Levítico 13:45 - Q'eqchi Bible

⁴⁵ “Ani saqlep rix, tento twanq chi q'ichb'ilaq li raq' ut ink'a' lanb'ilaq li xjolom; ka'ajwi' tixtz'ap b'ayaq li xnaq' ru ut tixjap re chi xyeeb'al: «Muxb'ilin! Muxb'ilin!», cha'aq.

Li Santil hu

⁴⁵ Li ani saklep rix ta̱rocsi li rakꞌ pejel ut incꞌaꞌ tixtzꞌap xjolom. Tixtzꞌap li ru ut tixjap re chixyebal “Saklep cuix. Incꞌaꞌ chic usin.”

Levítico 13:45 ပူးပေါင်းရင်းမြစ်များ

Miqueas 3:7

Eb' laj ilol sa' moy u ut eb' laj q'e te'kanaaq sa' xutaan ut te'se'eeq. Mem te'kanaaq chixjunileb' naq ink'a' te'sumeeq chaq xb'aan li Yos.

Levítico 10:6

Chirix chik a'an laj Moisés kixye re laj Aharón ut reheb' li ralal, a' laj Elehasar ut laj Itamar: “Meehit leerismal chi moko teeq'ich leeraq' re xk'utb'al xrahil eech'ool. Mare anchal texkamq ut taachalq xjosq'il li Yos sa' xb'een li komonil. Li tento te'yaab'aq wi' leerech aj Israelil, a'an: naq xraho'k xch'ool li Qaawa' ut xtaqla chaq li xam.

Ezequiel 24:17

Maak'ut xrahil laawaanm, yalaq kuy li rahilal chirix li kamenaq: b'at laajolom sa' t'ikr, k'e laaxaab' chawoq; maatz'ap li xnaq' aawu, chi moko taawa' li xwahil li rahil ch'oolej”.

Lamentaciones 4:15

“Elenqex, ayuqex -chu'uxk reheb'-; muxb'il ruheb', meech'e'eb'!”. “Aj b'eeneleb' ut yookeb' chi elelik. Maajoq'e naru te'wanq arin”, chankeb' li maak'a'eb' xpaab'aal.

San Lucas 17:12

Ut naq kox'okaq sa' jun li tenamit, lajeeb' chi winq saqlep rixeb' ke'elk chaq chi xk'ulb'al; ke'xaqliik chaq chi najt

Ezequiel 24:22

Ut ye reheb': Laa'ex teeb'aanu jo' xinb'aanu laa'in: ink'a' teemuq li xnaq' eeru chi moko teewa' li xwahil li rahil ch'oolej;

Levítico 21:10

“Li xyuwa'il aj tij ak xk'ulum xwankilal re naq tixtiqib' rib' rik'in loq'laj aq'ej, sa' xk'ab'a' li osob'tesinb'il aseeyt kik'ehe'k sa' xjolom. Jo'kan naq ink'a' naru helhookaq li rismal xjolom chi moko tixq'ich li raq', reetalil naq ra sa' xch'ool;

San Lucas 5:8

Naq kiril a'an laj Simón Pedro, koxkut rib' chi roq li Jesus ut kixye: —Elen chink'atq, at Qaawa', xb'aan naq laa'in jun winq aj maak!

Isaías 64:6

Chiqajunilo laa'o chanchan muxb'il qu, ut li tiikilal naqab'aanu kama' wi' jun li t'ikr tz'ajn ru. Xoot'ane'k chiqajunilo jo' li xxaq li che' naq natz'umaak, ut xook'ame'k xb'aaneb' li qamaak jo' naq na'apunk li kawil iq'.

Isaías 6:5

Ut kinye sa' inch'ool: “Toq'ob' xaq wu, xin'oso'k, xb'aan naq laa'in jun li winq ninye li ink'a' us ut wankin sa' jun tenamit aj maak. Xwil rik'in wu li Awab'ej, a' li Nimajwal Yos!”.

Salmos 51:3

At Qaawa', chawuxtaana wu sa' xk'ab'a' laarahom; xb'aan xnimal aawuxtaan chakuy chasach linmaak,

Joel 2:13

Meepej chik leeraq' ut tehomaq leech'ool chiwu. Sutq'inqex wi' chik rik'in li Qaawa' leeYos, xb'aan naq A'an aj uxtaan ut q'un xch'ool, ink'a' najosq'o'k chi junpaat ut q'axal narahok; jwal ra nareek'a xb'aanunkil li rahilal.

Jeremías 36:24

Ab'anan li awab'ej ut eb' laj jolominel tenamit ink'a' b'ayaq ke'xiwak chi moko ke'xq'ich li raq'eb' naq ke'rab'i chixjunileb' li aatin a'an.

Jeremías 3:25

Qakub'siiq b'i' li qawankil xb'aan qaxutaan, ut chookanaaq chi maak'a' chik qaloq'al, xb'aan naq xoomaakob'k chiru li Qaawa' li qaYos, chalen chaq sa' li qasaajilal, laa'o ut eb' li qana' qayuwa'. Ink'a' xoo'ab'ink chiru li Qaawa' li qaYos”.

Salmos 51:5

Ninnaw chi us naq xinq'et laawaatin, rajlal nanaqk sa' inch'ool li maak xinb'aanu.

Li xHu LAJ JOB 42:6

Jo'kan naq naraho'k ut nayot'e'k linch'ool; sa' li pojtz' ut cha tintoj rix linmaak”.

Li xHu LAJ JOB 1:20

Toja' naq kixaqliik laj Job, kixq'ich li raq' ut kixjo li xjolom. Chirix chik a'an kiwiq'laak, kixchunub' rib' chiru ch'och'

2 Samuel 13:19

Ab'anan naq wank chik sa' b'e, kixk'e cha sa' xjolom ut kixq'ich li xchaab'il jut-aq' li wank chirix. Chirix chik a'an kixtikib' yaab'ak, kixk'e li ruq' sa' xjolom ut chajcho re naq koho.

Génesis 37:29

Naq kisutq'iik chaq laj Rubén ut kiril naq maa'ani chik laj José sa' li kumb', kixq'ich li raq'

Isaías 52:11

Jo'kan naq elenqex, elenqex ut kanab'omaq Babilonia! Meech'e' li k'a'aq re ru tz'ajn ru. Elenqex chaq sa' li tenamit a'an! Ch'ajob'resiiq eerib' laa'ex li nekexk'amok li xsahil eechej li Qaawa'.

Levítico 13:44

li winq a'an saqlep rix, xb'aan naq wank xyajel sa' li xjolom. A'an jun li winq tz'ajn ru li xtib'el, ut jo'ka'in tixye resil laj tij.

2 Reyes 7:3

Chire rokeb'aal li tenamit wankeb' kaahib' chi winq saqlep rixeb', ut ke'xye chirib'ileb' rib': “K'aru naqab'aanu arin chi chunchu royb'eninkil qakamik?

Números 5:2

“Taqlaheb' laj Israel chi risinkil sa' xna'aj li xmuheb'aaleb' li poyanam chixjunileb' li saqlep rixeb', eb' li neke'ya'alunk xtz'ejwaleb' ut chixjunil li xmuxumeb' rib' chi ch'e'ok kamenaq.