Levítico 11:24 - Q'eqchi Bible

²⁴ “Rik'ineb' li xul a'in laa'ex teetz'ajni eerib': ani tixch'e' junaq kamenaq xul, a' yaal b'arwan reheb' li xul a'in, taakanaaq chi muxb'il toj reetal taa'ok li q'oqyink.

Li Santil hu

²⁴ Cuanqueb li xul camenak incꞌaꞌ naru te̱chꞌeꞌ. Cui te̱chꞌeꞌ, te̱mux e̱rib ut muxbil chic ru texcana̱k toj ta̱oc li kꞌojyi̱n.

Levítico 11:24 ပူးပေါင်းရင်းမြစ်များ

1 Juan 1:7

Ab'an wi nokoob'eek sa' li saqenk jo' naq A'an wank sa' li saqenk, nokoowank sa' komonil sa' junajil chiqib'il qib' ut li xkik'el li Jesus li Ralal nokooxch'ajob'resi chiru chixjunil li maak.

Hebreos 9:26

Wi ta kixmayeja rib' naab'al sut, tento raj naq naab'al sut kixk'ul li rahilal chalen sa' xk'ojlajik chaq li ruuchich'och'. Ab'an a'an jun sut ajwi' kixk'ut rib', sa' xtz'aqlojik ru li kutan, re xsachb'al xwankil li maak rik'in xmayejankil rib'.

Colosenses 2:20

Wi eerech kamik li Kriist chiru li ruuchich'och'il na'leb', k'a' put naq leeyu'am kama' wi' li toj wank sa' ruuchich'och', k'a'ut naq nekek'ulub'an eb' li chaq'rab' a'in:

Efesios 5:11

ut mex'okenk chi xb'aanunkil xk'anjel li aak'ab' li maak'a' na'ok wi', jwal us b'an naq teerisi chi kutankil re xjitb'al.

2 Corintios 6:17

Jo'kan utan, “elenqex sa' xyanqeb' ut jek'omaq eerib' rik'ineb', chan li Qaawa'. Meech'e' li k'a'aq re ru tz'ajn ru. Toja' naq laa'in texink'ul:

1 Corintios 15:33

Meeb'alaq'i eerib': “Eb' li yib' aj seeraq' neke'xpo' ru li chaab'il na'leb'”.

Isaías 22:14

Toja' naq li Qaawa', li Nimajwal Yos, xye we: “Li maak a'in ink'a' taakuymanq toj reetal toxexkamq”, chan li Nimajwal Yos.

Levítico 11:31

“Sa' xyanqeb' li k'iila xul wankeb' sa' ruuchich'och', a'anaqeb' yib' aj xul cho'q eere. Yalaq ani taach'e'oq re junaq kamenaq xul xkomoneb' a'an, taakanaaq chi muxb'il toj reetal taa'ok li q'oqyink.

Levítico 11:8

“Ink'a' naru teetiw xtib'eleb' li xul a'in chi moko teech'e' li xb'aqeleb'. A'anaqeb' yib' aj xuleb' cho'q eere.

Levítico 11:23

Ab'an chixjunil jalanil kok' xul kaahib'eb' roq ut wankeb' xxik', tz'eqtaananb'ilaqeb' eeb'aan.

Levítico 11:25

“Yalaq ani tixwaklesi li kamenaq xul a'in, tento tixpuch' li xb'aatal ut taakanaaq chi muxb'il toj taa'ok li q'oqyink.

Levítico 22:4

“Maajun reheb' li ralal xk'ajol laj Aharón taaruuq chi xtzekankil li loq'laj mayej wi wank li yajel saqlep chirix malaj ut naxya'ali rib' li xtz'ejwal, toj b'an tixch'ajob'resi rib'. “Ani taach'e'oq re k'a'aq re ru muxb'il ru yal sa' xk'ab'a' junaq kamenaq malaj tixch'e' junaq li naxya'ali rib' li xtz'ejwal,

Levítico 5:2

“Wi ani tixch'e' junaq k'a'aq re ru tz'ajn ru, qayehaq junaq kamenaq xul tz'ajn ru, us ta xxulel k'iche' malaj xxulel ochoch, malaj ut xkomoneb' li neke'xjukuki rib' chiru ch'och', a'an tixtz'ajni rib' ut taakanaaq li maak sa' xb'een, us ta ink'a' xk'e reetal.

Levítico 7:21

“Wi junaq poyanam tixch'e' k'a'aq re ru muxb'il (a' yaal k'aru xtz'ajnil poyanam malaj xtz'ajnil xul, malaj k'a'aq chik re ru ink'a' us) ut chirix a'an tixtzeka xtib'el li mayej re k'amok ib' sa' usilal li ak q'axtesinb'il re li Qaawa', li poyanam a'an tento taa'isiiq sa' li xtenamit”.

Levítico 14:46

Yalaq ani taa'ok sa' li ochoch chiruheb' li kutan yeeb'il xb'aan laj tij naq tz'aptz'ooq, a'an muxb'ilaq ru toj reetal taa'ok li q'oqyink.

Levítico 15:5

“Yalaq ani taach'e'oq re li na'ajej b'arwi' xyoklaak li winq yaj, tento tixpuch' li raq' ut taa'atinq, ut muxb'il ru taakanaaq toj reetal taa'ok li q'oqyink.

Levítico 15:6

“Yalaq ani taachunlaaq chiru li k'a'aq re ru b'arwi' xchunlaak li winq a'an, tento tixpuch' li raq' ut taa'atinq rik'in ha', ut muxb'il taakanaaq toj reetal taa'ok li q'oqyink.

Levítico 15:7

“Yalaq ani taach'e'oq re li yaj, tento tixpuch' li raq' ut taa'atinq rik'in ha', ut muxb'il ru taakanaaq toj reetal taa'ok li q'oqyink.

Levítico 15:8

“Wi li winq li na'elk xpojkel li xtz'ejwal taachuub'aq sa' xb'een junaq poyanam ink'a' muxb'il ru, a'in tento tixpuch' li raq' ut taa'atinq, ut muxb'il ru taakanaaq toj reetal taa'ok li q'oqyink.

Levítico 15:10

“Yalaq ani taach'e'oq re li k'a'aq re ru b'arwi' ak xchunlaak li na'elk xsam xtz'ejwal, muxb'il ru taakanaaq toj reetal taa'ok li q'oqyink. “Yalaq ani taak'amoq re a k'a'aq re ru a'in, tento tixpuch' li raq' ut taa'atinq, ut taakanaaq chi muxb'il ru toj reetal taa'ok li q'oqyink.

Levítico 15:11

“Yalaq ani taach'e'eq xb'aan li yo chi elk xsam xtz'ejwal chi ink'a' ch'ajb'il li ruq', tento tixpuch' li raq' ut taa'atinq, ut muxb'il ru taakanaaq toj reetal taa'ok li q'oqyink.

Levítico 15:15

Laj tij tixyeechi'iheb': jun cho'q mayej chirix li maak ut li jun chik cho'q k'atb'il mayej. Jo'ka'in naq chiru li Qaawa' laj tij tixch'ajob'resi li yaj li na'elk xsam xtz'ejwal.

Levítico 15:21

“Yalaq ani taach'e'oq re li na'ajej b'arwi' xyoklaak li ixq a'an, tento tixpuch' li raq' ut taa'atinq, ut muxb'il ru taakanaaq toj reetal taa'ok li q'oqyink.

Levítico 15:22

“Yalaq ani taach'e'oq re junaq k'a'aq re ru b'arwi' xchunlaak li ixq a'an, tento tixpuch' li raq' ut taa'atinq, ut taakanaaq chi muxb'il ru toj reetal taa'ok li q'oqyink.

Levítico 15:23

Ani tixch'e' li na'ajej b'arwi' xyoklaak malaj xchunlaak wi' li ixq a'an, taakanaaq chi muxb'il ru toj reetal taa'ok li q'oqyink.

Levítico 15:27

“Yalaq ani taach'e'oq re a k'a'aq re ru a'in, taakanaaq chi muxb'il ru. Tento naq tixpuch' li raq' ut taa'atinq, ut muxb'il ru taakanaaq toj reetal taa'ok li q'oqyink.

Levítico 16:26

ut li ani xk'amok re li chib'aat re xkanab'ankil chaq re laj Asasel, tixpuch' li raq' ut taa'atinq; toja' naq taaruuq taa'ok sa' li na'ajej.

Levítico 16:28

Li poyanam li taak'atoq re a'in, tento tixpuch' li raq' ut taa'atinq; toja' naq taaruuq chi ok sa' li na'ajej.

Levítico 22:5

malaj ani tixmux rib' yal sa' xk'ab'a' xch'e'b'al junaq xul li naxjukuki rib' chiru ch'och' malaj ut junaq winq muxb'il ut naxmux ru li ani nach'e'ok re,

Levítico 22:6

li winq a'an taakanaaq chi muxb'il ru toj reetal taa'ok li q'oqyink, ut ink'a' taaruuq chi xtzekankil li loq'laj mayej wi ink'a' taa'atinq.

Números 19:7

Laj tij tixpuch' li raq' ut taa'atinq rik'in ha'. Chirix chik a'an naru taa'ok sa'eb' li muheb'aal; ab'anan muxb'ilaq chalen toj ewu.