Jueces 9:15 - Q'eqchi Bible

¹⁵ Ut li k'ix kixsumeheb': «Wi relik chi yaal naq xesik' wu re awab'ejink sa' eeb'een, kimqex chi hilank rub'el linmu. Wi ut ink'a' jo'kan, chi'elq xam wik'in ut chixk'at eb' li yaw re Líbano», chan.

Li Santil hu

¹⁵ Ut li tun qꞌuix quixye reheb: —Cui ya̱l nak la̱ex te̱raj nak la̱in tin-oc chokꞌ e̱rey, quimkex biꞌ anakcuan. Qꞌuehomak e̱rib chi rubel lin mu. Cui ut incꞌaꞌ nequeraj chi joꞌcan, chie̱lk li xam cuiqꞌuin ut chixcꞌatak li chacalteꞌ re Líbano, chan.

Jueces 9:15 ပူးပေါင်းရင်းမြစ်များ

Isaías 30:2

Neke'xik Ejiipt chi ink'a' neke'xye we; neke'xpatz' xtenq'ankileb' re laj Parahón ut neke'xsik' xkolb'aleb' rub'el xwankil Ejiipt.

Oseas 14:7

Eb' laj Israel te'hilanq wi' chik rub'el linmuheelahom; te'xk'anjela ru li triiw, te'atz'umaq jo' li xtoonal li uub' ut jwal nawnooqeb' ru jo' li b'iin na'elk Líbano.

Isaías 2:13

taachalq sa' xb'eeneb' li yaw re Líbano li najt xterameb' ut sa' xb'eeneb' li ji re Basán,

Jueces 9:20

Ab'an wi ink'a' jo'kan, chi'elq chaq xam rik'in laj Abimélek re xk'atb'al li xjolomileb' laj Sikem ut Bet-Miló. Jo'kan ajwi' chi'elq chaq xam rik'ineb' li xjolomileb' laj Sikem ut Bet-Miló ut chixk'ataq laj Abimélek”, chan.

Daniel 4:12

Q'axal ch'ina'us neke'ilok eb' li ruq' ut k'ajo'eb' li ru: aran wank tzekemq cho'q reheb' chixjunil. Sa' xmu neke'hilank chixjunileb' li k'iche'il xul ut neke'sukub'k eb' li xik'anel xul sa'eb' li ruq'; rik'ineb' li ru li che' a'an neke'tzekank chixjunileb' li wankeb' xyu'am.

Ezequiel 19:14

Sa'eb' li ruq' ki'elk li xam, ut kixk'at eb' li ruq' jo'wi' eb' li ru. Maak'a'aq chik li xkawil uq'; ink'a' chik taayiib'amanq li xxuq'eb' li awab'ej chiru»”. A'an a'in jun b'ich re rahil ch'oolejil, ut jo' b'ich re rahil ch'oolejil taab'ichamanq.

Isaías 37:24

Chi xtz'uumal reheb' laataql xahob' li Qaawa' ut xaye sa' laach'ool: «Rik'ineb' link'iila b'eleb'aal ch'iich' xintaqe'k sa' xb'eeneb' li tzuul, toj sa' xb'een Líbano li ink'a' naru wi' wulak. Xint'aneb' li yaw najteb' xteram ut eb' li xchaq'alil ru saqichaj, xinwulak toj sa' xjolom li tzuul, sa' li raxraxil ru k'iche'.

Salmos 104:16

Neke'lanb'ak li xche'k'aam li Qaawa', jo'wi' eb' li yaw awb'ileb' xb'aan, aran Líbano.

2 Reyes 14:9

Ab'an laj Johás, awab'ej re Israel, kixtaqla xsumenkil li raatin laj Amasías, awab'ej re Judá, chi jo'ka'in: “Li jun toon chi k'ix re Líbano kixtaqla xyeeb'al re li jun toon chi yaw re Líbano: «K'e we laarab'in cho'q rixaqil li walal», chan. Ab'anan kinume'k jun josq' aj xul re Líbano ut kixyeq'i li k'ix sa' roq.

Números 21:28

Xb'aan naq xlochk xxamlel Jesbón, yo chi k'atk li xtenamit laj Sijón: x'oso'k li tenamit Ar sa' xteepal Mohab, xchoqlenk li tzuul chire li nima' Arnón.

San Mateo 13:32

A'an q'axal kach'in chiruheb' chixjunil li iyaj; ab'an, naq nak'iik, nim nawulak chiruheb' li awimq, tz'aqal juntoon chi che', toj reetal naq eb' li xul li neke'rupupik chiru choxa neke'xik chi sukub'k sa'eb' li ruq'”.

Ezequiel 31:3

Chanchanat li saqichaj malaj li yaw re Líbano, li jwal ch'ina'useb' li ruq' ut k'ajo'eb' li xxaq, q'axal najt xteram toj reetal kiwulak sa' li choql.

Isaías 1:31

Li winq jwal kaw rib' kama'aq aj chik li k'im, ut li k'anjel naxb'aanu chanchanaq aj chik li chik'che': chi xkab'ichaleb' te'oso'q sa' xam ut maajun taaruhanq chi chupuk re li xam a'an”.

Jueces 9:49

Chixjunileb' li winq ke'xyok' junjunq li ruq' xche'; chirix a'an ke'xtaaqe laj Abimélek, ke'xk'e li ruq'eb' li che' chirix li kab'l, ke'xloch xxamlel ut chi jo'kan ke'xkamsi chixjunileb' laj Mikdal-Sikem: wankeb' tana lajeek'aal rox o'q'ob' (1,000) chi winq ut ixq.

Jueces 9:14

“Sa' xraqik chixjunileb' li che' ke'xye re li k'ix: «Kim laa'at, ut awab'ejin sa' qab'een», chankeb'.

Jueces 9:16

“Ut anaqwan tinpatz' eere: ma sa' xyaalal xeb'aanu ut chi tiik ru leech'ool naq xexaqab' laj Abimélek cho'q awab'ej? Ma us xeb'aanu re laj Yerubahal ut li xjunkab'al? Ma usilal xeb'aanu re, jo' naq a'an kixb'aanu eere laa'ex?

Salmos 29:5

Li xyaab' xkux li Qaawa' naxxereb' li yaw; li Qaawa' naxxereb' li yaw re Líbano.

Jueces 9:44

Laj Abimélek ut eb' li rochb'een ke'xkut rib' sa' xb'eeneb' li wankeb' sa' rokeb'aal li tenamit, a'ut li wiib' ch'uut chik ke'yalok ut ke'xq'ax ruheb' li wankeb' sa' k'aleb'aal.

Lamentaciones 4:20

Xe'xchap li na'awab'ejink qe, li k'ojk'o wi' qach'ool, li sik'b'il ru xb'aan li Yos. Sa' qach'ool laa'o naq rub'el xwankil toomuhenq sa' xyanqeb' li tenamit.