Levítico 13:3 - Q'eqchi Bible

³ Laj tij taaril chi us li xtz'uumal: wi ak xsaqo'k li rismal chiru li ra ut li yajel cham wank sa' li tib'elej, ch'olch'o naq a'an saqlep. Ut laj tij taaril ut tixye naq muxb'il li poyanam a'an.

Li Santil hu

³ Laj tij ta̱ril chi us li ra. Cui sak chic li rismal chiru lix ra ut cui cham xsaꞌ, aꞌan saklep rix ut laj tij tixye nak muxbil ru.

Levítico 13:3 ပူးပေါင်းရင်းမြစ်များ

Apocalipsis 2:23

Tinq'axtesiheb' li ralal xk'ajol chi kamk. Chi jo'kan chixjunileb' li Iklees te'xnaw naq laa'in li nintz'ili li xch'ooleb' ut li xk'a'uxeb'. Tink'e eere chejunjunqal jo' chanru leeb'aanuhom.

Hebreos 13:7

Jultikaq eere eb' laj k'amol eeb'e li ke'ch'olob'ank raatin li Yos cheru. Chek'ehaq reetal chanru xo'raqe'q wi' li xyu'ameb', ut k'amomaq eere rik'in li xpaab'aaleb'.

2 Timoteo 3:13

A'ut eb' laj maak ut eb' laj b'alaq' taanumtaaq li xmaa'usilaleb', yooqeb' chi b'alaq'ink ut yooqeb' ajwi' chi b'alaq'iik.

1 Timoteo 1:20

Sa' xyanqeb' a'an wankeb' laj Himeneo ut laj Alejandro; a'ut laa'in ak xinq'axtesiheb' sa' ruq' laj tza re naq te'xtzol naq ink'a' raj xe'xmajewa li Yos.

Romanos 7:7

K'aru tqaye chi jo'kanan? Ma maak li Chaq'rab'? Ink'a'. Ab'anan laa'in ink'a' raj xinnaw li maak wi maak'a' ta li Chaq'rab'. Relik chi yaal naq ink'a' raj xinnaw xrahinkil ru li ink'a' us wi ta ink'a' naxye li Chaq'rab': “Maarahi ru li ink'a' us”.

Hechos 20:28

Cherilaq eerib' jo' ajwi' cherilaqeb' chixjunil li karneer li xaqab'anb'ilex wi' xb'aan li Santil Musiq'ej cho'q aj k'aak'alehom reheb'. Cheb'eresi li x'Iklees li Yos li kixloq' rik'in xkik'el li Ralal.

San Juan 20:23

Eb' li teekuy teesach li xmaakeb', kuyb'ilaq sachb'ilaqeb' li xmaak; eb' li ink'a' teekuy teesach li xmaakeb', ink'a' ajwi' kuyb'ilaq sachb'ilaqeb' li xmaak.

San Mateo 16:19

Tink'eheb' aawe li xlaawil li xnimajwal wankilal li choxa: li taab'ak' sa' ruuchich'och', b'ak'b'ooq ajwi' sa' choxa, ut li taahit sa' ruuchich'och', hithooq ajwi' sa' choxa.

Malaquías 2:7

“Ex aj tij, laa'ex li xtaql li Nimajwal Yos. Leek'anjel laa'ex, a'an xk'utb'al li Chaq'rab' chiruheb' li poyanam, ut chixjunileb' tento te'xsik' eerik'in li chaab'il na'leb'.

Hageo 2:11

“Sa' xk'ab'a' li Nimajwal Yos patz' reheb' li xyuwa'ileb' laj tij chirix li Chaq'rab':

Oseas 7:9

Jalaneb' xtenamit yookeb' chi tawasink reheb' chi ink'a' neke'xk'e reetal a'an. K'ajo' naq xe'saqo'k li rismaleb' xjolom chi ink'a' neke'xnaw!

Ezequiel 44:23

“Eb' laj tij te'xtzol lintenamit chirix li k'aru jwal loq' ut li ink'a' loq'; chirix li k'aru saq ru ut li ink'a' saq ru.

Ezequiel 16:30

«Tik moko chaab'il ta laayu'am -chan li Qaawa'- re xb'aanunkil li k'iila maa'usilal nakab'aanu, numtajenaq wi' chik chiru junaq aj yumb'eet.

Levítico 13:2

“Wi junaq wank xyajel li xtz'uumal, mare saqijoj, mare siip, mare saqchip li nak'utunk chiru li xtib'el, malaj ut chanchan saqlep li wank chirix, tento taak'ame'q rik'in laj Aharón laj tij malaj ut rik'in junaq reheb' li ralaleb'.

Levítico 10:10

Chi jo'kan teenaw b'arwan li k'aru santob'resinb'il ut li ink'a' santob'resinb'il, li k'aru us ut li ink'a' us,

Génesis 13:3

Ki'elk chaq Nejeb ut chi kok' hiil kiwulak Betel, toj sa' li na'ajej kiwank wi' xb'enwa sa' xyanq Betel rik'in Ay,

Levítico 13:4

“Wi ut saq li sal wank chiru li tib'elej, ab'an ink'a' jwal cham okenaq sa' li tib'elej, chi moko li ismal xsaqo'k xb'aan, laj tij tixtz'ap li yaj ut a'in taakanaaq xjunes chiru wuqub' kutan.

Levítico 5:3

“Wi junaq tixch'e' xtz'ajnil poyanam, yalaq k'aru li namuxuk, ab'an ink'a' xk'e reetal sa' li honal a'an, li poyanam a'an wank xmaak, wi moqon tixk'e reetal naq ink'a' us xb'aanu.

Levítico 13:8

Laj tij taaril chi us li yaj ut wi ak xpukank li katzkatz chiru chixjunil li xtz'uumal, laj tij tixye naq muxb'il chik li yaj, xb'aan naq wank saqlep chirix.

Levítico 13:10

Laj tij taaril chi us: wi saq li xsiipal li tib'elej ut xsaqo'k li rismal, ut nak'utunk li rax tib' chisa' li siip,

Levítico 13:20

Wi laj tij tixk'e reetal naq li ra cham chik x'ok sa' li xtib'el li yaj, ut saq chik li rismal chisa', toja' naq tixye naq muxb'il li poyanam a'an: saqlep li x'elk sa' li xox.

Levítico 14:37

“Wi sa' rilb'al li ochoch laj tij tixk'e reetal naq li xtz'akul li kab'l wank tz'ajn chiru ut ch'am okenaq chisa' li tz'ak, raxrax malaj ut kaq na'ilok,

Levítico 14:54

A'an a'in chaq'rab' chirix chixjunil li saqlep ut li sal,

Levítico 14:56

li siip, li kok' xox ut li tz'ajn,