Levítico 16:2 - Q'eqchi Bible

² Ut li Qaawa' kixye re laj Moisés: “Ye re laj Aharón laawas naq ink'a' chi'ok yalaq jo'q'e sa' li tijob'aal li wank junpak'al li t'ilkem, chi moko chiru li xtz'apb'al xb'een li Loq'laj Kaax, re naq ink'a' taakamq; xb'aan naq laa'in tink'utb'esi wib' sa' jun li choql sa' xb'een li artal.

Li Santil hu

² Li Dios quixye re laj Moisés: —Ye re laj Aarón la̱ cuas nak incꞌaꞌ naru ta̱oc yalak jokꞌe cuan cuiꞌ li Lokꞌlaj Ca̱x. Cui na-oc yalak jokꞌe, naru nacam xban nak aran ninhilan la̱in saꞌ li chanchan chok saꞌ xbe̱n lix tzꞌapbal re li Lokꞌlaj Ca̱x li nacuyeꞌ cuiꞌ li ma̱c.

Levítico 16:2 ပူးပေါင်းရင်းမြစ်များ

Éxodo 30:10

Jun sut chiru li chihab' laj Aharón tixtz'aama xkuyb'aleb' xmaak li tenamit, sa' xb'eeneb' li xxuk li artal a'in; rik'in xkik'el li mayejanb'il xul tixtz'aama aran xkuyb'aleb' li xmaak li tenamit jun sut chiru li chihab': jo'kan taa'uxmanq chi junelik. Q'axal q'axtesinb'ilaq re li Qaawa' li artal a'in”.

Hebreos 9:25

Li xyuwa'il aj tij na'ok rajlal chihab' sa' li Santil Na'ajej rik'in ab'l aj kik'. Ab'an li Kriist ink'a' ki'ok re xyeechi'inkil rib' k'iila sutaq.

San Mateo 27:51

Aka' li xt'ikrul li rochoch li Yos kiq'iche'k sa' xyi chalen taqe'q toj taq'a. Ki'eek'ank li ch'och' ut eb' li xninqal pek ke'it'je'k.

2 Crónicas 5:14

Naq eb' laj tij ke'elk chaq sa' li Santil Na'ajej, li choql kixnujob'resi li rochoch li Qaawa'; jo'kan naq eb' laj tij ink'a' ke'ruhank xb'aanuukil li xk'anjeleb', xb'aan naq li xloq'al li Qaawa' kixnujob'resi li loq'laj ochoch.

1 Reyes 8:6

Chirix chik a'an eb' laj tij ke'xk'am li xLoq'laj Kaaxil li xSumwank li Qaawa' sa' li Santil Na'ajej, sa' li q'axal Sant, rub'el xxik'eb' li kerubín.

Hebreos 9:3

Junpak'al li xkab' t'ilkem wank li Muheb'aal, Rajawal Sant xk'ab'a',

Números 17:10

Toja' naq li Qaawa' kixye re laj Moisés: “K'e wi' chik li xxuq' laj Aharón chiru li Loq'laj Kaax; chak'uula aran cho'q reetalil chiruheb' li q'etq'eteb'; chi jo'kan ink'a' chik te'wech'inq chiwix, ut ink'a' te'kamq”, chan.

Números 4:19

B'aanuhomaq chi jo'ka'in, re naq ink'a' te'kamq xb'aan xch'e'b'al li loq'laj eechej re li artal: laj Aharón ut eb' li ralal te'xk'e xk'anjel li junjunq ut te'xye reheb' k'aru te'xk'am.

Levítico 23:27

“Li xlaje kutan re ajwi' li xwuq po, a'anaq xkutankil li kuyuk sachok maak. Tento taawanq jun eeloq'laj ch'utam, tex'ayuuniq ut teek'at junaq eemayej sa' xk'ab'a' li Qaawa'.

Levítico 16:13

tixk'e li k'ajpom sa' ru xam chiru li Qaawa', ut li xsib'el taanujaq chirix li xtz'apb'al xb'een li Loq'laj Kaax re naq ink'a' taakamq.

Levítico 8:35

Jo'kan naq laa'ex tento texkanaaq chi kutan ut chiru li q'oqyink sa' rokeb'aal li Loq'laj Muheb'aal, chiru wuqub' kutan. Teepaab' li xchaq'rab' li Qaawa' ut ink'a' texkamq, xb'aan naq a'an a'in linchaq'rab'inkil”.

Hebreos 6:19

Li qoyb'enihom, a'an kama' jun li ankla cho'q re li qaanm, kaw rib' ut ink'a' na'eek'ank sa' xna'aj; na'ok toj junpak'al li t'ikr

Hebreos 9:5

Sa' xb'een li loq'laj Kaax wankeb' li kerubín: a'aneb' aj k'anjel chiru li xloq'al li Yos, ut neke'xmuheela li na'ajej re li kuyuk maak. Ab'an moko xhonalil ta anaqwan ch'olob'ank chirix a'in.

Apocalipsis 15:8

Ut li santil ochoch kinujak rik'in xsib'el li xloq'al ut li xwankil li Yos: maa'ani naruhank chi ok sa' li santil ochoch toj te'raqe'q li wuqub' chi rahilal wankeb' rik'in li wuqub' chi ánjel.

Números 4:5

Naq li tenamit te'xjal xna'ajeb', laj Aharón ut eb' li ralal te'isinq li t'ikr chire li Loq'laj Na'ajej ut chiru a'an te'xtz'ap ru li Loq'laj Kaax.

1 Reyes 6:16

Jo'kan ajwi', chirix li rochoch li Qaawa', kixtz'api ru li xna'aj li q'axal Sant rik'in tz'alamche' yaw, chalen chiru ch'och' toj chiru li tz'amb'a: a'an numenaq oob' moqoj li ru.

Levítico 16:34

“A'an a'in jun li chaq'rab' xaqxooq xwankil chi junelik cho'q eere: jun sut sa' li chihab' taawanq li mayejak re xtojb'al rix chixjunileb' li xmaakeb' laj Israel”. Ut ki'uxmank jo' chanru kixye li Qaawa' re laj Moisés.

Números 18:7

A'ut laa'at ut eb' laawalal laa'exaq laj tij sa' chixjunil li na'uxmank chiru li artal malaj sa' li k'anjel na'uxmank junpak'al li t'ilkem. Xink'e eere wank cho'q aj tij jo' jun eemaatan. Wi junaq li maawa' aj tij taajiloq chi k'anjelak cho'q aj tij, taakamsiiq”, chan li Qaawa'.