Levítico 15:31 - Q'eqchi Bible

³¹ ut chi jo'kan laa'ex teerisiheb' laj Israel rik'in li xtz'ajnileb', re naq ink'a' te'kamq chi xtz'ajninkil li na'ajej b'arwi' wankin sa' xyanqeb'”.

Li Santil hu

³¹ La̱ex te̱ye reheb laj Israel nak teꞌxba̱nu li chakꞌrab aꞌin re nak incꞌaꞌ muxbilak ruheb nak teꞌcha̱lk saꞌ lin tabernáculo li cuan saꞌ xya̱nkeb. Cui teꞌxmux ru lin tabernáculo teꞌca̱mk.

Levítico 15:31 ပူးပေါင်းရင်းမြစ်များ

Números 19:20

Ab'an li winq li xkanaak chi muxb'il ru ut ink'a' xch'ajob'resi rib', a'an taa'isiiq sa' xyanq li komonil, xb'aan naq xmuxum li xLoq'laj Na'aj li Qaawa'. Ink'a' xkirkiriik sa' li osob'tesinb'il ha': jo'kan naq muxb'il ru taakanaaq.

Ezequiel 5:11

“Laa'in li Qaawa', li yo'yookil Yos, ninxaqab' xwankil li waatin naq laa'ex xesach xloq'al linsantil ochoch rik'in leetz'i'b'eetalil yos ut rik'in leeyib' aj b'aanuhom; jo'kan naq tinsach eeru chi maajun tintoq'ob'a ru sa' eeyanq chi moko tinkuy xmaak.

Números 19:13

Chixjunil li taach'e'oq junaq kamenaq ut ink'a' tixch'ajob'resi rib', tixmux xloq'al li xLoq'laj Muheb'aal li Qaawa'. Li winq a'an taa'isiiq sa' xyanqeb' laj Israel, xb'aan naq maji' xkirkiriik chi osob'tesinb'il ha': a'an muxb'il ut toj wank sa' xb'een li xmuxulal.

Ezequiel 23:38

Ut moko ka'aj ta wi' a'an ke'xb'aanu we, ke'xmux aj b'an wi' linloq'laj ochoch sa' jun chi kutan ut ink'a' ke'roxloq'i linhilob'aal kutan.

Números 5:3

Taawisiheb' sa' li na'ajej, a' yaal ma winq malaj ixq; taawisiheb' sa' li na'ajej a'in re naq ink'a' te'xmux li xmuheb'aaleb' b'arwi' wankin sa' xyanqeb'”, chan.

San Judas 1:4

Xb'aan naq wankeb' li xe'xch'ik rib' sa' eeyanq chi muqmu. Eb' a'in, chalen chaq junxil, ak xaqab'anb'il chaq li tojb'amaak sa' xb'eeneb'. Maak'a'eb' xpaab'aal; neke'xsutq'isi li rusilal li qaYos chi jo'maajo'il na'leb' ut neke'xtz'eqtaana li Jesukriist, li Qaawa' ut laj Eechal qe li jun chirib'il.

Hebreos 10:29

Ma ink'a' nekek'oxla naq numtajenaq chik ra tixk'ul li ani xyeq'i sa' roq li Ralal li Yos, a' li xtz'eqtaana xkik'elil li Sumwank li xsantob'resiik wi', jo' ajwi' xmajewa li Musiq'ej nak'ehok li usilal?

1 Corintios 3:17

Wi ani naxjuk' li rochoch li Yos, a' ajwi' li Yos taajuk'uq re a'an, xb'aan naq li rochoch li Yos a'an sant ut a'anex laa'ex.

Ezequiel 44:23

“Eb' laj tij te'xtzol lintenamit chirix li k'aru jwal loq' ut li ink'a' loq'; chirix li k'aru saq ru ut li ink'a' saq ru.

Daniel 9:27

Li xnimal ru winq a'an tixk'ojob' jun sumwank rik'in naab'aleb' li poyanam yal chiru jun xamaan; ab'anan sa' xyi li xamaan tixsach xwankil li k'atok mayej jo'wi' li mayejak, ut a' chik li xnimal tz'i'b'eetal taak'ehe'q sa' xb'een xtaqeq'il li rochoch li Yos, toj reetal naq li tojb'amaak ak yeeb'il xb'aan li Yos taachalq sa' xb'een laj sachonel»”.

Salmos 66:18

Wi ta wank li maa'usilal sa' li waanm, ink'a' raj xinrab'i li Qaawa'.

Deuteronomio 24:8

“K'e reetal li yajel saqlep; chapaab' ut chab'aanu chixjunil li k'aru neke'xye eb' laj tij aj Leví. Chak'e aach'ool chi xk'anjelankil jo'ch'inal jo'nimal xinye reheb'.

Levítico 21:23

ab'anan ink'a' naru taa'ok junpak'al li t'ilkem chi moko chinach'oq rik'in li artal, re naq ink'a' tixmux ru li Loq'laj Na'ajej. Laa'in li Qaawa', li ninsantob'resink reheb'”.

Levítico 20:3

Laa'in tinjosq'o'q sa' xb'een li winq a'an ut twisi sa' xyanqeb' li rech tenamitul, xb'aan naq xmux linLoq'laj Na'ajej ut xtz'eqtaana linsantil k'ab'a' rik'in xq'axtesinkil li ralal re laj Molok.

Levítico 19:30

“Cheroxloq'iiq li kutan sábado ut chek'e xloq'al linLoq'laj Na'aj. Laa'in li Qaawa'.

Levítico 13:59

A'an a'in li chaq'rab' chirix li saqlep li nawank chiruheb' li aq'ej yiib'anb'il rik'in tuuxnoq' malaj liin, malaj chiruheb' li kemb'il t'ikr malaj ut chiruheb' li k'a'aq re ru yiib'anb'il rik'in tz'uum, re naq taaruuq xyeeb'al naq muxb'ileb' malaj ut ink'a' muxb'ileb'.

Levítico 11:47

re naq teek'e reetal b'ar wank li chaab'il xul ut li yib' aj xul, b'ar wank li xul naru xtzekankil ut li ink'a' naru xtzekankil.

Levítico 15:32

A'an a'in li chaq'rab' chirixeb' li winq neke'xya'ali rib' li xtz'ejwal malaj nahoye'k riyajileb', ut neke'kanaak chi muxb'ileb' ru.

1 Samuel 3:14

Jo'kan naq xinye li waatin naq li xmaa'usilal li xjunkab'al laj Elí maajoq'e truuq taakuymanq rik'in mayejak chi moko rik'in yeechi'ink”, chan li Yos.

Ezequiel 36:17

“At kaamel winq, naq eb' laj Israel wankeb' chaq sa' li xch'och'eb', ke'xmux li na'ajej rik'in li xyehom ut xb'aanuhomeb'; ke'xtz'ajni li xna'ajeb' jo' li xpuch'unik junaq ixq.