Levítico 17:15 - Q'eqchi Bible

¹⁵ “Yalaq ani sa' xyanqeb' laj Israel malaj aj ab'l tenamit taatzekanq re xtib'el kamenaqil xul malaj ut t'upinb'il xb'aan junaq josq' aj xul, tento tixpuch' li raq' ut taa'atinq. Ut taayeemanq naq tz'ajn ru toj reetal taa'ok li q'oqyink. Toj moqon chik taakanaaq chi ch'ajob'resinb'il.

Li Santil hu

¹⁵ Cui junak naxtzaca xtibel li xul li yal nacam xjunes malaj ut quicamsi̱c xban joskꞌ aj xul, li jun aꞌan xmux rib, usta aj Israel usta jalan xtenamit. Tento nak ta̱ati̱nk ut tixpuchꞌ li rakꞌ. Ut muxbil ru ta̱cana̱k toj ta̱oc li kꞌojyi̱n. Riqꞌuin aꞌan santobresinbilak chic.

Levítico 17:15 ပူးပေါင်းရင်းမြစ်များ

Deuteronomio 14:21

“Maajun li xul li teetaw chi ak kamenaq naru teetzeka, taak'e b'an re laj ab'l tenamit li wank sa' eeyanq, re naq a'an taatzekanq re; wi ut ink'a', k'ayi re jalan chik. Xb'aan naq laa'at jun tenamit q'axtetesinb'ilat re li Qaawa' laaYos. “Maachiq li ch'ina chib'aat sa' li xya'al xtu' li xna'.

Levítico 22:8

Moko naru ta tixtzeka xtib'el kamenaq xul malaj ut putz'inb'il xb'aan josq' aj xul, re naq ink'a' tixmux rib' rik'in a'an. Laa'in li Qaawa'.

Éxodo 22:31

“Laa'ex q'axtesinb'ilaqex cho'q we. “Meetiw xtib'el li xul li xt'upiik xb'aan junaq josq' aj xul sa' pim; tz'eqomaq b'an chi xtiweb' li tz'i'.

Levítico 11:25

“Yalaq ani tixwaklesi li kamenaq xul a'in, tento tixpuch' li xb'aatal ut taakanaaq chi muxb'il toj taa'ok li q'oqyink.

Apocalipsis 7:14

Kinchaq'ok chiru: “Wa', laa'at nakatnawok re”, chankin re. Ut a'an kixye: “A'aneb' a'in li xe'chalk chaq sa' li xnimal rahilal; xe'xpuch' li raq'eb' ut xe'xsaqob'resi sa' li xkik'el li Karneer.

Ezequiel 44:31

Eb' laj tij ink'a' te'xtzeka xtib'el li k'a'aq chi xulil li xkamk xjunes malaj t'upinb'il xb'aan junaq josq' aj xul.

Ezequiel 4:14

Ut laa'in kinye: “At Qaawa', at inYos, maajun wa inmuxum wib' chiru linyu'am toj anaqwan; maajun sut intzekahom li xtib'el li xul yal nakamk malaj kamsinb'il xb'aan junaq josq' aj xul, ut maajun wa xintzeka li muxb'il tzekemq”, chankin.

Levítico 15:5

“Yalaq ani taach'e'oq re li na'ajej b'arwi' xyoklaak li winq yaj, tento tixpuch' li raq' ut taa'atinq, ut muxb'il ru taakanaaq toj reetal taa'ok li q'oqyink.

Números 19:21

A'an a'in jun chaq'rab' cho'q eere chi junajwa. Li taakirkirinq chi osob'tesinb'il ha', tixpuch' li raq', ut li yal tixch'e' li osob'tesinb'il ha', muxb'ilaq ru chalen toj ewu.

Números 19:19

Jun li winq maak'a' xmuxul tixkirkiri chi ha' li muxb'il ru sa' rox ut xwuq li kutan. Ut chiru li xwuq kutan taach'ajob'resimanq li xmaak. Toja' naq li winq muxb'il tixpuch' li raq', taa'atinq rik'in ha', ut ch'ajob'resinb'ilaq chik toj ewu.

Números 19:8

Li ani xk'atok re li wakax, tixpuch' li raq' ut taa'atinq rik'in ha'; ab'anan muxb'ilaq chalen toj ewu.

Levítico 15:21

“Yalaq ani taach'e'oq re li na'ajej b'arwi' xyoklaak li ixq a'an, tento tixpuch' li raq' ut taa'atinq, ut muxb'il ru taakanaaq toj reetal taa'ok li q'oqyink.

Levítico 15:10

“Yalaq ani taach'e'oq re li k'a'aq re ru b'arwi' ak xchunlaak li na'elk xsam xtz'ejwal, muxb'il ru taakanaaq toj reetal taa'ok li q'oqyink. “Yalaq ani taak'amoq re a k'a'aq re ru a'in, tento tixpuch' li raq' ut taa'atinq, ut taakanaaq chi muxb'il ru toj reetal taa'ok li q'oqyink.

Levítico 7:24

Li xxeeb'ul li kamenaq xul ut li xxeeb'ul li xul xkamsiik xb'aan josq' aj xul naru te'xsik' b'ar te'xk'e, ab'an ink'a' te'xtzeka.

Levítico 11:40

Ani taatiwoq xtib'el li kamenaq xul, tento tixpuch' li raq' ut taakanaaq chi muxb'il toj reetal taa'ok li q'oqyink; ut ani taa'isinq re li kamenaq xul, tento ajwi' tixpuch' li raq', ut taakanaaq chi muxb'il toj reetal taa'ok li q'oqyink.

Éxodo 22:30

Jo'ka'in ajwi' naq taab'aanu rik'in li xb'een ral laawakax ut laakarneer. Wuqub' kutan te'wanq rik'ineb' li xna', ut sa' li xwaqxaq li kutan chaq'axtesi we.

Levítico 11:24

“Rik'ineb' li xul a'in laa'ex teetz'ajni eerib': ani tixch'e' junaq kamenaq xul, a' yaal b'arwan reheb' li xul a'in, taakanaaq chi muxb'il toj reetal taa'ok li q'oqyink.

Levítico 11:27

“A' yaal k'aru chi xulil kaahib'eb' roq nahilank raalal sa' xb'een li roq, a'an jun yib' aj xul cho'q eere. Yalaq ani taach'e'oq re junaq kamenaq xul xkomoneb' a'an, taakanaaq chi muxb'il toj reetal taa'ok li q'oqyink.

Levítico 11:28

Ani tixwaklesi junaq kamenaq xul xkomoneb' a'an, tento tixpuch' li raq' ut taakanaaq chi muxb'il toj reetal taa'ok li q'oqyink: a'an yib' aj xuleb' cho'q eere.

Levítico 11:31

“Sa' xyanqeb' li k'iila xul wankeb' sa' ruuchich'och', a'anaqeb' yib' aj xul cho'q eere. Yalaq ani taach'e'oq re junaq kamenaq xul xkomoneb' a'an, taakanaaq chi muxb'il toj reetal taa'ok li q'oqyink.

Levítico 11:32

“Taakanaaq ajwi' chi muxb'il li k'a'aq re ru b'arwi' taat'ane'q junaq kamenaq xul xkomoneb' a'an: mare sa' xb'een junaq che', junaq aq'ej, k'a'aq re ru yiib'anb'il rik'in tz'uum, junaq koxtal malaj junaq k'anjelob'aal. Tento xk'eeb'al sa' ha' ut taakanaaq chi muxb'il toj reetal taa'ok li q'oqyink; chirix chik a'an taakanaaq wi' chik chi saq ru.

Levítico 11:39

“Wi taakamq junaq xul xkomoneb' li neketiw, ani taach'e'oq re li kamenaq xul a'an, taakanaaq chi muxb'il toj reetal taa'ok li q'oqyink.