Levítico 10:19 - Q'eqchi Bible

¹⁹ Kichaq'ok laj Aharón ut kixye: —K'e reetal, anaqwan eb' a'an xe'xq'axtesi chiru li Qaawa' li xmayejeb' chirix li maak ut li xk'atb'il mayejeb', ut laa'at nakanaw chi us k'aru ink'ulum chaq. Wi ta laa'in xintzeka li mayej chirix li maak sa' li kutan a'in, ma xsaho'k tab'i' sa' xch'ool li Qaawa'?

Li Santil hu

¹⁹ Ut laj Aarón quixye re laj Moisés: —Qꞌue retal. Chiru li cutan aꞌin xeꞌmayejac re xtzꞌa̱manquil xcuybal lix ma̱queb ut queꞌxcꞌat lix mayej chiru li Ka̱cuaꞌ. Abanan la̱in xincꞌul li xuta̱n aꞌin. ¿Ma xsahoꞌ ta biꞌ raj saꞌ xchꞌo̱l li Ka̱cuaꞌ cui ta la̱in xintzaca li mayej re xtzꞌa̱manquil xcuybal li ma̱c? chan.

Levítico 10:19 ပူးပေါင်းရင်းမြစ်များ

Levítico 9:12

Laj Aharón kixset ajwi' xkux li xul kiyeechi'imank cho'q k'atb'il mayej. Eb' li ralal ke'xk'e re li kik', ut laj Aharón kixrachrachi chire li artal chi xjunsutam.

Levítico 9:8

Laj Aharón kinach'ok rik'in li artal ut kixset xkux li saaj wakax li kixyeechi'i chirix li xmaak.

Malaquías 2:13

Ab'anan toj wank chik xkomon li nekeb'aanu: nekexyaab'ak sa' xb'een li x'artal li Yos ut neket'aqresi rik'in li xya'al leeru, nekexq'oqonk ut nekejiq' eech'ool, xb'aan naq li Qaawa' ink'a' chik naxk'ul leemayej chi sa sa' xch'ool.

Malaquías 1:13

Laa'ex nekeye: «Tawajenaqo chi xb'aanunkil a'in!». Ut nikineetz'eqtaana. Ut toj nekek'oxla naq nasaho'k linch'ool rik'in leek'ulunik chi xmayejankil li elq'anb'il xul, malaj li wakax yeq roq malaj ut yaj.

Malaquías 1:10

Us rajan naq jun taxaq sa' eeyanq tixtz'ap li rokeb'aal li wochoch re naq ink'a' texk'atoq mayej sa' lin'artal chi maak'a' rajb'al! Xb'aan naq moko sa ta linch'ool cherix chi moko tink'ul chik leemayej.

Oseas 9:4

Ink'a' te'mayejaq b'iin chiru li Qaawa', chi moko li xmayejeb' taawulaq chiru: rahaq chik xch'ooleb' naq te'tzekanq jo' tawi' naq yooqeb' chi k'aak'alenk kamenaq, ut muxb'ileb' ru te'kanaaq eb' li te'tzekanq re. Li wa a'an ka'ajwi' re te'xtzeka eb' a'an, ut ink'a' naru taak'ame'q sa' rochoch li Yos.

Jeremías 14:12

Us ta te'ayuuniq, ink'a' twab'i li xyaab' xkuxeb'. Us ta te'xq'axtesi we naab'al li k'atb'il mayej ut li xyeechi'omeb', ink'a' tink'ul chi sa sa' inch'ool, tinsach b'an ru li tenamit a'in rik'in q'esnal ch'iich', rik'in we'ej ut raxkamk”.

Jeremías 6:20

K'aru na'ok wi' we li k'ajpom re Sabá ut li sununkil b'an chalenaq sa' najtil tenamit? Laa'in ink'a' nawulak chiwu leek'atb'il mayej chi moko naxk'ul wu li k'a'aq chik ru nekeyeechi'i we”.

Isaías 1:15

Naq neketaqsi leeruq' chi tijok, nintz'ap li xnaq' wu re naq ink'a' texwil. Us ta neketiq roq leetij, laa'in ink'a' nawab'i, xb'aan naq oso'jenaq sa' kik' leeruq': k'ajo'eb' li poyanam kekamsi!

Hebreos 9:8

Rik'in a'in li Santil Musiq'ej naxk'ut chiqu naq toj maji' teeto xb'ehil li Santil Na'ajej, wi toj xaqxo li xb'een Muheb'aal.

Hebreos 7:27

Ink'a' aajel ru naq taamayejaq rajlal kutan xb'enwa chirixeb' li xmaak xjunes rib' jo' neke'xb'aanu eb' li xyuwa'il aj tij, ut moqon chik chirix li xmaakeb' li tenamit. Xb'aan naq jun sut ajwi' kimayejak li Jesus ut chi junwaakaj, naq kixyeechi'i rib'.

Filipenses 4:4

Junelik chexsaho'q rik'in li Qaawa'. Ninye wi' chik eere: naq chexsaho'q!

Isaías 1:11

“K'aru aj e we leek'iila mayej? Jwal xintitz'k xb'aan leekarneer nekek'at chiwu, ut ninyib' li xk'iila xeeb'ul leewakax. Li xkik'eleb' li wakax ut eb' li chib'aat ink'a' nawulak chiwu.

Deuteronomio 26:14

Ink'a' xintzeka a'an naq wankin sa' rahil ch'oolejil, maak'a' xinxok naq muxb'ilin, maak'a' xinyeechi'i re junaq kamenaq. Xwab'i xyaab' xkux li Qaawa' linYos ut xinb'aanu chixjunil jo' chanru lintaqlankil aab'aan.

Deuteronomio 12:7

Aran textzekanq chiru li Qaawa' leeYos ut taasaho'q leech'ool, eerochb'een leejunkab'al, sa' xk'ab'a' chixjunil li k'anjel xexrosob'tesi wi' li Qaawa' leeYos.

Levítico 10:20

Naq kirab'i a'in laj Moisés, kik'ojlaak xch'ool.