Jueces 9:27 - Q'eqchi Bible

²⁷ Eb' a'in koheb' sa' li xna'aj awimq chi sik'ok uub' ut ke'xyatz' re risinkil li xya'al. Chirix chik a'an ke'xtikib' ninq'ehik ut ke'ok sa' rochoch li xyoseb'. Ke'wa'ak, ke'uk'ak ut ke'xmajewa laj Abimélek.

Li Santil hu

²⁷ Queꞌco̱eb chixsicꞌbal ru li uvas ut queꞌxyatzꞌ re risinquil lix yaꞌal. Chirix aꞌan queꞌxba̱nu jun li ninkꞌe saꞌ rochoch lix dioseb. Nak yo̱queb chi cuaꞌac ut chi ucꞌac, yo̱queb chixmajecuanquil laj Abimelec.

Jueces 9:27 ပူးပေါင်းရင်းမြစ်များ

Jueces 9:4

Ke'xchap lajeeb' xkaak'aal chi tumin plaat, xtuminal li rochochil laj Bahal-Berit, ut ke'xk'e re laj Abimélek. Chiru li tumin a'in laj Abimélek kixtojeb' winq ink'a' useb' xna'leb' re naq te'xik chirix. Koheb'

Daniel 5:23

xaq'etq'eti b'an aawib' chiru li xYos li choxa ut xataqla xk'amb'aleb' chaq arin li sek' oor li ke'k'anjelak sa' li rochoch, re uk'ak b'iin chisa' aawochb'eeneb' li ninqeb' xwankil, eb' laawixaqil jo'wi' li xtz'aqob'leb' laawixaqil. Xenima ruheb' li yos yiib'anb'ileb' rik'in oor ut plaat, q'anch'iich' ut ch'iich', che' ut pek, li ink'a' neke'ilok, ink'a' neke'ab'ink ut maak'a' neke'xtaw ru. Ut ink'a' xanima xloq'al li Yos li wank laayu'am sa' ruq', ut li yaal re sa' xb'een chixjunil li nakab'aanu.

Jeremías 25:30

“At Jeremías, ye chixjunileb' li aatin a'in sa' ink'ab'a'. Ye reheb' chi jo'ka'in: «Li Qaawa' tixjap chaq re sa' li choxa ut taa'aatinaq chaq chi kaw toj sa' li xsantil muheb'aal. Tixjap chaq re chi raatinankil li xtenamit, jo' naq neke'xjap reheb' li neke'yatz'ok ru li uub'.

Salmos 109:17

Kixra ru li majewank: chikanaaq sa' xb'een a'an; ink'a' kiraj li osob'tesiik: mi'osob'tesiik ajwi' a'an.

1 Samuel 17:43

ut kixye re: “Ma laa'in tz'i' naq xatchalk chi yalok wik'in rik'in che'?”, chan. Ut sa' xk'ab'a'eb' li xyos kixmajewa laj David

Jueces 16:23

Naq ke'xch'utub' rib' chi ninq'ehik li xjolomileb' laj Filistea ut ke'ok chi xyeechi'inkil jun xnimla mayejeb' chiru laj Dagón li xyoseb', ke'xye: “Li qayos xq'axtesi sa' quq' laj Sansón li xik' na'ilok qe”, chankeb'.

Jueces 9:46

Naq eb' laj Mikdal-Sikem ke'rab'i resil a'an, koxe'xmuq rib' sa' rochochil laj El-Berit.

Jueces 8:33

Chirix li xkamik laj Jedehón eb' laj Israel ke'xmux wi' chik li xpaab'aaleb' rik'ineb' laj Bahal ut ke'xk'e laj Bahal-Berit cho'q xyoseb'.

Levítico 24:11

Sa' jun kutan li winq a'in ut jun chik aj Israel ke'xwech'i rib' sa' li xmuheb'aaleb', ut li xyum li ixq aj Israel kixmajewa xk'ab'a' li Qaawa'. Toja' naq kik'ame'k chiru laj Moisés

Éxodo 32:19

Naq laj Moisés kijilok chi xk'atq li xmuheb'aaleb' ut kiril li saaj wakax yiib'anb'il rik'in oor ut li xajok, k'ajo' naq kichalk xjosq'il! Kixkuteb' li tz'alam pek wank sa' ruq' ut kixpuk'iheb' sa' xtoon li tzuul.

Éxodo 32:6

Sa' li kutan jun chik, toj hik'ho, ke'wakliik ut ke'xyeechi'i xmayejeb' ut k'atb'il xul. Moqon eb' li tenamit ke'chunlaak chi wa'ak chi uk'ak, ut chirix a'an ke'wakliik chi xajok ut chi maakob'k.

Jueces 9:26

Sa' jun kutan laj Gahal, ralal laj Obed, rochb'eeneb' li xkomon, kichalk aran Sikem ut kixtaw usilal rik'ineb' li xjolomil li tenamit a'an.

Oseas 7:14

Moko anchaleb' ta xch'ool naq neke'tz'aamank chiwu naq yookeb' chi tz'uyink chiru li xch'aateb'. Yal re xtz'aamankil li triiw ut li b'iin naq neke'xlet'exi li xtib'eleb'. Chi jo'kan xe'xq'etq'eti rib' chiwu.