Levítico 16:34 - Q'eqchi Bible

³⁴ “A'an a'in jun li chaq'rab' xaqxooq xwankil chi junelik cho'q eere: jun sut sa' li chihab' taawanq li mayejak re xtojb'al rix chixjunileb' li xmaakeb' laj Israel”. Ut ki'uxmank jo' chanru kixye li Qaawa' re laj Moisés.

Li Santil hu

³⁴ Aꞌan aꞌin li chakꞌrab xinqꞌue e̱re. Joꞌcaꞌin te̱ba̱nu rajlal chihab re xtojbal rix li ma̱c queba̱nu la̱ex aj Israel, chan li Dios. Ut laj Aarón quixba̱nu joꞌ quiyeheꞌ re laj Moisés xban li Dios.

Levítico 16:34 ပူးပေါင်းရင်းမြစ်များ

Hebreos 9:7

Ab'anan, sa' li xkab' raqal, ka'ajwi' li xyuwa'il aj tij na'ok, jun sut ajwi' chiru li jun chihab'; ut naq na'ok, naxk'am li kik' re xmayejankil chirix li xmaak jo'wi' chirix xmaakeb' li tenamit.

Hebreos 9:25

Li xyuwa'il aj tij na'ok rajlal chihab' sa' li Santil Na'ajej rik'in ab'l aj kik'. Ab'an li Kriist ink'a' ki'ok re xyeechi'inkil rib' k'iila sutaq.

Éxodo 30:10

Jun sut chiru li chihab' laj Aharón tixtz'aama xkuyb'aleb' xmaak li tenamit, sa' xb'eeneb' li xxuk li artal a'in; rik'in xkik'el li mayejanb'il xul tixtz'aama aran xkuyb'aleb' li xmaak li tenamit jun sut chiru li chihab': jo'kan taa'uxmanq chi junelik. Q'axal q'axtesinb'ilaq re li Qaawa' li artal a'in”.

Hebreos 10:14

Relik chi yaal naq sa' xk'ab'a' li jun chi mayej kixtz'aqob'resiheb' ru chi junajwa eb' li yo xsantob'resinkileb'.

Hebreos 10:3

Li xyaalal li mayejak neke'xb'aanu, a'an re xjultikankil chiruheb' rajlal chihab' naq wankeb' xmaak,

Números 29:7

“Sa' ajwi' li lajeeb' xb'e li xwuq po, taawanq leeloq'laj ch'utam. Ink'a' textzekanq ut maajun taak'anjelaq chiru li kutan a'an.

Levítico 23:31

“Maajun junaq k'anjel teeb'aanu. A'in jun chaq'rab' xaqxooq xwankil chi junelik cho'q eere laa'ex ut cho'q reheb' leeralal eek'ajol, yalaq ta b'ar wanqex.

Éxodo 27:21

Laj Aharón rochb'eeneb' li ralal te'iloq re chiru li Qaawa', sa' xMuheb'aal li ch'utam, junpak'al li t'ilkem li wank chi xk'atq li xLoq'laj Kaaxil li Sumwank, chalen ewu toj eq'la. A'in jun chaq'rab' xaqxooq xwankil chi junelik cho'q reheb' li ralal xk'ajol laj Israel.

Levítico 17:1

Li Qaawa' kiraatina laj Moisés ut kixye re:

Levítico 23:28

Mexk'anjelak chiru li kutan a'an, xb'aan naq a'an xkutankil li kuyuk sachok maak, b'arwi' laa'ex teek'am wi' chik eerib' sa' usilal rik'in li Qaawa' leeYos.

Éxodo 39:43

Toja' naq laj Moisés kiril chixjunil li xk'anjeleb' ut kixk'e reetal naq kiyaalo'k chixjunil: ke'xb'aanu chixjunil jo' tz'aqal yeeb'il chaq xb'aan li Qaawa'. Ut laj Moisés kirosob'tesiheb'.

Levítico 3:17

“A'an a'in jun chaq'rab' twanq chi junajwa cho'q reheb' li jar teep chi tenamit chaalel, yalaq b'ar wanqeb': ink'a' taatzekamanq li xeeb' chi moko li kik'”.

Levítico 16:2

Ut li Qaawa' kixye re laj Moisés: “Ye re laj Aharón laawas naq ink'a' chi'ok yalaq jo'q'e sa' li tijob'aal li wank junpak'al li t'ilkem, chi moko chiru li xtz'apb'al xb'een li Loq'laj Kaax, re naq ink'a' taakamq; xb'aan naq laa'in tink'utb'esi wib' sa' jun li choql sa' xb'een li artal.

Levítico 24:23

Laj Moisés ki'aatinak rik'ineb' laj Israel, ut eb' a'in ke'risi chaq sa' li xmuheb'aaleb' li ani xmajewank re li Yos ut ke'xkamsi chi pek. Eb' laj Israel ke'xb'aanu jo' tz'aqal kiyehe'k re laj Moisés xb'aan li Qaawa'.