' taamux aawib'.

Li Santil hu

²⁰ Junak cui̱nk incꞌaꞌ naru naxchꞌic rib riqꞌuin li rixakil li ras ri̱tzꞌin. Cui tixba̱nu li ma̱usilal aꞌan, tixmux rib.

Levítico 18:20 ပူးပေါင်းရင်းမြစ်များ

Levítico 20:10

“Wi junaq winq taamaakob'q rik'in rixaqil li ras riitz'in, te'kamsiiq li winq ut li ixq xb'aan naq xe'xmux li xsumlajikeb'.

Éxodo 20:14

“Matmuxuk sumlaak.

Hebreos 13:4

Chejunilex cheroxloq'i li sumlaak ut maak'a' k'aru teeb'alaq'i wi' eerib', xb'aan naq li Yos taaraqoq aatin sa' xb'eeneb' laj ko'b'eet laj yumb'eet jo' ajwi' sa' xb'eeneb' laj muxul sumsu.

1 Corintios 6:9

Ma ink'a' nekenaw naq li ink'a' tiikeb' xch'ool ink'a' te'reechani li xnimajwal awab'ejihom li Yos? Meeb'alaq'i eerib'! Eb' laj ko'b'eet aj yumb'eet, eb' laj loq'oninel li yal k'oxlanb'il yos, eb' laj muxul sumlaak, eb' li ixqiwinq, eb' li neke'xb'aanu li maa'usilal rik'ineb' li rech winqilal rech ixqilal,

Deuteronomio 5:18

Matmuxuk sumlaak.

Gálatas 5:19

Nawno chi us k'aru nachalk rik'in li tz'ejwalej: ko'b'eetak yumb'eetak, muxuk ib', jo'maajo'il wank,

Romanos 2:22

Nakaye naq ink'a' us li muxuk sumlaak, ut laa'at nakatmuxuk sumlaak. Xik' nakawileb' li yal k'oxlanb'il yos, ut nakat-elq'ak sa' rochocheb'.

Malaquías 3:5

Li Nimajwal Yos kixye chi jo'ka'in: “Tinchalq re raqok aatin sa' eeb'een ut sa' junpaat tinjiteb' laj tuul, eb' laj muxul sumlaak, eb' li neke'yehok jurament sa' tik'ti', eb' li neke'numtaak sa' xb'eeneb' laj k'anjel, eb' li neke'rahob'tesink reheb' li xmalka'an ut eb' li neb'a'yox, eb' li ra neke'xb'aanu reheb' laj ab'l tenamit, ut ink'a' neke'xxiwa b'ayaq wu, chan li Nimajwal Yos.

Proverbios 6:25

Maak'e aawib' chi q'unb'esiik xb'aan li xch'ina'usal, chi moko chakanab' aawib' chi xb'alaq'i xb'aan li rilob'aal.

2 Samuel 11:27

Ab'anan naq kinume'k xq'ehil li rahil ch'oolej, laj David kixtaqla xk'amb'al ut kixk'ul sa' rochoch; kisumlaak ut kiwank ralal rik'in. Ab'anan li k'aru kixb'aanu laj David ink'a' kiwulak chiru li Qaawa'.

Deuteronomio 22:25

“Ab'anan wi li winq xtaw chaq li tz'aamanb'il saaj ixq sa' k'aleb'aal ut xmin ru ut xyoklaak rik'in, ka'ajwi' li winq a'an taakamq;

Deuteronomio 22:22

“Wi taatawmanq junaq winq yokyooq rik'in junaq sumsuukil ixq, te'kamq chi xkab'ichaleb': taakamq li winq xyoklaak rik'in li ixq ut jo'kan ajwi' li ixq. Chi jo'ka'in taawisi li ink'a' us sa' xyanqeb' laj Israel.

Números 5:13

Mare taawanq rik'in junaq winq chi ink'a' naxnaw li xb'eelom, ut li maak taakanaaq sa' muqmu, xb'aan naq maajun x'ilok re, maajun xtawok re.

Ezequiel 18:6

ink'a' naxik chi tzekank sa'eb' li tijob'aal chiru tzuul chi moko naxk'ojob' xch'ool rik'ineb' li xjalanil yoseb' laj Israel; ink'a' naxmux li rixaqil li ras riitz'in, chi moko nawank rik'in li rixaqil naq yo sa' xpuch'unik;