Levítico 17:11 - Q'eqchi Bible

¹¹ Xb'aan naq chixjunil li wank xyu'am yo'yo sa' xk'ab'a' li kik' ut laa'in xink'e eere li xkik'el sa' xb'een li artal, re naq rik'in li kik' a'an texruuq laa'ex chi xkolb'al rix leeyu'am, xb'aan naq li kik' natojok li xkolb'al rix li yu'amej.

Li Santil hu

¹¹ Li quicꞌ, aꞌan xyuꞌam ut xmetzꞌe̱u li tibelej. La̱in xinye nak te̱mayeja li quicꞌ chiru li artal re xtojbal rix le̱ ma̱c. Riqꞌuin quicꞌ te̱toj rix le̱ ma̱c xban nak li quicꞌ, aꞌan li natojoc rix le̱ yuꞌam.

Levítico 17:11 ပူးပေါင်းရင်းမြစ်များ

Hebreos 9:22

xb'aan naq, jo' naxye li Chaq'rab', kach'in chik maa chixjunil nach'ajob'resimank rik'in kik', ut wi ink'a' nahoye'k li kik', maak'a' kuyuk sachok maak.

1 Juan 1:7

Ab'an wi nokoob'eek sa' li saqenk jo' naq A'an wank sa' li saqenk, nokoowank sa' komonil sa' junajil chiqib'il qib' ut li xkik'el li Jesus li Ralal nokooxch'ajob'resi chiru chixjunil li maak.

Romanos 3:25

A'in kixaqab'aak xb'aan li Yos cho'q aj k'ehol uxtaan sa' xk'ab'a' li xkik'el, cho'q reheb' li wankeb' xpaab'aal. Chi jo'kan li Yos naxk'ut li xtiikilal xch'ool. Sa'eb' li kutan ke'numje'k, sa' xq'ehil li xnimal xkuyum, li Yos ink'a' kixk'e sa' ajl li xmaakeb' li tenamit,

Apocalipsis 1:5

ut sa' xk'ab'a' li Jesukriist, laj ch'olob'anel xyaalal, li paab'ajel, li xb'een li kiwakliik chi yo'yo sa' xyanqeb' li kamenaq, li nim xwankil sa' xb'eeneb' chixjunil li awab'ej re li ruuchich'och'. A'an narahok qe ut kooxch'ajob'resi chiru li qamaak rik'in li xkik'el.

San Marcos 14:24

Ut kixye reheb': —A'an a'in linkik'el re li Sumwank, hoyb'il sa' xk'ab'a' chixjunileb'.

Génesis 9:4

Ka'ajwi' li tib' li toj wank xkik'el ink'a' naru teetzeka, xb'aan naq li kik' a'an xyu'am.

Colosenses 1:14

li naqataw wi' qakolb'al rik'in li xkuyb'al xsachb'al li qamaak.

San Mateo 26:28

Xb'aan naq a'an a'in linkik'el re li Sumwank, hoyb'il sa' xk'ab'a' chixjunileb' re xkuyb'al xsachb'al li xmaakeb'.

Hebreos 13:12

Jo'kan ajwi' li Jesus kixk'ul li rahilal toj junpak'al rokeb'aal li tenamit, re xsantob'resinkil li xtenamit rik'in li xkik'el.

Efesios 1:7

Sa' xk'ab'a' A'an wank qakolb'al xb'aan li xkik'el, wank xkuyb'al xsachb'al qamaak, sa' xk'ab'a' li xnimal rusilal

Levítico 17:14

xb'aan naq chixjunil li wank xyu'am yo'yo sa' xk'ab'a' li kik'. Jo'kan naq xinye eere naq ink'a' teetzeka li kik', xb'aan naq a'an li xyu'ameb' chixjunileb' li yo'yookeb', ut yalaq ani taatzekanq re, tento taa'isiiq sa' xyanqeb' laj Israel.

1 Pedro 1:2

jo' ki'alaak chaq sa' xch'ool li Yos Yuwa'b'ej, rik'in li santob'resink naxb'aanu li Musiq'ej, re xpaab'ankil li Jesukriist ut re xk'ulb'al leech'ajob'resinkil rik'in li xkik'el. Chiwanq taxaq eerik'in li usilal ut li tuqtuukilal chi numtajenaq.

Colosenses 1:20

Sa' xk'ab'a' li Kriist ut cho'q re A'an, li Yos kiraj xk'amb'al wi' chik sa' rusilal chixjunil li k'a'aq re ru, rik'in xk'eeb'al sa' tuqtuukilal chixjunil li wank sa' ruuchich'och' ut sa' choxa, sa' xk'ab'a' li xkik'el hoyb'il chiru krus.

Romanos 5:9

Anaqwan tiikob'resinb'il qach'ool xb'aan xkik'el li Kriist: ma toja' ta chik ink'a' tooxkol li Yos chiru li tojb'amaak sa' xk'ab'a' A'an?

Levítico 8:15

Toja' naq laj Moisés kixyok' xkux li saaj wakax, kixxok li xkik'el rik'in ru'uj ruq', kixrachrachi chi xsutam li artal re xch'ajob'resinkil, ut li rela' li kik' kixhoy chi roq li artal. Chi jo'kan li artal kikanaak chi osob'tesinb'il re xtz'aamankil aran li xkuyb'al li maak.

1 Juan 2:2

A'an li kames-mayej chirix li qamaak, ut moko ka'aj ta wi' chirix li qamaak, chirix aj b'an wi' xmaakeb' chixjunil li ruuchich'och'.

San Mateo 20:28

Kama' naq li K'ajolb'ej moko xchalk ta chi k'anjelaak ru, re b'an k'anjelak ut re xk'eeb'al li xyu'am re xkolb'aleb' rix chixjunileb'.

Levítico 16:11

“Laj Aharón tixyeechi'i li saaj wakax jo' tz'aqal xmayej chirix li maak, re naq taakuye'q xmaak jo'wi' xmaakeb' li xjunkab'al.

Levítico 1:5

Tixyok' li xkux li teelom wakax chiru li Qaawa'. Chirix chik a'an eb' li ralal xk'ajol laj Aharón ut eb' laj tij te'xyeechi'i li kik' ut te'xkirkiri chi xsutam li artal li wank sa' rokeb'aal li Loq'laj Muheb'aal.

Levítico 17:12

“Jo'kan naq xinye reheb' laj Israel: Maajun eere laa'ex chi moko eb' laj ab'l tenamit wanqeb' sa' eeyanq tixtzeka li kik'.

Levítico 4:25

Chirix chik a'an laj tij tixchap rik'in ru'uj ruq' b'ayaq li xkik'el li xul xmayejamank chirix li maak, tixyul chiruheb' li xxukub' li x'artalil li k'atb'il mayej, ut tixhoy li rela' li kik' chi roq li artal.

Levítico 4:26

Tixk'at chixjunil li xeeb' sa' xb'een li artal, jo' tz'aqal nab'aanumank re li xeeb'ul li mayej re k'amok ib' sa' usilal rik'in li Yos. Chi jo'kan laj tij tixk'e li mayej re xtojb'al rix li xmaak laj jolominel ut taakuymanq li xmaak.

Deuteronomio 12:23

Ab'anan ink'a' naru teetzeka li xkik'el li xul, xb'aan naq li kik' a'an yu'am, ut ink'a' naru teetzeka li yu'am rochb'een li tib'.