Jueces 8:27 - Q'eqchi Bible

²⁷ Rik'in li oor kiq'axtesiik re, laj Jedehón kixyiib' jun li efod ut kixk'e aran Ofrá, sa' li xtenamit. Ab'an chixjunileb' laj Israel ke'xmux li xpaab'aaleb' xb'aan li efod, li kikanaak jo' jun ra'al cho'q re laj Jedehón ut li xjunkab'al.

Li Santil hu

²⁷ Ut riqꞌuin li caꞌxic li quikꞌaxtesi̱c re, laj Gedeón quixyi̱b jun li efod oro ut quixqꞌue aran Ofra saꞌ lix tenamit. Ut chixjunileb laj Israel queꞌxcanab xlokꞌoninquil li Ka̱cuaꞌ lix Dioseb. Aꞌ chic li efod queꞌxqꞌue xlokꞌal. Joꞌcan nak laj Gedeón quixbalakꞌi rib ut quixbalakꞌiheb ajcuiꞌ li ralal xcꞌajol.

Jueces 8:27 ပူးပေါင်းရင်းမြစ်များ

Salmos 106:39

ke'xtz'ajni rib' rik'in li xb'aanuhomeb', ke'xmux rib' rik'in li maa'usilal ke'xb'aanu.

Jueces 18:14

Toja' naq eb' li oob' chi aj k'ehol eetal ke'xye reheb' li xkomon: “Ma ink'a' nekenaw naq sa' li kab'l a'in wank jun efod, wankeb' kok' jalam u ut jun pak'b'il yos? K'oxlahomaq chi us k'aru teeb'aanu”, chankeb'.

Jueces 17:5

Sa' rochoch laj Mikaías wank jun tijob'aal. Kixyiib' jun efod jo'wi' xkok' yos, ut kixxaqab' jun li ralal cho'q aj tij.

Jueces 18:17

Eb' li oob' chi aj k'ehol eetal ke'taqe'k, ke'ok ut ke'xxok li efod, li kok' jalam u jo'wi' li pak'b'il yos. Ab'an xaqxo laj tij chire li okeb'aal rochb'eeneb' li lajeek'aal xkab' o'q'ob' (600) chi winq wankeb' xch'iich'.

Deuteronomio 7:16

Jo'kan utan, chasacheb' ru chixjunileb' li tenamit li tixk'e sa' laawuq' li Qaawa' laaYos; maak'e reetal xtoq'ob'aal ruheb' chi moko chaloq'oni ru li xyoseb', xb'aan naq a'anaq aara'lenkil.

Jueces 6:24

Toja' naq laj Jedehón kixyiib' sa' li na'ajej a'an jun li artal cho'q re li Qaawa', ut li Qaawa'-Tuqtuukilal kixk'e cho'q xk'ab'a'. Li artal a'an toj wank anaqwan aran Ofrá, xtenamiteb' laj Abiéser.

Éxodo 23:33

Maakanab'eb' chi wank sa' laana'aj, re naq ink'a' tate'xk'e chi maakob'k chiwu. Mare anchal tat-aaleeq ut taaloq'oniheb' li xyoseb'”.

Oseas 2:2

Li Qaawa' kixye chi jo'ka'in: “Q'usumaq leena', jitomaq, xb'aan naq moko insum'aatin ta chik, ut moko laa'in ta chik li xb'eelom. Xkanab'aq li yumb'eetak ut mixsik'eb' chik li xsum.

Isaías 8:20

Us raj te'aatinaq chi jo'ka'in, ab'anan li k'aru neke'xye, maak'a' na'ok wi'.

Salmos 73:27

Eb' li neke'najto'k aawik'in, te'oso'q; laa'at tatsachoq ruheb' li neke'xmux laarahom.

Jueces 6:11

Toja' naq kichalk li x'ánjel li Qaawa' ut kolk'ojlaaq rub'el li ji wank aran Ofrá, reechanihom laj Johás, xkomoneb' laj Abiéser. Laj Jedehón, ralal laj Johás, yo chi tenok triiw chi muqmu sa' xyatz'leb'aal li uub', re naq ink'a' taa'ile'q xb'aaneb' laj Madián.

Deuteronomio 12:5

Laa'ex tento toxeesik' chaq li Qaawa' leeYos ka'ajwi' sa' li na'ajej xaqab'anb'il xb'aan, sa' xyanq chixjunileb' li teep, re naq aran taahilanq li xk'ab'a'.

Deuteronomio 7:25

Taak'ateb' li xjalam u li xyoseb'. Maarahi ru li oor ut li plaat b'onb'ileb' wi', chi moko taaxok cho'q aawe; mext'ane'k sa' li aaleek a'an, xb'aan naq a'an yib'eetal chiru li Qaawa' laaYos.

Jueces 8:26

Li raalaleb' li matq'ab' oor ke'patz'mank, a'an numenaq ka'k'aal liib'r chi oor, chi ink'a' k'eeb'il sa' ajl li xsahob'eb' ru, eb' li ka'xik ut eb' li kaqi aq'eb' li neke'roksi li awab'ej re Madián, chi moko eb' li q'ol li wankeb' chi xkuxeb' li kameey.

Jueces 8:28

Jo'ka'in naq ke'sache'k xwankil eb' laj Madián chiruheb' laj Israel ut ink'a' chik ke'xwaklesi rib'eb'. Chiru ka'k'aal chihab' eb' laj Israel ke'wank sa' tuqtuukilal, naq toj yo'yooq laj Jedehón.

Éxodo 32:4

Ut a'in kixxok sa' ruq'eb', kixyiib' jun molde, kixha'resi li oor ut kixyiib' jun ch'ina wakax. Toja' naq eb' a'an ke'xye: “A'an a'in laayos, a Israel. A'an ki'isink chaq aawe sa' li tenamit Ejiipt”, chankeb'.

Éxodo 34:16

Jo'kan ajwi', mare anchal taak'e li xrab'ineb' cho'q rixaqileb' laawalal ut, naq te'xmux rib' li ixaqilb'ej chi xloq'oninkil li xyoseb', te'xk'am ajwi' eb' laawalal chi xb'aanunkil maa'usilal chirix li xyoseb'.

Jueces 2:2

Ab'anan tento naq laa'ex ink'a' teek'e eerib' sa' aatin rik'ineb' li wankeb' sa' li tenamit a'in, teejuk'i b'an li x'artaleb'», chankin. A'ut laa'ex ink'a' kerab'i xyaab' linkux. K'a'ut naq xeb'aanu a'an?

Jueces 2:3

Jo'kan naq ninye eere naq ink'a' te'waanilasiheb' li tenamit a'in cheru; a'aneb' b'an te'rahob'tesinq eere, ut li xyoseb' a'anaq jun ra'al cho'q eere”.

Salmos 106:35

ke'xlaq'ab' b'an chik rib' rik'ineb' li maak'a'eb' xpaab'aal ut ke'xtzol chixjunil li neke'xb'aanu a'an.

Ezequiel 7:20

Xe'q'etq'eto'k xb'aan li xchaq'alil ru eb' li xlemtz'il q'ol, ut rik'in a'an xe'xyiib'atq li xreemaaru aj yoseb'. Jo'kan naq tinkanab' cho'q mul chixjunil a'an.

Oseas 3:4

Jo'ka'in te'xk'ul eb' laj Israel: chiru k'iila kutan te'wanq chi maak'a' x'awab'ejeb' chi moko junaq aj k'amol xb'eheb'; ink'a' chik te'mayejaq chi moko te'wanq xpekeb' li te'xk'e xloq'al; maak'a'aq chik aq'ej cho'q reheb' laj tij chi moko te'wanq yiib'anb'il yos sa' li xjunkab'aleb'.