Jueces 9:7 - Q'eqchi Bible

⁷ Naq laj Jotán kirab'i resil li ke'xb'aanu, kitaqe'k sa' xb'een li tzuul Karisín ut aran kixjap re chi xyeeb'al: “Ab'ihomaqin, ex xwinqilal Sikem, ut li Yos chi'ab'inq eere.

Li Santil hu

⁷ Nak laj Jotam quirabi resil li queꞌxba̱nu, quitakeꞌ saꞌ xbe̱n li tzu̱l Gerizim. Ut toj aran quixjap chak re chixyebal: —Ex cui̱nk aj Siquem, cherabihak li cꞌaꞌru oc cue chixyebal ut chirabihak ta ajcuiꞌ li Dios li cꞌaꞌru te̱ye la̱ex.

Jueces 9:7 ပူးပေါင်းရင်းမြစ်များ

Deuteronomio 11:29

“Naq akaq xexroksi li Qaawa' leeYos sa' li ch'och' toxeereechani, teek'e li osob'tesink sa' xb'een li tzuul Karisín, ut li majewank teek'e sa' xb'een li tzuul Ebal.

San Juan 4:20

Eb' li qana' qayuwa' xe'loq'onink sa' xb'een li tzuul a'in ut laa'ex nekeye naq li na'ajej b'arwi' tento li loq'onink a'an Jerusalén.

Deuteronomio 27:12

“A'aneb' a'in li te'xaqliiq sa' li tzuul Karisín re rosob'tesinkil li tenamit, naq akaq xexnume'k junpak'al li nima' Jordán: laj Simehón, laj Leví, laj Judá, laj Isakar, laj José ut laj Benjamín.

Isaías 1:15

Naq neketaqsi leeruq' chi tijok, nintz'ap li xnaq' wu re naq ink'a' texwil. Us ta neketiq roq leetij, laa'in ink'a' nawab'i, xb'aan naq oso'jenaq sa' kik' leeruq': k'ajo'eb' li poyanam kekamsi!

Proverbios 28:9

Li ink'a' naxpaab' xchaq'rab' li Qaawa', ink'a' ajwi' nak'ule'k li xtij xb'aan li Yos.

Proverbios 21:13

Li ink'a' naruxtaana ru li neb'a' naq wank sa' rahilal, ink'a' ajwi' taatenq'aaq naq tixpatz' usilal.

Josué 8:33

Toja' naq li jo'k'ihaleb' wankeb' aran, eb' laj Israel jo'wi' li jalan xtenamiteb', eb' li cheekel winq, eb' laj tz'iib' ut eb' laj raqol aatin ke'xaqliik sa' xka'pak'alil li Loq'laj Kaax, chiruheb' laj tij aj Leví aj k'amoneleb' re li xLoq'laj Kaaxil li Sumwank: jun yiijach chiru li tzuul Karisín ut li jun yiijach chik chiru li tzuul Ebal. Ke'xb'aanu jo' kiyehe'k reheb' junxil xb'aan laj Moisés, aj k'anjel chiru li Qaawa', naq kirosob'tesiheb' xb'ensut li tenamit Israel.

Santiago 2:13

Xb'aan naq maak'a'aq uxtaanal sa' li raqb'a aatin cho'q re li ink'a' ki'uxtaanank u; a'ut li na'uxtaanank u naxq'ax ru li raqb'a aatin.

Deuteronomio 11:30

Eb' li tzuul a'in wankeb' junpak'al li nima' Jordán, chire li b'e naxik sa' xjayal rokeb'l saq'e, sa' xtenamiteb' laj Kanahán li wankeb' aran Arabá, sa' xka'yab'aal Kilkal, nach' rik'in li ji re Moré.

Jueces 9:6

Toja' naq ke'xch'utub' rib' chixjunileb' li xjolomileb' laj Sikem ut chixjunileb' laj Bet-Miló, ut ke'xxaqab' laj Abimélek cho'q awab'ej, chi xk'atq li ji re li xaqxookil pek li wank aran Sikem.

Jueces 9:8

“Sa' jun kutan ke'xch'utub' rib' eb' li che' re xxaqab'ankil jun li awab'ej reheb', ut ke'xye re li oliiw: «Laa'ataq laj jolominel qe», chankeb'.

Génesis 37:6

Kixye reheb': “Ab'ihomaq linmatk'.