Jueces 8:5 - Q'eqchi Bible

⁵ Naq ke'wulak Sukot, kixye laj Jedehón reheb' li wankeb' aran: “B'aanuhomaq usilal, k'ehomaq xtzekemqeb' laj puub' wochb'een, xb'aan naq tawajenaqeb' ut yookin xsik'b'al laj Sébaj ut laj Salmuná, li wiib' chi awab'ej re Madián”, chan.

Li Santil hu

⁵ Nak queꞌcuulac saꞌ li tenamit Sucot, laj Gedeón quixye reheb li cuanqueb aran: —Nintzꞌa̱ma che̱ru nak te̱ba̱nu li usilal. Te̱qꞌue xtzacae̱mkeb li cui̱nk li cuanqueb cuochben xban nak tacuajenakeb. La̱o yo̱co chira̱linanquileb re takachapeb laj Zeba ut laj Zalmuna lix reyeb laj Madián, chan.

Jueces 8:5 ပူးပေါင်းရင်းမြစ်များ

Génesis 33:17

Ut laj Jakob koho Sukot: aran kixyiib' xmuheb'aal jo'wi' naab'al li kuukil ochoch cho'q reheb' li xketomq. Xb'aan a'an Sukot kixk'e cho'q xk'ab'a' li na'ajej a'an.

Salmos 60:6

Xak'e jun eetalil reheb' li neke'paab'ank aawe re naq te'ruhanq chi kole'k chiru li xna' simaj.

1 Samuel 25:18

Tikto lix Abigahil kixchap lajeek'aal (200) chi wa ut wiib' kuk tz'uum, oob' chi karneer ak pomb'ileb', oob' chi aroow chi joranb'il triiw, o'k'aal chiil chi uub' ak xchaqik ut lajeek'aal chi kaxlan wa yiib'anb'ileb' rik'in chaqi iig, kixk'e chixjunil a'in chirixeb' li xb'uur

Deuteronomio 23:4

xb'aan naq ink'a' ke'chalk chek'ulb'al rik'in wa ut ha' chiru b'e, naq laa'ex kex'elk chaq Ejiipt; ke'xtoj ajwi' laj Balaham re eemajewankil, a' li ralal laj Pehor, li kichalk chaq Petor, Aram-Naharáhin.

Génesis 14:18

Toja' naq laj Melkisedek, awab'ej re Salem, kixyeechi'i xwa ut b'iin, xb'aan naq a'an aj tij chiru li Nimajwal Yos.

Jueces 8:10

Laj Sébaj ut laj Salmuná wankeb' aran Karkor rochb'eeneb' laj puub', wankeb' tana o'laju mil chi winq (15,000): ka'ajwi' eb' a'an li toj yo'yookeb' sa' xyanqeb' laj releb'l saq'e, xb'aan naq wankeb' tana waqk'aal mil (120,000) li ak ke'kamsiik.

Jueces 8:12

Laj Sébaj ut laj Salmuná ke'elelik, ab'an laj Jedehón kixtaaqeheb' toj reetal kixchapeb' li wiib' chi awab'ej, a' laj Sébaj ut laj Salmuná, ut kixsach chixjunileb' laj puub'.

Jueces 8:15

Toja' naq laj Jedehón koho rik'ineb' laj Sukot ut kixye reheb': “We' laj Sébaj ut laj Salmuná li xineehob' wi' naq xeye: «Ma ak xachap tab'i' laj Sébaj ut laj Salmuná re naq tqak'e xwaheb' laawochb'een li xe'tawak?»”.

Jueces 5:23

Majewahomaq Merós, chan li x'ánjel li Qaawa'; majewahomaq, majewahomaq li wankeb' aran, xb'aan naq ink'a' ke'chalk re xtenq'ankil li Qaawa', re xtenq'ankil li Qaawa' jo' neke'xb'aanu li kaweb' rib'.