Levítico 10:11 - Q'eqchi Bible

¹¹ ut texruhanq ajwi' xtzolb'aleb' laj Israel rik'in chixjunil li xchaq'rab' li Qaawa' xk'ehom re laj Moisés cho'q eere”.

Li Santil hu

¹¹ Tento nak te̱tzoleb laj Israel riqꞌuin chixjunil li chakꞌrab li xinqꞌue re laj Moisés, chan li Dios.

Levítico 10:11 ပူးပေါင်းရင်းမြစ်များ

San Mateo 28:20

ut k'utumaq chiruheb' xpaab'ankil chixjunil li xexintaqla wi'. Chenawaq naq laa'in wanqin eerik'in chixjunil li kutan toj sa' roso'jik li ruuchich'och'.

Malaquías 2:7

“Ex aj tij, laa'ex li xtaql li Nimajwal Yos. Leek'anjel laa'ex, a'an xk'utb'al li Chaq'rab' chiruheb' li poyanam, ut chixjunileb' tento te'xsik' eerik'in li chaab'il na'leb'.

Nehemías 8:8

Ke'xyaab'asi xsa' xHuhil li xChaq'rab' li Yos chi raqal ut ke'xch'olob' sa' raatinob'aaleb' re naq taatawmanq ru li xyaab'asimank.

Nehemías 8:2

Sa' li xb'een kutan re li xwuq po laj Esdras laj tij kixk'am chaq xHuhil li xChaq'rab' li Qaawa' chiru li komonil, ch'utch'uukeb' aran jo' winq, jo' ixq ut li jo'k'ihaleb' te'ruhanq chi xtawb'al xyaalal.

Jeremías 18:18

Toja' naq ke'xye: “Kimqex ut qak'uub'aq chanru tqakamsi laj Jeremías. Junelik te'wanq aj tij re qatzolb'al, jo' ajwi' li wankeb' xna'leb' re te'xk'e qana'leb', ut wanqeb' ajwi' propeet li te'xye qe li raatin li Yos. Qajitaq laj Jeremías re naq taakamsiiq, ut miqapaab' chik chixjunil li naxye”, chankeb'.

Deuteronomio 24:8

“K'e reetal li yajel saqlep; chapaab' ut chab'aanu chixjunil li k'aru neke'xye eb' laj tij aj Leví. Chak'e aach'ool chi xk'anjelankil jo'ch'inal jo'nimal xinye reheb'.

1 Ts 4:2

Laa'ex nekenaw leetaqlankil xqak'e eere sa' xk'ab'a' li Qaawa' Jesus.

Hechos 20:27

xb'aan naq ink'a' xinxiwak chi xyeeb'al eere resil chixjunil li xnimal rajom li Yos.

Deuteronomio 33:10

Eb' a'an neke'xk'ut laataqlahom chiruheb' li ralal xk'ajol laj Jakob ut laachaq'rab' chiruheb' laj Israel. Neke'xyeechi'i pom chawu laa'at ut neke'mayejak chi chaab'il sa' xb'een laa'artal.

Jeremías 2:8

Eb' laj tij maajun wa chik ke'xpatz' rib'eb': «B'ar wank li Qaawa'?». Eb' laj tzolol re lintenamit ink'a' ke'xnaw wu; eb' laj jolominel reheb' ke'xq'etq'eti rib' chiwu, ut eb' li propeet sa' xk'ab'a' chik laj Bahal ke'aatinak ut koheb' chirixeb' li jalanil yos li maak'a' neke'ok wi'.

2 Crónicas 30:22

Naq kiril a'an, laj Esekías kixb'anyoxi reheb' chixjunileb' laj Leví naq ke'xb'aanu chi us li xk'anjel li Qaawa'. Chiru wuqub' kutan ke'xtzeka xmayejil li ninq'e, ke'mayejak re li k'amok ib' sa' usilal rik'in li Yos ut ke'xloq'oni ru li Qaawa', xYos eb' li xxe'toonil yuwa'eb'.

2 Crónicas 17:9

Eb' a'in ke'xtzoleb' laj Judá, rik'in xyaalalil li xChaq'rab' li Qaawa'. Ke'xb'eeni chixjunileb' li tenamit re Judá ut ke'xtzoleb' li tenamit.

Deuteronomio 17:10

Laa'at taak'ulub'a li k'aru te'xye aawe toj sa' chaq li na'ajej tixsik' ru li Qaawa', ut taab'aanu jo' chanru tz'aqal yeeb'il aawe.

Deuteronomio 17:11

B'aanu jo' chanru laataqlankil ut li xyeemank aawe sa' li raqb'a aatin: ink'a' taajal xb'ehil li raqb'a aatin te'xk'ut chawu, chi moko sa' laanim chi moko sa' laatz'e.

2 Crónicas 15:3

Chiru k'iila chihab' eb' laj Israel ke'wank chi maak'a' tz'aqal xYoseb', maak'a' junaq aj tij natzolok reheb' ut maak'a' li chaq'rab'.