Levítico 12:6 - Q'eqchi Bible

⁶ “Naq akaq xe'nume'k chixjunileb' li kutan re xch'ajob'resinkil rib' chirix xyo'lajik li k'uula'al, us ta teelom malaj ch'ina ixqa'al, li na'b'ej tento tixk'am sa' rokeb'aal li Loq'laj Muheb'aal jun karneer aj jun chihab', re taayeechi'imanq cho'q k'atb'il mayej, ut jun mukuy malaj jun k'ook'ob' cho'q mayej chirix li maak. Tixq'axtesiheb' re laj tij,

Li Santil hu

⁶ Nak ac xeꞌnumeꞌ li cutan re xsantobresinquil rib chirix lix yoꞌlajic lix cꞌulaꞌal, usta te̱lom, usta chꞌina xkaꞌal, li ixk ta̱xic chixqꞌuebal lix mayej re laj tij chiru li oqueba̱l re li tabernáculo. Tixqꞌue jun li carner aj jun chihab chokꞌ re lix cꞌatbil mayej ut tixqꞌue ajcuiꞌ jun li paloma toj sa̱j malaj ut jun li mucuy re nak incꞌaꞌ chic muxbilak ru.

Levítico 12:6 ပူးပေါင်းရင်းမြစ်များ

San Lucas 2:22

Naq kiwulak xq'ehil li xch'ajob'resinkileb' rib', jo' naxye li xChaq'rab' laj Moisés, ke'xk'am li Jesus Jerusalén re xq'axtesinkil sa' ruq' li Qaawa',

Hebreos 7:26

A'an a'in li xyuwa'il aj tij li tz'aqal aajel ru cho'q qe: sant, maak'a' xmaak, maak'a' xmuxul, jek'b'il rik'ineb' laj maak, kitaqsiik toj sa xb'een li choxa.

2 Corintios 5:21

Li Kriist ink'a' xnawom ru li maak, ut A'an kik'ehe'k cho'q maak xb'aan li Yos sa' qak'ab'a', re naq sa' xk'ab'a' li Kriist toowanq sa' li tiikil ch'oolej nachalk rik'in li Yos.

San Juan 1:29

Sa' li kutan jun chik laj Jwan kiril li Jesus yo chi chalk rik'in, ut kixye: “Wahe' li xKarneer li Yos li naxkuy xmaak li ruuchich'och'.

Levítico 15:29

Sa' waqxaq li kutan tixchap wiib'aq mukuy malaj wiib'aq k'ook'ob' ut tixk'am rik'in laj tij sa' rokeb'aal li Loq'laj Muheb'aal.

Números 6:10

Ut sa' xwaqxaq li kutan tixk'am re laj tij wiib' mukuy malaj wiib'aq k'ook'ob', sa' rokeb'aal li Loq'laj Na'ajej.

Levítico 15:14

Sa' xwaqxaq li kutan tixchap chaq wiib'aq mukuy malaj wiib'aq k'ook'ob', ut taaxik sa' rokeb'aal li Loq'laj Muheb'aal chi xq'axtesinkileb' re laj tij chiru li Qaawa'.

Levítico 14:22

wiib'aq mukuy malaj wiib'aq k'ook'ob' (a' yaal naxye ma wank chiru ut malaj ink'a'): jun taamayejamanq chirix li maak ut li jun chik a'anaq k'atb'il mayej.

Levítico 12:2

“Ye reheb' laj Israel: Naq junaq ixq taakanaaq sa' yu'am ut taayo'laaq junaq xch'ina teelom, a'an jun tz'ajnil ixq chiru wuqub' kutan, jo' naq naxk'ul li xpuch'unik rajlal po.

Génesis 15:9

Kixye li Qaawa': “K'am chaq jun li ixqiwakax aj oxib' chihab', jun li ixqichib'aat aj oxib' chihab', jun karneer aj oxib' chihab', jun mukuy ut jun ch'ina uut”.

Levítico 12:5

Wi ut taayo'laaq junaq ch'ina ixqa'al, tz'ajnaq ru li na'b'ej chiru wiib' xamaan, jo' naxk'ul rajlal po, ut yooq ajwi' chi xsaab'esinkil rib' chiru waqib' xkaak'aal kutan chik.

Levítico 12:7

ut laj tij tixyeechi'iheb' chiru li Qaawa' re xtojb'al rix li xmaak li ixq. Chi jo'kan ch'ajob'resinb'il chik taakanaaq li ixq rik'in li xyajel”. A'an a'in li chaq'rab' chirix xyo'lajikeb' li teelom malaj ixqa'al.