Jueces 9:57 - Q'eqchi Bible

⁵⁷ Ut li Yos kixk'eheb' ajwi' chi xtojb'al rix li xmaakeb' chixjunileb' laj Sikem. Chi jo'kan kitz'aqlok ru rik'ineb' li xmajewahom laj Jotán, ralal laj Yerubahal.

Li Santil hu

⁵⁷ Ut li Dios quixqꞌueheb ajcuiꞌ chixtojbal rix lix ma̱queb li cui̱nk li cuanqueb Siquem. Queꞌxcꞌul joꞌ quixye laj Jotam li ralal laj Jerobaal.

Jueces 9:57 ပူးပေါင်းရင်းမြစ်များ

Jueces 9:20

Ab'an wi ink'a' jo'kan, chi'elq chaq xam rik'in laj Abimélek re xk'atb'al li xjolomileb' laj Sikem ut Bet-Miló. Jo'kan ajwi' chi'elq chaq xam rik'ineb' li xjolomileb' laj Sikem ut Bet-Miló ut chixk'ataq laj Abimélek”, chan.

1 Reyes 16:34

Chiruheb' li kutan a'an, laj Jihel aj Betel kixwaklesi wi' chik li tenamit Jerikó. Rik'in xtz'aq laj Abirón, li xb'een ralal, kixk'ojob' rub'elankil li tenamit, ut rik'in xtz'aq laj Sejub, li xch'i'p, kixyiib' li xtz'apb'al li tenamit, jo' kixye li Qaawa' chi xtz'uumal re laj Josué, ralal laj Nun.

Jueces 9:45

Chiru chixjunil li kutan a'an laj Abimélek kiyalok toj reetal kireechani li tenamit, ut kixkamsi chi ch'iich' jo'k'ihaleb' wankeb' aran. Chirix chik a'an kixsach ru li tenamit ut kiraw chi atz'am.

Josué 6:26

Sa' li kutan a'an laj Josué kixye a'in sa' jurament: “Majewanb'ilaq chiru li Qaawa' li winq li taawakliiq ut tixwaklesi wi' chik li tenamit Jerikó! Rik'in xkamik li xb'een ralal tixtoj rix li xk'ojob'ankil li rub'elankil li tenamit, ut rik'in xkamik li xch'iip tixtoj rix li xyiib'ankil li rokeb'aal”, chan.

Jueces 9:24

re naq eeqajunb'ilaq li xkamikeb' li lajeeb' xkaak'aal ralaleb' laj Yerubahal, ut laj Abimélek tixtoj rix li maak kixb'aanu rochb'eeneb' li xjolomileb' laj Sikem li ke'tenq'ank re.

Jueces 9:56

Jo'ka'in naq li Yos kixq'ajkamu re laj Abimélek li ink'a' us kixb'aanu re li xyuwa' naq kixkamsiheb' li lajeeb' xkaak'aal (70) chi ras riitz'ineb'.

Jueces 10:1

Naq ak xkamk laj Abimélek, jun li winq, xkomoneb' li ralal xk'ajol laj Isakar, kiwakliik chaq re xkolb'aleb' laj Israel. A'an aj Tolá xk'ab'a', ralal laj Puhá, ri xmam laj Dodó, ut Samir li xna'aj, aran sa'eb' li xtzuulul Efraín.

1 Reyes 2:32

Li Qaawa' chixteneb' sa' xb'een laj Johab li xkamikeb' li wiib' chi winq jwal tiikeb' xch'ool ut q'axal chaab'ileb' chiru a'an. Kixkamsiheb' chi ch'iich' chi ink'a' kixnaw laj David linyuwa': a' laj Abner, ralal laj Ner, xjolomileb' laj puub' re Israel, ut laj Amasá, ralal laj Jéter, xjolomileb' laj puub' re Judá.

Jueces 1:7

Toja' naq laj Adoni-Bések kixye reheb': “Junxil lajeeb' xkaak'aal chi awab'ej neke'xokok chaq xk'aj wa rub'el linmeex, chi yok'b'il li xna' ru'uj ruq'eb' ut li xna' ru'uj roqeb'. Ab'an anaqwan, jo' chanru xinb'aanu, jo'kan ajwi' naq xinxq'ajkamu li Yos”, chan. Ut ke'xk'am Jerusalén, ut aran kikamk.

2 Samuel 3:39

Jo'kan naq, us ta laa'in li awab'ej sik'b'il ru xb'aan li Yos, ab'anan naweek'a naq maak'a' inmetz'ew: q'axal kaweb' rib' chiwu eb' li xyum lix Sarbia. Li Qaawa' chik'ehoq reeqaj re li ani xb'aanunk re li maa'usilal a'in!”, chan.

Salmos 7:17

Jo'ch'inal jo'nimal kilajxb'aanu taasutq'iiq chaq sa' xb'een, ut a' chik li xmaa'usilal taat'ane'q sa' xb'een.

Salmos 94:23

A'an taak'ehoq chi xtojb'aleb' xmaak eb' laj b'aanuhom maa'usilal, tixsach ruheb' li yib'ru xna'leb'eb'. Li Qaawa' li qaYos tixjuk'eb' xwankil chi junajwa.

Proverbios 5:22

Li ink'a' us xch'ool nat'ane'k sa' li xmaa'usilal; a' ajwi' li xmaak nasachok re.

Isaías 3:11

Ab'an toq'ob' ru li ink'a' us xna'leb', xb'aan naq taaq'ajkamuuq jo' chanru li xyehom xb'aanuhom.