Levítico 16:27 - Q'eqchi Bible

²⁷ “Li saaj wakax ut li chib'aat li xe'mayejamank chirix li maak (li xkik'eleb' xk'ame'k sa' li Santil Na'ajej re xtojb'al rix li maak) taak'amanq toj chirix li na'ajej, ut taak'atmanq li xtz'uumaleb', li xtib'eleb' ut li xk'oteb'.

Li Santil hu

²⁷ Ut ta̱isi̱k saꞌ li naꞌajej aꞌan lix tibel li toro ut li chiba̱t li quicꞌanjelac xquiqꞌuel saꞌ li Santil Naꞌajej re xtojbal rix li ma̱c. Ut aran chirix li naꞌajej aꞌan ta̱cꞌatekꞌ lix tibel rech xiquic lix tzꞌu̱mal ut lix cꞌot.

Levítico 16:27 ပူးပေါင်းရင်းမြစ်များ

Levítico 6:30

Ab'an ink'a' naru xtzekankil junaq xul li xmayejamank chirix li maak, wi li xkik'el xk'ame'k sa' Loq'laj Muheb'aal re xtz'aamankil xkuyb'al li maak sa' li Santil Na'ajej. Li mayej a'an tento taak'atmanq chixjunil.

Levítico 4:21

Chirix chik a'an taarisi chaq li ch'ina wakax chirix li na'ajej li wankeb' wi' li xmuheb'aaleb' li tenamit, ut tixk'at, jo' tz'aqal na'uxmank rik'in li xb'een ch'ina wakax. A'an a'in li mayej chirix xmaakeb' li komonil.

Levítico 8:17

Ab'an li rela' li saaj wakax, naraj naxye, li xtz'uumal, xtib'el ut li natz'eqmank, kixk'ateb' chirix li xmuheb'aaleb' li tenamit, jo' chanru kiyehe'k re xb'aan li Qaawa'.

Levítico 6:11

Chirix chik a'an tixjal li raq' ut tixk'am li cha sa' junaq na'ajej saab'esinb'il chi us, najtaq rik'in li xmuheb'aaleb' li tenamit.

Levítico 6:23

Chixjunil li xmayejeb' laj tij tento taak'atmanq. Ink'a' naru xtzekankil”.