Levítico 10:6 - Q'eqchi Bible

⁶ Chirix chik a'an laj Moisés kixye re laj Aharón ut reheb' li ralal, a' laj Elehasar ut laj Itamar: “Meehit leerismal chi moko teeq'ich leeraq' re xk'utb'al xrahil eech'ool. Mare anchal texkamq ut taachalq xjosq'il li Yos sa' xb'een li komonil. Li tento te'yaab'aq wi' leerech aj Israelil, a'an: naq xraho'k xch'ool li Qaawa' ut xtaqla chaq li xam.

Li Santil hu

⁶ Laj Aarón cuan rochbeneb laj Eleazar ut laj Itamar li ralal cuib. Laj Moisés quixye reheb: —Me̱risi xbatbal le̱ jolom ut me̱kꞌich le̱ rakꞌ xban xrahil e̱chꞌo̱l re nak incꞌaꞌ texca̱mk ajcuiꞌ la̱ex ut re nak incꞌaꞌ ta̱cha̱lk xjoskꞌil li Ka̱cuaꞌ Dios saꞌ xbe̱neb chixjunileb li tenamit. Aban le̱ rech tenamitil aj Israel teꞌrahokꞌ saꞌ xchꞌo̱leb xban li xam li quixtakla chak li Ka̱cuaꞌ.

Levítico 10:6 ပူးပေါင်းရင်းမြစ်များ

Josué 22:18

Laa'ex yookex xkanab'ankil li Qaawa'. Ma ink'a' nekek'e reetal? Wi anaqwan yookex xq'etq'etinkil eerib' chiru li Yos, wulaj taachalq li xjosq'il sa' xb'een chixjunil li xkomonileb' laj Israel.

Josué 7:1

Ab'an eb' laj Israel ke'xq'et li xtaqlahom laj Josué. Laj Akán, ralal laj Karmí, ri xmam laj Sabdí, xxikin i laj Séraj, sa' xteepal Judá, kixxok cho'q re li k'aru ak q'axtesinb'il re sache'k. Jo'kan naq k'ajo' naq kijosq'o'k li Qaawa' sa' xb'eeneb' laj Israel.

Números 16:22

A'ut eb' a'an ke'xhupub' rib' chiru ch'och' ut ke'tijok chi kama'in: “At Qaawa' Yos, laa'at nakatk'ehok xyu'am li junjunq. Jun ajwi' li xmaakob'k: k'a'ut naq laa'at nakatjosq'o'k rik'in chixjunil li komonil?”, chankeb'.

Números 1:53

ut eb' laj Leví te'xyiib' li xmuheb'aaleb' chi xsutam li Loq'laj Muheb'aal ut te'iloq re, re naq michalk xjosq'il li Qaawa' sa' xb'eeneb' laj Israel”, chan li Qaawa'.

2 Samuel 24:1

Li Qaawa' kichalk wi' chik xjosq'il sa' xb'eeneb' laj Israel ut kixchiq' xjosq'il laj David sa' xb'eeneb' re naq trajla chixjunileb' laj Israel ut laj Judá.

Josué 22:20

Chijultiko'q eere laj Akán, ralal laj Séraj, chanru naq kimaakob'k rik'in xchapb'al li k'aru ak q'axtesinb'il re sache'k. Ut xb'aan li maak kixb'aanu, kikamk, ut li xjosq'il li Qaawa' koxtaw chixjunil li xkomonileb' laj Israel, us ta jun ajwi' chi winq kimaakob'k”, chankeb'.

Levítico 13:45

“Ani saqlep rix, tento twanq chi q'ichb'ilaq li raq' ut ink'a' lanb'ilaq li xjolom; ka'ajwi' tixtz'ap b'ayaq li xnaq' ru ut tixjap re chi xyeeb'al: «Muxb'ilin! Muxb'ilin!», cha'aq.

Números 18:5

Laa'ex texb'aanunq li k'anjel re li Loq'laj Muheb'aal ut re li artal; chi jo'kan ink'a' chik taajosq'o'q li Qaawa' sa' xb'eeneb' laj Israel.

Miqueas 1:16

At tenamit Jerusalén, b'es laawismal xb'aan li rahilal sa' xk'ab'a'eb' laawalal aak'ajol li nakaraheb'. Jo laajolom, kama' li xjolom li t'iw taakanaaq, xb'aan naq eb' laawalal aak'ajol te'k'ame'q sa' ab'l tenamit chi najt aawik'in”.

Jeremías 7:29

At Jerusalén, set li rismal laajolom ut kut chi najt. Ayu chi yaab'ak sa' xb'eeneb' li t'ojoch aj b'ool. Xb'aan naq li Qaawa' yo xjosq'il rik'ineb' laakomonil; xtz'eqtaanaheb' ut xkanab'eb' xjunes chi junajwa.

Josué 7:11

Eb' laj Israel xe'maakob'k ut xe'xq'et li Sumwank xinb'aanu rik'ineb'. Jun chik: xe'xchapatq cho'q reheb' li k'aru ak q'axtesinb'il chi sache'k. Xe'relq'a, xe'xmuq ut xe'xk'e a'an sa' xyanq li k'aru reheb'.

Deuteronomio 33:9

Q'axal kate'xra chiruheb' li xna' xyuwa'eb', jo' ajwi' chiruheb' li rech'alal ut eb' li ralal xk'ajoleb'. Ke'xk'uula sa' xch'ooleb' laawaatin ut ke'xpaab' laaSumwank.

Números 14:6

Ut laj Josué, ralal laj Nun, rochb'een laj Kaleb, ralal laj Jefuné, (a'aneb' xkomoneb' li ke'wulak chaq chi rilb'al li na'ajej Kanahán) ke'xq'ich li raq'eb'

Números 5:18

Laj tij tixxaqab' li ixq chiru li Qaawa', tixhit li rismal xjolom ut tixk'e sa' ruq' li mayej chirix li sowenak. Li ha' re li rahilal ut li majewank, wanq sa' ruq' laj tij.

Éxodo 33:5

xb'aan naq xyehom li Qaawa' re laj Moisés: “Ye reheb' laj Israel: «Laa'ex jun tenamit q'axal kaw leejolom. Wi ta laa'in texwochb'eeni, us ta yal junpaataq, texinsach raj chi junajwa. Jo'kan b'i', isihomaq cherix leechaab'il aq', ut moqon laa'in twil li k'aru tinb'aanu eere»”.

Éxodo 6:23

Laj Aharón kixk'am cho'q rixaqil lix Isabel, xrab'in laj Aminadab, ranab' laj Najsón, ut rik'in a'an ke'yo'laak laj Nadab, laj Abihú, laj Elehasar ut laj Itamar.

Números 20:25

B'oq chaq laj Aharón ut laj Elehasar li ralal, ut k'ameb' toj sa' xb'een li tzuul Hor.

Esdras 7:5

ralal laj Abisúa, ralal laj Pinjás, ralal laj Elehasar, ralal laj Aharón li xyuwa'il aj tij.