Levítico 10:1 - Q'eqchi Bible

¹ Laj Nadab ut laj Abihú, ralaleb' laj Aharón, ke'xchap junjunqeb' xsansaar, ke'xk'e xam ut pom chisa' ut ke'xyeechi'i chiru li Qaawa' jun li xam moko xk'ulub' ta li Yos. Ink'a' ke'xb'aanu jo' kixye li Qaawa'.

Li Santil hu

¹ Eb li ralal laj Aarón, laj Nadab ut laj Abiú, queꞌxqꞌue li xam chi saꞌ li sansar, abanan li xam aꞌan jalan chiru li quixye li Dios. Queꞌxqꞌue ajcuiꞌ li pom ut queꞌxmayeja chiru li Dios. Incꞌaꞌ queꞌxba̱nu joꞌ quixye li Dios.

Levítico 10:1 ပူးပေါင်းရင်းမြစ်များ

Números 26:61

Laj Nadab ut laj Abihú ke'kamk naq ke'xyeechi'i jun li xam moko xk'ulub' ta li Qaawa'.

Levítico 16:12

Chirix a'an tixxok jun li sansaar sa' li artal chiru li Qaawa', nujenaqaq rik'in ru ram; tixxok ajwi' wiib' moch'olaq li k'ajpom li jwal sununk ut tixk'am chirix li t'ilkem;

Deuteronomio 12:32

“Chepaab' ut chek'anjela ru li xexintaqla wi' chi maak'a' teetiq ru chi moko teerisi.

Números 16:46

laj Moisés kixye re laj Aharón: “Xok laaxanxaar, k'e xam chisa' xkomon li wank sa' li artal, ut k'e ajwi' li pom. Chirix a'an ayu chi junpaat wankeb' wi' li komonil ut taatoj rix li xmaakeb'. Xb'aan naq xnumtaak li xjosq'il li Qaawa' ut ak xtiklaak li raxkamk”, chan.

Éxodo 24:1

Kixye li Qaawa' re laj Moisés: “Taqenqex chaq wankin wi', laa'at, laj Aharón, laj Nadab, laj Abihú ut lajeeb' xkaak'aal li xcheekelaleb' laj Israel. Toj najt teehupub' chaq eerib'.

Éxodo 6:23

Laj Aharón kixk'am cho'q rixaqil lix Isabel, xrab'in laj Aminadab, ranab' laj Najsón, ut rik'in a'an ke'yo'laak laj Nadab, laj Abihú, laj Elehasar ut laj Itamar.

Salmos 141:2

Chiwulaq ta aawik'in lintij jo' xb'ook li pom. Naq ninterq'usi li wuq' chawu, jo' taxaq li mayej nayeechi'imank ewu.

Levítico 22:9

“Ye reheb' naq xpaab'aqeb' linchaq'rab'; chi jo'kan ink'a' te'riiqani junaq maak chi moko te'kamq yal sa' xk'ab'a' naq xe'xq'etq'eti rib'eb'. Laa'in li Qaawa', li ninsantob'resink reheb'.

Éxodo 28:1

“Sa' xyanqeb' laj Israel xinsik' ru laj Aharón laawas ut eb' li ralal, re te'k'anjelaq chiwu cho'q aj tij. A'aneb' laj Nadab, laj Abihú, laj Elehasar ut laj Itamar, ralaleb' laj Aharón. Chapatz' b'i' reheb' naq te'nach'oq aawik'in.

Éxodo 24:9

Laj Moisés kitaqe'k chiru li tzuul rochb'eeneb' laj Aharón, laj Nadab, laj Abihú ut lajeeb' xkaak'aal li xcheekelaleb' laj Israel.

Levítico 16:1

Li Qaawa' ki'aatinak rik'in laj Moisés naq ak xek'am li wiib' chi ralal laj Aharón. Eb' a'in ke'kamk xb'aan naq jwal ke'nach'ok rik'in li Qaawa'.

Levítico 9:24

ki'elk xam b'arwi' kixk'ut rib' li Qaawa' ut kixk'at li xul li taak'atmanq raj ut li xeeb' li wank sa' xb'een li artal. Naq ke'ril a'in, chixjunileb' laj Israel ke'xjap re xb'aan xsahileb' xch'ool ut ke'xhupub' rib' sa' ch'och' chi loq'onink.

Éxodo 27:3

Taayiib' xna'aj li cha; taayiib' ajwi' eb' li xokleb', li k'uuleb'aal kik', li chapleb' ut xna'aj ru xam: chixjunileb' li k'anjelob'aal a'in taayiib' rik'in q'anch'iich'.

Hebreos 9:4

li wan wi' li artal oor re li pom, jo'wi' li xloq'laj Kaaxil li Sumwank (a'in junes oor li rix), ut chisa' wank li sek' oor k'uulanb'ileb' wi' li maná, li xxuq' laj Aharón li kituxmek ut eb' li perpookil pek re li Sumwank.

Jeremías 44:15

Toja' naq jo'k'ihaleb' li neke'xnaw naq li rixaqileb' neke'k'atok k'ajpom chiruheb' li jalanil yos, chixjunileb' li ixq ch'utch'uukeb' aran jo'wi' chixjunileb' li wankatqeb' chaq Patros, sa' xteepal Ejiipt, ke'xye re laj Jeremías:

Jeremías 44:8

K'a'ut naq nikineemajewa rik'in li k'aru nekeb'aanu, naq nekemayeja li k'ajpom chiruheb' li jalanil yos arin Ejiipt, b'arwi' kexchalk chi na'ajunk, yal re naq tinsach eeru ut tz'eqtaananb'ilaqex ut xutaanalaqex cho'q reheb' chixjunil li tenamit sa' ruuchich'och'?

Jeremías 32:35

Xe'xyiib'atq ajwi' x'artal laj Bahal sa' xtaq'ahil Ben-Hinón, re xk'atb'al li ralal xk'ajoleb' cho'q xmayejeb' chiru laj Molok. Chi jo'kan xe'xk'e chi maakob'k eb' laj Judá, li maajun wa inyehom reheb' chi moko xnume'k b'ayaq sa' inch'ool naq jo'kan te'xb'aanu.

Jeremías 19:5

Xe'xyiib'atq li tijob'aal cho'q re laj Bahal re xk'atb'aleb' li ralal xk'ajoleb' cho'q mayej sa' xk'ab'a' laj Bahal, ut laa'in ink'a' xintaqlaheb' xb'aanunkil li na'leb' a'in, ink'a' inyehom reheb' chi moko ink'oxlahom kach'inaq.

Jeremías 7:31

Sa' xTaq'ahil Ben-Hinón xe'xyiib' li tijob'aal re Tófet, re xyeechi'inkileb' li ralal xk'ajol cho'q k'atb'il mayej, li maajun wa inyehom reheb' chi moko xink'oxla b'ayaq a'an.

Deuteronomio 17:3

tixloq'oni ruheb' li jalanil yos ut tixwiq'ib' rib' chiruheb', a' yaal ma chiru li saq'e, li po malaj chiruheb' li chahim, ut chi jo'kan tixq'et rib' chiru linchaq'rab'.

Deuteronomio 4:2

Maak'a' teetiq re li texintaqla wi', chi moko wank ta teerisi; teepaab' b'an chixjunileb' li xchaq'rab' li Qaawa' leeYos, jo' chanru tinye eere.

Éxodo 40:27

ut sa' xb'een a'an kixk'at li sununkil ensens, jo' kitaqlaak wi' xb'aan li Qaawa'.

Éxodo 38:3

Kixyiib' ajwi' chixjunileb' li k'anjelob'aal re li artal: eb' li xna'aj li cha, li xokleb', li k'uuleb'aal kik', li chapleb' ut li xna'aj ru xam; ut kixyiib' rik'in q'anch'iich' chixjunileb' li k'anjelob'aal re li artal.

Éxodo 37:29

Kixyiib' ajwi' li aseeyt re li loq'laj yuluk ut li sununkil ensens jwal chaab'il, jo' tz'aqal naxb'aanu laj yiib'ahom re.

Éxodo 31:11

li aseeyt re li yuluk ut li sununkil ensens re li Loq'laj Na'ajej. Eb' a'an te'yiib'anq re chixjunil a'in jo' xinye tz'aqal aawe”.

1 Reyes 18:38

Toja' naq kikub'e chaq li xxam li Qaawa', kixk'at li mayej ut li si'; kixchaqihob'resi ajwi' li ha' li wank sa' li roqha' kixb'ek chi xjunsutam li artal.

Éxodo 8:27

Jo'kan naq toob'eeq sa' li chaqich'och' chiru oxib' kutan ut aran toomayejaq chiru li Qaawa' li qaYos, jo' taqlanb'ilo wi' xb'aan”.

Números 4:18

“Maawisi eb' laj Kehat sa' xyanqeb' laj Leví.