Levítico 14:12 - Q'eqchi Bible

¹² Chirix a'an tixchap junaq reheb' li karneer ut tixyeechi'i rochb'een b'ayaq aseeyt, jo' jun mayej re xtojb'al rix li maak, ut tixq'axtesi chiru li Qaawa'.

Li Santil hu

¹² Tixchap jun li carner te̱lom laj tij ut tixchap li aceite. Tixtaksi chiru li Ka̱cuaꞌ ut tixmayeja joꞌ li mayej nequeꞌxqꞌue nak nequeꞌxkꞌet lix chakꞌrab li Ka̱cuaꞌ.

Levítico 14:12 ပူးပေါင်းရင်းမြစ်များ

Éxodo 29:24

Taak'e chixjunil a'in sa' ruq' laj Aharón ut eb' li ralal xk'ajol, re naq taaninq'ehi chiru li Qaawa' li xq'axtesinkil li mayej a'in.

Isaías 53:10

Li Qaawa' xraj xrahob'tesinkil ut xtawasinkil rik'in rahilal, ut laj k'anjel tiik xch'ool xmayeja rib' re xtojb'al rix li maak. Jo'kan naq taanajto'q roq li xyu'am, toxrileb' li ralal xk'ajol ut sa' xk'ab'a' A'an taatz'aqloq ru li rajom li Yos.

Éxodo 29:22

“Toja' naq taachap xxeeb'ul li karneer a'in: li xye, li xeeb' li wank chirix li xk'amk'ot, li wank chi xk'atq li xsaaseb', xkab'ichaleb' li xkenq' ut li xeeb' li wank chirixeb', jo' ajwi' li ra' li wank sa' xnim, xb'aan naq a'an mayejanb'il karneer sa' xk'ab'a' li rokikeb' cho'q aj tij.

Éxodo 29:26

“Taachap ajwi' li re xmaqab' li karneer ut chaninq'ehi li xxaqab'ankil laj Aharón cho'q aj tij, ut taaweek'asi jo' eek'asinb'il mayej chiru li Qaawa': a'an taakanaaq cho'q aawe.

Levítico 14:10

Sa' xwaqxaq li kutan tixchap wiib'aq li karneer li maak'a'eb' xyajel ut junaq ixqi karneer aj jun chihab', li maak'a'aq reek'. Tixchap ajwi' kaalaju liib'r li k'aj triiw li jwal chaab'il, cho'q mayej k'aj, yoq'inb'il rik'in aseeyt.

Levítico 14:11

Laj tij li tb'aanunq re li ch'ajob'resink, tixk'e li poyanam li taach'ajob'resimanq, rochb'een chixjunil li k'aru re, sa' rokeb'aal li Loq'laj Muheb'aal, chiru li Qaawa'.

Levítico 14:19

Toja' naq laj tij tixq'axtesi li mayej chirix li maak, ut chi jo'kan taach'ajob'resimanq li muxb'il ru. Chirix chik a'an tixmayeja li xul li taayeechi'imanq jo' k'atb'il mayej.

Levítico 5:15

“Li poyanam taamaakob'q chi ink'a' rajom xch'ool ut taak'utunq naq wank xmaak xb'aan naq xb'alaq'ik sa' li k'a'aq ru jwal loq' chiru li Qaawa', tento tixchap chaq junaq reheb' li xkarneer li maak'a' reek', tixk'e cho'q xmayej re xtojb'al rix li xmaak, ut tixk'am chiru li Qaawa'. Li xtz'aq li karneer tento xb'irb'al rix chi plaat, jo' tz'aqal neke'b'isok sa' li Loq'laj Na'ajej b'arwi' na'uxk li mayejak chirix li maak.