Levítico 15:13 - Q'eqchi Bible

¹³ “Wi li winq a'an taak'iraaq, tento taaroyb'eni wuqub' kutan chik; tixpuch' li raq' ut taa'atinq rik'in ha' na'elk chaq sa' yo'leb'aal ha', ut chi jo'kan taakanaaq chi ch'ajob'resinb'il.

Li Santil hu

¹³ Nak ac xqꞌuira li cui̱nk ut incꞌaꞌ chic na-el xyaꞌal lix tzꞌejcual, tento ta̱roybeni cuukub cutan. Tento nak ta̱ati̱nk ut tixpuchꞌ li rakꞌ riqꞌuin haꞌ li x-el saꞌ junak li yuꞌam haꞌ re nak incꞌaꞌ chic muxbilak ru.

Levítico 15:13 ပူးပေါင်းရင်းမြစ်များ

Levítico 14:8

“Ani tixch'ajob'resi rib' tento tixpuch' li raq', tixch'aj rib' xjunes ut tixjo chixjunil li rismal, re naq taakanaaq chi ch'ajob'resinb'il. Chirix chik a'an taaruuq chi ok sa' li tenamit, ab'an toj wuqub' kutan chik tento twanq chirix li xmuheb'aal.

Levítico 8:33

ut mex'elk chire li rokeb'aal li Loq'laj Muheb'aal chiru wuqub' kutan, toj reetal taaraqe'q li wuqub' chi kutan naxk'am leerosob'tesinkil.

Levítico 15:28

“Naq taaraqe'q chi kub'eek li xkik'el, tento taaroyb'eni wuqub' kutan ut taakanaaq chi ch'ajob'resinb'il.

Levítico 15:5

“Yalaq ani taach'e'oq re li na'ajej b'arwi' xyoklaak li winq yaj, tento tixpuch' li raq' ut taa'atinq, ut muxb'il ru taakanaaq toj reetal taa'ok li q'oqyink.

Apocalipsis 1:5

ut sa' xk'ab'a' li Jesukriist, laj ch'olob'anel xyaalal, li paab'ajel, li xb'een li kiwakliik chi yo'yo sa' xyanqeb' li kamenaq, li nim xwankil sa' xb'eeneb' chixjunil li awab'ej re li ruuchich'och'. A'an narahok qe ut kooxch'ajob'resi chiru li qamaak rik'in li xkik'el.

Santiago 4:8

Jilonqex chi xk'atq li Yos, ut a'an taajiloq chek'atq. Ex aj maak, ch'ajomaq leeruq'. Laa'ex li nachalk naxik leek'a'uxl, ch'ajob'resihomaq leech'ool.

2 Corintios 7:1

Ex was wiitz'in raarookex inb'aan, qe laa'o yeechi'inb'il chaq chixjunil a'an. Jo'kan naq qach'ajob'resiiq qib', qisihaq chixjunil li tz'ajnil wank chiqix ut li xtz'ajnil li musiq'ej, qoxloq'iiq li Yos ut qatz'aqob'resiiq ru li qasantilal.

Jeremías 33:8

Twisi chixjunil li xmaakeb' li xe'xb'aanu ut tinkuy chixjunil li maa'usilal xine'xtz'eqtaana wi' naq xe'xq'etq'eti rib' chiwu.

Números 12:14

Kichaq'ok li Qaawa' ut kixye re laj Moisés: “Wi ta li xyuwa' xchuub'a xnaq' ru lix María, ma ink'a' raj tento tixmuq rib' wuqub'aq kutan xb'aan xxutaan? Isihomaq b'i' lix María sa' eeyanq chiru wuqub' kutan; toja' naq teek'ul wi' chik eerik'in”, chan.

Levítico 14:10

Sa' xwaqxaq li kutan tixchap wiib'aq li karneer li maak'a'eb' xyajel ut junaq ixqi karneer aj jun chihab', li maak'a'aq reek'. Tixchap ajwi' kaalaju liib'r li k'aj triiw li jwal chaab'il, cho'q mayej k'aj, yoq'inb'il rik'in aseeyt.

Levítico 9:1

Waqxaqib' kutan chik chirix a'an, laj Moisés kixb'oq laj Aharón ut eb' li ralal xk'ajol, jo' eb' ajwi' li xcheekelaleb' laj Israel.

Éxodo 29:37

Chiru wuqub' kutan tatmayejaq chi kama'an sa' xb'een li artal ut taasantob'resi; chi jo'kan li artal taakanaaq chi q'axal loq': chixjunil li taach'e'oq re li artal, santob'resinb'ilaq chik a'an.

Éxodo 29:35

“B'aanu b'i' re laj Aharón ut reheb' li ralal li xatinchaq'rab'i chi xb'aanunkil. Chiru wuqub' kutan b'aanu li k'anjel a'in re xxaqab'ankileb' cho'q aj tij.