Levítico 11:3 - Q'eqchi Bible

³ li neke'xhab'le xka'sutil li xwaheb' ut eb' li xalxo rixi'ijeb' li roqeb'.

Li Santil hu

³ Naru nequetiu xtibeleb li xul li jun xxa̱la rok ut cuib rixiꞌijeb, li nequeꞌxhab xcuaheb xcaꞌ sut.

Levítico 11:3 ပူးပေါင်းရင်းမြစ်များ

2 Corintios 6:17

Jo'kan utan, “elenqex sa' xyanqeb' ut jek'omaq eerib' rik'ineb', chan li Qaawa'. Meech'e' li k'a'aq re ru tz'ajn ru. Toja' naq laa'in texink'ul:

1 Timoteo 4:15

K'e aach'ool chirix chixjunil a'in; chaq'axtesi aawib' chi xb'aanunkil li xinye aawe re naq taak'utunq chiruheb' chixjunil naq yo chi nimank laana'leb' ut laaseeb'al sa' laak'anjel.

Hechos 17:11

Eb' a'in q'axal q'uneb' xch'ool chiruheb' li wankeb' Tesalónika: ke'xk'ulub'a li Aatin chi anchaleb' xch'ool, yookeb' chi xtz'ilinkil xsa' li Santil Hu rajlal kutan re rilb'al ma yaal li naxye laj Pablo.

Proverbios 9:6

Kanab'omaq li xmajelalil eena'leb', ut taawanq eeyu'am; taaqehomaq xb'ehil li seeb'al k'a'uxl”.

Proverbios 2:10

Xb'aan naq toxaataw li choxahil na'leb' ut taayal xsahil li nawok.

Levítico 11:2

“Yehomaq reheb' laj Israel naq chixjunil li xul wankeb' sa' xb'een li ruuchich'och' naru xtzekankileb':

Levítico 11:4

Ab'an ink'a' naru te'xtzeka eb' li xul a'in, us ta neke'xhab'le xka'sutil li xwaheb' malaj xalxo rixi'ijeb' li roqeb': jo' li kameey, xb'aan naq a'an naxhab'le xka'sutil li xwa, ab'an moko xalxo ta rixi'ij li roq. A'anaq tz'ajn aj xul cho'q eere.

Levítico 11:5

“Laj ow, xb'aan naq naxhab'le xka'sutil li xwa, ab'an moko xalxo ta rixi'ij li roq. A'an jun yib' aj xul cho'q eere.

Levítico 11:6

“Li xul chanchan li imul: naxhab'le xka'sutil li xwa, ab'an ink'a' xalxo rixi'ij li roq. A'an jun yib' aj xul cho'q eere.

Levítico 11:7

“Li aaq, xb'aan naq us ta xalxo rixi'ij li roq, ab'anan ink'a' naxhab'le xka'sutil li xwa. A'an jun yib' aj xul cho'q eere.

Levítico 11:26

“Chixjunil li xul li wankeb' rixi'ij roqeb', ab'an ink'a' xalxo chi moko naxhab'le xka'sutil xwa, a'an jun yib' aj xul cho'q eere, ut yalaq ani taach'e'oq re, taakanaaq ajwi' chi muxb'il.

Deuteronomio 14:6

Chixjunil li xul xalxo rixi'jil li roq, a'eb' li xul li ka'sut neke'xhab'le li xwaheb', naru teetzekaheb'.

Deuteronomio 14:8

Jo'kan ajwi' li aaq xalxo rixi'jil li roq, ab'anan ink'a' naxhab'le xka'sutil li xwa: a'anaq ajwi' tz'ajnil xul cho'q aawe. Moko teetzeka ta li xtib'el chi moko teech'e' naq ak kamenaq chik.