Levítico 15:5 - Q'eqchi Bible

⁵ “Yalaq ani taach'e'oq re li na'ajej b'arwi' xyoklaak li winq yaj, tento tixpuch' li raq' ut taa'atinq, ut muxb'il ru taakanaaq toj reetal taa'ok li q'oqyink.

Li Santil hu

⁵ Ut muxbilak ru li ani ta̱chꞌeꞌok re li cuarib aꞌan. Tento nak ta̱ati̱nk ut tixpuchꞌ li rakꞌ ut muxbil ru ta̱cana̱k toj ta̱oc li kꞌojyi̱n.

Levítico 15:5 ပူးပေါင်းရင်းမြစ်များ

Levítico 11:25

“Yalaq ani tixwaklesi li kamenaq xul a'in, tento tixpuch' li xb'aatal ut taakanaaq chi muxb'il toj taa'ok li q'oqyink.

Levítico 17:15

“Yalaq ani sa' xyanqeb' laj Israel malaj aj ab'l tenamit taatzekanq re xtib'el kamenaqil xul malaj ut t'upinb'il xb'aan junaq josq' aj xul, tento tixpuch' li raq' ut taa'atinq. Ut taayeemanq naq tz'ajn ru toj reetal taa'ok li q'oqyink. Toj moqon chik taakanaaq chi ch'ajob'resinb'il.

Levítico 16:26

ut li ani xk'amok re li chib'aat re xkanab'ankil chaq re laj Asasel, tixpuch' li raq' ut taa'atinq; toja' naq taaruuq taa'ok sa' li na'ajej.

Apocalipsis 7:14

Kinchaq'ok chiru: “Wa', laa'at nakatnawok re”, chankin re. Ut a'an kixye: “A'aneb' a'in li xe'chalk chaq sa' li xnimal rahilal; xe'xpuch' li raq'eb' ut xe'xsaqob'resi sa' li xkik'el li Karneer.

Santiago 4:8

Jilonqex chi xk'atq li Yos, ut a'an taajiloq chek'atq. Ex aj maak, ch'ajomaq leeruq'. Laa'ex li nachalk naxik leek'a'uxl, ch'ajob'resihomaq leech'ool.

Hebreos 10:22

Jiloqo b'i' chi xk'atq chi anchal qach'ool, chi anchal qapaab'aal, ch'ajob'resinb'ilaq li qach'ool chiru li ink'a' us ut ch'ajb'ilaqo rik'in saq ru ha'.

Hebreos 9:26

Wi ta kixmayeja rib' naab'al sut, tento raj naq naab'al sut kixk'ul li rahilal chalen sa' xk'ojlajik chaq li ruuchich'och'. Ab'an a'an jun sut ajwi' kixk'ut rib', sa' xtz'aqlojik ru li kutan, re xsachb'al xwankil li maak rik'in xmayejankil rib'.

Hebreos 9:14

ma toja' ta chik li xkik'el li Kriist li kixyeechi'i rib' chiru li Yos chi maak'a' xmuxul sa' xk'ab'a' li junelik Musiq'ej? Relik chi yaal naq li xkik'el li Kriist tixch'ajob'resi li qak'a'uxl chiru li qakamenaqil k'anjel, re naq took'anjelaq chiru li yo'yookil Yos!

Ezequiel 36:29

Texinkol chiru chixjunil leemaa'usilal; tink'e chi tamk li triiw ut ink'a' chik texink'e chi kuyuk tz'okaak.

Ezequiel 36:25

Texinkirkisi chi chaab'il ha', ut ch'ajob'resinb'il chik texkanaaq; twisi eerik'in chixjunil leemaa'usilal ut texinch'ajob'resi re naq ink'a' chik teeloq'oniheb' li jalanil yos.

Isaías 22:14

Toja' naq li Qaawa', li Nimajwal Yos, xye we: “Li maak a'in ink'a' taakuymanq toj reetal toxexkamq”, chan li Nimajwal Yos.

Isaías 1:16

Tuqub'omaq leeyu'am, ch'ajob'resiiq eerib', isihomaq chiwu leemaa'usilal ut kanab'omaq xb'aanunkil li ink'a' us!

Salmos 51:7

Chak'e reetal naq sa' maak xinyo'laak, ak aj maakin ajwi' chaq naq xinsiyaak rik'in linna'.

Salmos 51:2

naq kiq'use'k xb'aan laj Natán li propeet, xb'aan naq kixmux rib' rik'in lix Betsabé.

Salmos 26:6

Ninch'aj li wuq' re xk'utb'al naq maak'a' inmaak, ut ninsutyan chi xk'atq laa'artal, at Qaawa'.

Números 19:22

Ut chixjunil li taach'e'eq xb'aan junaq muxb'il ru, muxb'ilaq chik ru taakanaaq; ut li ani taach'e'oq re li muxb'il ru, muxb'ilaq ru chalen toj ewu”.

Números 19:10

Li ani xxokok re xchahil li wakax tixpuch' li raq', ut muxb'ilaq chalen toj ewu. A'an a'in jun chaq'rab' chi junajwa cho'q reheb' laj Israel, jo' ajwi' cho'q reheb' laj ab'l tenamit li wankeb' sa' xyanqeb'.

Levítico 16:28

Li poyanam li taak'atoq re a'in, tento tixpuch' li raq' ut taa'atinq; toja' naq taaruuq chi ok sa' li na'ajej.

Levítico 14:27

ut rik'in li ru'uj li xnim uq' tixrachrachi li aseeyt chiru li Qaawa' wuqub' sut.

Levítico 13:34

Sa' xwuq li kutan laj tij taaril wi' chik li ra, ut wi ink'a' xpukank chi moko cham okenaq sa' xtib'el, laj tij tixye naq ink'a' muxb'il li yaj a'an, ut a'in tixpuch' li raq' ut taakanaaq chi ch'ajob'resinb'il ru.

Levítico 13:6

Sa' xwuq li kutan taaril wi' chik, ut wi li yajel yo chi sachk ut ink'a' xjek'i rib' chiru xtz'uumal, toja' naq laj tij tixye naq saq chik ru li yaj: a'an yal jun katzkatzil xox chiru li xtz'uumal. Li yaj tixpuch' li raq' ut ch'ajob'resinb'il chik taakanaaq.

Levítico 11:32

“Taakanaaq ajwi' chi muxb'il li k'a'aq re ru b'arwi' taat'ane'q junaq kamenaq xul xkomoneb' a'an: mare sa' xb'een junaq che', junaq aq'ej, k'a'aq re ru yiib'anb'il rik'in tz'uum, junaq koxtal malaj junaq k'anjelob'aal. Tento xk'eeb'al sa' ha' ut taakanaaq chi muxb'il toj reetal taa'ok li q'oqyink; chirix chik a'an taakanaaq wi' chik chi saq ru.

Levítico 11:28

Ani tixwaklesi junaq kamenaq xul xkomoneb' a'an, tento tixpuch' li raq' ut taakanaaq chi muxb'il toj reetal taa'ok li q'oqyink: a'an yib' aj xuleb' cho'q eere.

Éxodo 19:10

kiyehe'k re: “Ayu rik'ineb' li tenamit ut chataqlaheb' chi xsantob'resinkil rib' chiru li kutan a'in jo' ajwi' wulaj; xpuch'aqeb' li raq'

Levítico 15:4

“Chixjunil li warib' taayoklaaq wi' li winq a'an ut b'arwi' taahoye'q xpojkil li xtz'ejwal, a'an muxb'ilaq ru. “Yalaq k'aru sa' aj b'een taahilanq li winq a'an, muxb'ilaq ru.

Levítico 15:6

“Yalaq ani taachunlaaq chiru li k'a'aq re ru b'arwi' xchunlaak li winq a'an, tento tixpuch' li raq' ut taa'atinq rik'in ha', ut muxb'il taakanaaq toj reetal taa'ok li q'oqyink.

1 Samuel 20:26

Sa' li kutan a'an maak'a' kixye laj Saúl, xb'aan naq kixk'oxla: “Mare wank k'aru xk'ulum laj David. Mare muxb'il ru ut maji' naxch'ajob'resi rib'”.

Levítico 11:24

“Rik'ineb' li xul a'in laa'ex teetz'ajni eerib': ani tixch'e' junaq kamenaq xul, a' yaal b'arwan reheb' li xul a'in, taakanaaq chi muxb'il toj reetal taa'ok li q'oqyink.

Levítico 15:18

“Wi junaq winq ut junaq ixq te'wanq chirib'ileb' rib', chi xkab'ichaleb' tento te'atinq ut te'kanaaq chi muxb'il ru toj reetal taa'ok li q'oqyink.