Jueces 9:44 - Q'eqchi Bible

⁴⁴ Laj Abimélek ut eb' li rochb'een ke'xkut rib' sa' xb'eeneb' li wankeb' sa' rokeb'aal li tenamit, a'ut li wiib' ch'uut chik ke'yalok ut ke'xq'ax ruheb' li wankeb' sa' k'aleb'aal.

Li Santil hu

⁴⁴ Nak eb laj Abimelec ut eb li soldado li cuanqueb rochben yo̱queb chi oc chi pletic saꞌ li tenamit, li cuib chꞌu̱tal chic chi soldado yo̱queb chixcamsinquileb li cuanqueb saꞌ cꞌaleba̱l.

Jueces 9:44 ပူးပေါင်းရင်းမြစ်များ

Gálatas 5:15

Chek'ehaq reetal, wi neketiw eerib' ut neket'upihatq eerib' cherib'il eerib', toxeekamsi eerib' cherib'il eerib'!

Jueces 9:20

Ab'an wi ink'a' jo'kan, chi'elq chaq xam rik'in laj Abimélek re xk'atb'al li xjolomileb' laj Sikem ut Bet-Miló. Jo'kan ajwi' chi'elq chaq xam rik'ineb' li xjolomileb' laj Sikem ut Bet-Miló ut chixk'ataq laj Abimélek”, chan.

Jueces 9:15

Ut li k'ix kixsumeheb': «Wi relik chi yaal naq xesik' wu re awab'ejink sa' eeb'een, kimqex chi hilank rub'el linmu. Wi ut ink'a' jo'kan, chi'elq xam wik'in ut chixk'at eb' li yaw re Líbano», chan.

Jueces 9:43

kixjachi eb' laj puub' sa' oxib' ch'uut ut koxmuq rib' sa' li k'aleb'aal, ut naq kirileb' li poyanam chi elk sa' li tenamit, kichalk sa' xb'eeneb' ut kixq'ax ruheb'.

Jueces 9:45

Chiru chixjunil li kutan a'an laj Abimélek kiyalok toj reetal kireechani li tenamit, ut kixkamsi chi ch'iich' jo'k'ihaleb' wankeb' aran. Chirix chik a'an kixsach ru li tenamit ut kiraw chi atz'am.