Levítico 17:8 - Q'eqchi Bible

⁸ “Taaye ajwi' reheb' naq yalaq ani sa' xyanqeb' laj Israel malaj aj ab'l tenamit wanq sa' eeyanq, wi tixq'axtesi junaq xk'atb'il mayej malaj yalaq k'a' chi mayejil,

Li Santil hu

⁸ Ut ta̱ye ajcuiꞌ reheb nak cui junak le̱ rech aj Israelil malaj ut junak jalan xtenamit cua̱nk saꞌ e̱ya̱nk, tixqꞌue lix cꞌatbil mayej, malaj cꞌaꞌak chic re ru chi mayejil, tento nak tixcꞌam chiru li oqueba̱l re li tabernáculo.

Levítico 17:8 ပူးပေါင်းရင်းမြစ်များ

Malaquías 1:11

“Sa' chixjunileb' li tenamit chalen sa' releb'l saq'e toj sa' rokeb'l jwal nim link'ab'a' ut yalaq b'ar nayeechi'imank k'ajpom ut mayej li ink'a' muxb'il ru, sa' ink'ab'a'. Xb'aan naq eb' li jalan tenamit neke'xk'e inloq'al -chan li Nimajwal Yos-.

2 Samuel 24:25

ut aran kixxaqab' jun x'artal li Qaawa' ut kixk'e li xk'atb'il mayej jo'wi' li xyeechi'om re xk'amb'aleb' rib' sa' usilal rik'in li Yos. Toja' naq li Qaawa' kirab'i li elajink chirix li na'ajej ut kirisi li raxkamk sa' xb'eeneb' laj Israel.

1 Samuel 16:2

Kixye laj Samuel: “Chanru naq tinxik? Wi laj Saúl trab'i resil, tinxkamsi”. Kichaq'ok li Qaawa': “K'am jun li saaj wakax ut ye re laj Saúl naq xik aawe chi mayejak chiwu.

1 Samuel 10:8

Laa'at xb'enwa tatxik chiwu aran Kilkal, ut laa'in toxatintaw aran toj moqon, re xyeechi'inkil k'atb'il li mayej ut li k'a'aq re ru re k'amok ib' sa' usilal rik'in li Yos. Aran tinaawoyb'eni wuqub' kutan toj reetal tinwulaq wanqat wi' ut tinye aawe k'aru taab'aanu”.

1 Samuel 7:9

Laj Samuel kixchap jun karneer toj natu'uk ut kixyeechi'i chi xjunxaqalil cho'q k'atb'il mayej chiru li Yos, kixyaab'a xk'ab'a' li Qaawa' sa' xb'eeneb' laj Israel, ut li Qaawa' kirab'i li xtij.

Jueces 6:26

Chirix chik a'an, sa' xb'een li xaqxookil tzuul a'an, taayiib' chi chaab'il jun li artal cho'q re li Qaawa' laaYos. Taachap li teelom wakax ut taak'at jo' loq'laj mayej, chiru li xsi'ul li loq'laj che' xayok'”, chan.

Levítico 17:10

“Laa'in tinjosq'o'q rik'in chixjunileb' laj Israel malaj aj ab'l tenamit li wanqeb' sa' eeyanq wi te'tzekanq kik' a' yaal chanru. Laa'in te'wisi sa' xyanqeb' li rech tenamitul.

Levítico 17:4

wi ink'a' tixk'am chaq sa' rokeb'aal li Loq'laj Muheb'aal re xmayejankil re li Qaawa' chiru li xLoq'laj Na'aj, li winq a'an wanq xmaak xb'aan naq xkamsink. Tento taa'isiiq sa' xyanqeb' li rech tenamitul, xb'aan naq xhoy xkik'el li xul.

Levítico 3:7

Wi tixyeechi'i junaq saaj karneer, naq tixq'axtesi chiru li Qaawa',

Levítico 17:7

Ut maajun wa chik te'xq'axtesi li xmayejeb' reheb' li maa'us a'an, li ke'xloq'oni chaq. A'an a'in jun chaq'rab' wanq xwankil cho'q reheb' chi junelik q'e kutan.

Levítico 17:9

ut ink'a' tixk'am sa' rokeb'aal li Loq'laj Muheb'aal re xyeechi'inkil re li Qaawa', li winq a'an tento taa'isiiq sa' xyanqeb' li rech tenamitul.

Josué 22:11

Naq eb' laj Israel ke'rab'i resil a'an, ke'xye: “Chek'e reetal, eb' laj Rubén, eb' laj Gad ut li xyiijachil xteepal laj Manasés ke'xxaqab' li artal a'an, sa' xjayal li tenamit Kanahán, nach' rik'in li nima' Jordán, sa' xch'och'eb' laj Israel”, chankeb'.

Josué 22:15

Ut naq eb' a'in ke'wulak wankeb' wi' laj Rubén, eb' laj Gad ut li xyiijachil xteepal laj Manasés, sa' li na'ajej Galahad, ke'raatinaheb' chi jo'ka'in:

Josué 22:16

“A'in xyehom chixjunil li xkomonil li Qaawa': K'a' chi maakil a'in li xeb'aanu chiru li xYos laj Israel? K'a'ut naq xeq'etq'eti eerib' chiru li Qaawa' anaqwan? Laa'ex xeyiib' jun li artal, ut chi jo'kan xexnajto'k rik'in li Qaawa'.