Levítico 11:10 - Q'eqchi Bible

¹⁰ Ab'an li maak'a'eb' xxik' ut xsol rixeb', tz'eqtaananb'ilaqeb' eeb'aan, us ta re palaw malaj ut nima', us ta kok'eb' malaj ut ninqeb'.

Li Santil hu

¹⁰ Abanan eb li xul li cuanqueb saꞌ eb li nimaꞌ ut li palau incꞌaꞌ te̱tzaca cui ma̱cꞌaꞌeb xxicꞌ ut ma̱cꞌaꞌeb xta rix. Tzꞌekta̱nanbilak e̱ban.

Levítico 11:10 ပူးပေါင်းရင်းမြစ်များ

Proverbios 29:27

Eb' li tiikeb' xch'ool xik' neke'ril li ink'a' useb' xna'leb'; ut li ink'a' useb' xch'ool xik' neke'ril li tiikeb' ru xyu'am.

Levítico 7:18

Ut wi ani tixtzeka sa' rox li kutan xtib'el li mayej re k'amok ib' sa' usilal, li mayej a'an ink'a' k'ulb'ilaq chi moko k'eeb'ilaq sa' ajl, ut li tib' a'an tz'eqtaananb'ilaq chi junajwa. Ani taatzekanq re, taakanaaq li maak sa' xb'een.

Proverbios 13:20

Li narochb'eeniheb' li chaab'ileb' xna'leb', tixtaw xna'leb'; ab'an li nawank rik'ineb' li jip, taasachq chi junwaakaj.

Deuteronomio 14:3

“Maatzeka li k'aru tz'eqtaananb'il xb'aan li Qaawa'.

Apocalipsis 21:8

A'ut eb' laj xiw, li ink'a' neke'paab'ank, eb' li tz'i'b'eetal xna'leb', eb' laj kamsinel ras riitz'in, eb' laj muxuleb' rib', eb' laj tuul, eb' laj loq'oninel li yal k'oxlanb'il yos ut chixjunileb' laj tik'ti', taawanq xna'ajeb' sa' li palaw yo xxamlel ut k'ajo' xtiqwal: a'an a'in li xkab' kamk”.

Génesis 1:20

Kixye li Yos: “Chib'ulb'utq li ha' xb'aaneb' li xul, ut che'rupupiq li xik'anel xul sa' xb'een li ruuchich'och' ut chiru choxa”.

Levítico 11:9

“Sa' xyanqeb' li xul neke'wank sa' li ha', sa' li palaw malaj sa' li nima', naru teetzeka ka'ajwi' li wankeb' xxik' ut xsol rixeb'.

Levítico 11:11

Moko naru ta teetzeka li xtib'eleb' chi moko teech'e' wi kamenaqeb', tz'eqtaananb'ilaqeb' b'an eeb'aan.

Deuteronomio 14:10

Ab'an ink'a' teetiw li maak'a'eb' xxik' ut xsol rixeb': a'anaq tz'ajn aj xul cho'q eere.